聖誕滲汗

呢個貌似遊樂場的...其實係樟宜機場...

havaianas 理論上好適合新加坡, 但響街上又唔係好見人著...

可能係價錢太狼死, 貴過響香港買, 亦貴過自己上網買...

位於 chinatown 附近的 red dot design museum,

吊住先~ 遲下執完相再講.

有興趣可以估下呢度門係去邊......

警示牌來講, 呢個都真係一絕~

更絕的是, 呢個牌係放響電梯的頂頂,

而你需知道男性小便係慣性向下望的...

又話新加坡冇鹹野睇既?!

(其實我係懷念果d海報畫~)

勵德村在新加坡...

攝於一間荒廢大宅前面...

是日產品

簡直係聖誕送禮佳品呀~

(盛惠 USD$90)

呀... 幾時先可以遙控女人呢...

聖誕快樂!

宵夜速遞

上回果盒'阿波羅'唔係重點, 重點係呢個:

好姐意粉!!

真係好難得見到本地食品包裝係咁令人唔開胃~

等佢仲好意思響盒面寫住"開胃好味"...

內地都未有咁核突啦!

但就係因為佢咁odd, 反而引到我買...

話唔定內有乾坤好味到震呢!

佢老__丫... 封面完全對內容, 一樣咁死衰,
你同我講呢d係係意粉?! 米線+銀針粉咋?!
點解同一盒意粉會出現幾種size?!
廚餘一樣...百鳥歸巢呀?!

隔離果灘野就更加唔好提,
仲衰過嘔吐物! 因為嘔吐物衰極都真係有幾舊肉.
而呢灘"肉水" 係一舊肉都冇的...
只係得蕃茄茸同埋墨西哥豆三大粒...

至於味道呢...其實ok的...
如果你抵受得住佢果陣疑似過期的酸味的話...
(佢標榜個肉醬係"酸"甜的)

品牌行銷

屌~ 正呀喂~~

雪糕品牌"阿波羅"推出新產品

.

.

.

.

.

.

.

我嘗試模仿佢地管理層的思考模式...

"冬天令到雪糕銷售量下跌, d冷凍機器自己雪到硬晒唔係辨法喎,

咁, 如果我地拎來雪火煱料維皮,

咁咪四季都賺晒囉!!"

好響的如意算盤呀~

但用一個雪糕品牌出火煱湯料, 係咪傻架?!

你有冇見過護舒寶出紙巾?

一樣係生產成本唔高, 性能相近,

每個女人用完護舒寶都會用紙巾,

仲可以標榜吸水力強.

睇落都冇得輸架~, 點解唔出?!

我一拎起盒"阿波羅", 第一樣諗既係...

"呀...有冇匙羹架呢?"

意氣昂揚

祝貝盧斯科尼早日康復!

喂~ 佢真係男人偶像來喎~ !!

- 擁有一隊豪華足球隊
- 同黑手黨有非常曖昧的關係
- 身為總理, 但幾乎每次見報都可以同國家無關 (即係游手好閒);
- 最重要係,

七十幾歲仲可以玩 sex party 呀!!

我愛富貴門

以行動杯葛無線好耐,

(好多人成日都話無線壟斷,又或其他台唔爭氣所以焗住睇,
但佢地好似從來唔知, 呢個世界有個option叫做: 唔睇!
喂~ 真係冇人逼你睇架喎~
仲要係免費電視, 你期望佢會俾乜野你?!
你以為佢會為香港觀眾眼睛幸福而拍劇?
太一廂情願了吧~ 醒下啦!
佢地梗係為廣告客戶拍劇啦!
做人要識分庄閒, 冇份落注唔好咁大聲~
所以我好諒解萬基銀行點解成日幫襯恆生~
你亦都要慶幸佢係幫襯恆生而唔係農業銀行.
雖則, 都不遠矣...)

難得今晚得閒,
估唔到富貴門可以令我笑足成晚~

"我而家除左錢, 乜野都冇架喇!"

"你強姦我叫愛我?!"

"奶奶妳唔駛擔心~ 我頭先打過電話俾一心, 但係個電話打唔通..."

好荒謬好冇邏輯咩?
咪同香港人一樣~
又要睇, 又要屌, 仲要追!
螢幕上冇邏輯, 螢幕下冇邏輯,
呢d, 咪就係貼近民生囉~

性 感

題目: 你介意女朋友出街果陣衣著性感嘛?

事源某人被男朋友河蟹, 嚴禁穿著時下好似好興的通花絲襪出街.

的確, 一般女人(係, 係一.般.人! 極端例子不在此談)只要一穿通花絲襪,
無論上身著既係乜野衫, 都會突然變得性感.
收視率會頃刻飆升.

若果同我出街果陣著得性感, 我可是完全不介意的;
當然, 著得性感同其他麻甩佬出街就好難唔介意.
但去到呢個位的話, 你所介意的, 可能已經唔係衣著問題...

(回帶時段)

讀書年代, canteen 經常出現一個怪人, 冇人知佢係唔係學生,
每每食飯時間就見佢蒲頭, 但唔係食飯,
而係靜靜雞企響同學身後, 睇人地睇緊乜野雜誌...
你睇幾耐, 佢就裝幾耐!!
有人會嚇到避開; 有人會__佢老__;

但我地呢
就會幫佢擔埋凳, 再攤平本雜誌響台面,
然後同佢講:
"唔駛企響度咁辛苦啦, 坐定定睇丫嘛~"

(回帶完畢)

想講乜呢?
出現得響我身邊的女性, 就算衣著性感都可保安全.
頂盡咪俾你遠望~
你望得到又掂唔到,
想行近d睇乳溝咩? 得~
行埋來望囉, 但你要埋到佢身, 就先得要埋到我身...

你估下當年果個怪人坐底之後仲有冇得睇雜誌?

紋身 後感

雖說是入門手機, 但我當日不停把玩hero同埋tattoo,
hero除左個鏡頭靚d, 個mon大d,
真係唔覺有好大分別喎!
冇理由要我俾多兩千蚊去買多200萬象素與及0.5吋闊度嘛...

- android 確係比 windows mobile 快好多.
- 介面來說, 同iphone似足八成...(即係冇介面)
- apps呢, 可能係android的最大弱點, 仲未成熟.
- 有樣野比iphone優勝, 就係可以將所有apps射落sd card,
再同朋友分享~
- 畫面解象度奇低, 明明睇果陣冇事, 一set做wallpaper就變low-res.
- 唔知係畫面細定係我手指大, 我成日打錯字.
- 上網ok, 尤其是上google網站果陣, 奇快!
- 睇片就非常麻麻, 雖則上youtube速度又係奇快~
- 支援大部份常見影片格式, 除左rvmb...
- 由於小弟冇join任何手提上網plan,
呢排出街的最大娛樂就係四圍勾人線~

無題 III

雖則最後輸左, 但真係贏晒掌聲



對照組:
同樣係主場正選, 但 samuel dalembert 就俾人噓到爆廠...

無題 II

打鐵趁熱, 今日已經有新衫上架了~

題外話一則,

原本 memphis 為allen iverson 做左二千件波衫,

諗住聖誕果陣送俾現場觀眾,

點知呀 iverson 老兄打左三場就下堂求去.

咁批波衫而家去左邊呢?

係俾晒 Hasheem Thabeet 送返祖家坦桑尼亞俾d窮困小朋友...

易建聯快d幫手爭取下啦! 香港都有好多窮困小朋友架!!

無題

嘩頂~ allen iverson 重返 sixers,
件陳年倉底衫可以重見天日了~~!

生.老.病.out

我好怕out,
但有d野,我寧願out, 都唔要做.

- 衫褲鞋襪

我已經過了追潮衫潮鞋的年齡 (雖則我到而家都仲想買對陳年pump omni lite),
而家只係會求其買d唔太難睇就著出街.
夏天更加過份, 隨手拿起件背心就算.

"你咁瘦著背心唔好睇囉!!"
"瘦又唔著得背心?! 咁, 肥先著得呀? 咁你實著得好睇啦~!"

- 唉phone

一直以來都傾向支持中小企, 專用埋d古怪電話,
風靡全球的 i-phone 我係諗都冇諗過買.

因為我唔係太想借部電話俾人玩...~
以前用 smartphone 就好好多,
可以將d files 收到好埋而冇人開得出~!

- facebook

唔止一次講過, 當我第一日知道facebook有tag相功能之後,
就已經決定唔玩facebook.
我知好多events, 好多相, 好多野玩, 好多朋友...

但就如馮小剛的"手機"裡說:
"科技拉近人與人之間的距離, 但有時近的令人喘不過氣."

趁這世界還未崩壞, 我還想過簡樸的現實生活.

是日金句

今朝睇見霍生上電視講:
"市民唔好誤會康體設施只係作嬉戲用途..."

咦?

喂!

但係你自己拎成個東亞運來嬉戲喎......

斑馬在線

近排生果報推行"sims"化, 將好多新聞轉成動畫,

案件重演一樣.

熱切期待佢將果d 茅山轉運案 又或 桃色糾紛案轉成動畫呀下!~

點解要咁生動呢?

或多或少都係因為新推出果個"壴斑馬"服務.

而家只要你拎住份實物報紙, 睇完段新聞就會見到下方有一個QR code,

就好似咁...

然後你用電話(有QR reader 果D) 對住佢嘟一嘟, 就可以連接上網睇埋段動畫.

我親身試左一次,

發覺

原來呢個服務係需要收費的...

咁...既然我部電話上得網, 咁我點解唔直接上去睇網上版, 而要拎住份實物再嘟佢呢?

仲要計我錢?!

最火起的是, 我係見有周秀娜先上壹斑馬架嘛...

但上到去又冇周秀娜download囉!!

妙想天開

收到bb100方面傳來內容為"妙想天開"徵文活動的email,
大意係寫下點樣從節省得來的月費來消費...
第一個感覺係:
"喂! 佛利民果d論文都係寫呢d咋喎!!"
ok...因佛利民之名, 我寫!

bb100以割喉價$99招客, 介紹兩個人入會仲可以免埋果$99,
搞到呢排msn list一個二個都係果句: 有冇人想申請寬頻?
拿~ 玩得呢個遊戲, 就個個都想成為免費果個.
咁, 個個都唔想俾錢, 到最後要俾錢果個就好似輸左一樣.

所以, 若然問我慳左果d錢可以點樣駛,
咁我會回饋番我d朋友 a.k.a 下線 a.k.a 輸家.

我實在唔忍心要我既朋友成為輸家...

是日廣告

何謂創作?
呢個都可謂夠晒正宗了~

來自法國的CANAL+

急症室的一夜

(ok...唔駛拍手住, 唔係我有事, 我只係跟車去的)

印象中應該係第一次去公營急症室,
嘩...真係亂過睇 "E.R." 喎...

- 一行入門口, 仲以為會有熱血醫生衝埋來問你邊度有事,
(當然, 我更希望衝埋黎果個係護士~)
點知係: "先生, 戴番個口罩先啦!"

- 插播
都係AV惹的禍, 個個都對護士有遐想,
實情呢...護士真係冇件好野!!
至少我識果d係咁~

某護士於泌尿科工作, 成日投訴俾d男病人食佢豆腐,

"嘩~ 咁你插尿喉果陣係咪會兜野捅入去男病人果度架?" 我問.
"咁又唔會, 會俾人投訴架! 但有時會 八支...八支半...咁樣, 佢仲痛苦呀!"

護士, 真係唔可以得罪的...
(插播完畢)

- 在急症室, 最慘的唔係等幾粒鐘見醫生, 而係煙癮起...
當晚仲要係橫風橫雨的十一月,
擔住把遮行幾條街先至可以離開醫院管轄範圍...
然後發現自己冇帶火機...

- 坐足幾粒鐘, 冇娛樂, 唯有焗住睇無線果套XX巨聲,
我第一次睇, 相信亦係最後一次睇,
真係唔明, 點解會有人追睇呢個節目...
睇人唱K有乜好睇?! 平時去蒲仲睇唔夠?!

- 肚餓, 但急症室冇啖好食, 只得一部零食機.
又唔收八達窿只收現銀.
死摷爛摷先搵夠四蚊碎銀.
好難得地買到包媽咪麵醫肚,
保安哥哥竟然又走埋黎: "先生, 戴番個口罩先啦!"
"戴住口罩點食野呀?! 又要我行幾條街出去門口食呀?!"

- 悶左成晚, 臨走先見到急症室的壓軸節目: 男女糾紛!!!

正呀~ 條女喊得勁淒涼要驗傷, 應該係扭親手腳之類啦,
真係我見猶憐, 成日都叫人唔好打女人架嘛~ 男人真仆街...

點知鏡頭一轉...
男事主徐徐下車 (當然係救護車!)
佢半邊頭俾個女人打到爆晒...

雜 絮

- 九龍風水傳

都話風水術數應該列入中學必修課程架啦!

搵到錢又搵到食, 唔駛再愁年青人就業問題.

果D乜乜剪翅計劃可以摺埋咯.

睇風水果個可以有幾十億身家;

識茅山果個又可以九淺一深幫人開運;

而家仲有寵物問米...仲有個好型既名叫寵物傳心師!!

傳心喎......存心___咋?!

其實我都係死物傳心師, 大家以後唔見左電話呀, 遙控呀, 底褲呀都可以搵我,

我會用傳心術幫你搵搵:

"佢而家響一個好黑既地方... 佢好驚...

不過佢叫你唔駛擔心... 佢會遲d番... 唔駛煮佢飯..."

- 俄 女

俄鋁個主席 Oleg Deripaska 因為背景 "有D野" 而拎唔到美國簽證,

嚇到高盛宣佈退出上市保薦, 可能響香港上唔到市.

但呀主席向各大小股民派定心丸, 話自己身家清白, 仲話普京可以做證!!

喂大佬...你講完我仲驚喎...

即係等於克林頓搵貝盧斯科尼證明佢唔鹹濕; 又或

特首好有心推行民主進程: "唔信你問下我個 friend 金正日~"

- being charlie kaufman!

搵足一年都搵唔到 Charlie Kaufman 導演果套 "Synecdoche, New York" DVD,

點知, 佢忽然響下個月香港上畫!!!

BTW, 香港版的 poster 醜到喊...

- being michel gondry!!

講開 Charlie Kaufman 就順手講埋 Michel Gondry,

黎緊法國電影節有佢的 "the thorn in the heart",

但小心地雷, 係紀錄片來的...

- ok...又來...壞品味時間

「你好，我係Karen，我有心事... ... 」
「真case嚟㗎﹗」
「我知係真，等我又搵啲心事寫信俾你。」
「好呀，署名仆街丫。」
「我諗住搵個有型啲嘅名喎。」
「變型金剛？」
「Thomas金剛﹗」
「Thomas金剛，你有咩心事？」
「我同女人合唔到體，點算好？」
「係咪因為你搵錯福娃呀？」
「係福娃又唔錯，有得5P。」
「咁你係咪搵錯Megan Fox呀？人哋咁索，睬你有味。」
「有乜理由？﹗我咁靚仔﹗﹗」
「火車頭金剛身，好kai囉。」
「不知幾多女冧我個頭﹗﹗﹗」
「我諗你換個忍者龜頭好啲... ... 」
「呢期緊係興小飛柒啦～～」

婚紗背後

第一次參與婚紗展,
(唔駛恭喜我...我只係去做野...)

- 真係男人地獄來的!
未入墳墓先落地獄, 哪來的道理?!
故此, 強烈建議展方增設男仕休息抽煙區!
橫豎都係死, 食埋支煙先嘛!

- 入得場的情侶都擁有非比尋常的消費力.
而又, 若果想做得成生意, 記得唔好sell俾錢果個 (即係男人),
集中火力攻擊女方就可以了~

- 跟據非正式統計, 場內七成女性把口係冇停過;
而七成男士個樣都好似被雞姦的一樣...

- 其實我一直都分唔清外地同本地影的婚紗相有乜野分別...
除左貴一截之外...

- 香港好鬼細的又一事例:
路過一檔正播放婚宴錄像的, 看得入神,
睇睇下...
"咦?! 呢個咪阿堅?! 佢幾時結婚架?!"

壞品味系列

- http://www.toysdaily.com/discuz/thread-112771-1-1.html
呢個'山寨玩具大圖鑑'堅係好野~ !!

仲要係日本出! (不過據玩具達人B所講, 呢本野其實出左好耐, 唯獨香港從來冇貨)

由你 見過 到 諗都冇諗過 既山寨玩具都有~

真係做到超英趕美架!

美國有 NIKE x 變形金鋼好巴閉?!

我地祖國有姚明 x 籃球 x 變形金鋼!!

迪迪尼出米老鼠 x 柯柏文算得係乜?!

我地有福娃金鋼!!

***************************************

- 每次有朋友去日本旅行都會循例問我有冇乜野要買.

我總會答:

"如果你去到見到一件產品會令你從心底發出屌~~~! 一聲的話, 請即刻買!

因為我實鐘意!!"

結果, 有d朋友會覺得呢個task太抽象而罷就,

但另一方面, 真係有朋友會努力找"屌~~~!" 的

ok~ 我知呢件唔係新野~

但難得有人咁有我心,

仲要貼心地買夠一對俾我把玩,

就足夠我貼一篇來表揚啦~~!

***************************************

- 有冇人知道呢隊新組合個名點讀?

.

http://www.youtube.com/watch?v=F5xjJgiJWFQ&feature=related

.

four anderson??

而家個世界真係好鬼扭曲,

有人會出左碟之後先開始上堂"學"唱歌;

而家呢隊竟然係上完兩堂泰拳初班出來做"跳舞組合"??

btw, 其中一條友個樣好鬼熟口面,

睇埋新聞先知原來係改左藝名的陳張敏...

算啦...你都係番去打波啦~

***************************************

- 作為煙民, 我真係覺得呢個包裝ok的~

曾幾何時你都試過用兩指夾住支珍寶珠扮食煙嘛?

是日球賽精選

大概因為萬聖節群魔出動,
其中一隻蝙蝠嘍囉唔覺意飛左入正進行比賽的 AT&T Center,
令到比賽暫停.
而當一眾球員返回後備席等待蝙蝠俠救援既時候,
Manu Ginobili竟然...



而同時間, 畫面右上角的 DeJuan Blair 係嚇到避開...

虛擬案內人

[厚格] 說 (下午 03:31):
喂
[超薄格] 說 (下午 03:32):
點
[厚格] 說 (下午 03:32):
大蕃薯停埋牌啦
[超薄格] 說 (下午 03:32):
唉... 今朝升到潮吹咁既樣,
想高追都追唔切!
[厚格] 說 (下午 03:32):
俾你三次機會
估下點解要停牌
[超薄格]說 (下午 03:33):
中央推車?
[厚格] 說 (下午 03:33):
old news啦
同埋中央又會停牌啦實
[超薄格]說 (下午 03:33):
併購?
[厚格] 說 (下午 03:34):
仲有一次機會
阿方卓如講過的
[超薄格]說 (下午 03:35):
大蕃薯停產?
[厚格] 說 (下午 03:35):
妖...
要升呀
[超薄格]說 (下午 03:35):
停產製造需求, 仲唔係升?!
[厚格] 說 (下午 03:36):
(0殊) ...要配股呀
[超薄格] 說 (下午 03:36):
扯~ 配股好常見咋喎
[厚格] 說 (下午 03:37):
咁你唸下宜家既配股
咁你唸下宜家個價配 同之前個價配...
差幾遠
[超薄格] 說 (下午 03:38):
原來妳上個禮拜就知配股!!!
[厚格] 說 (下午 03:38):
嗯... 係上個月...


**本文所有對白, 格仔, 三圍數字均屬虛構, 如有雷同實屬巧合**

從劉翔跑到籃球

- 星期日無記直播劉翔跑全運會, 我唔明有乜好播...
難道佢會有得輸?!
邊有得輸?! 全運會喎~!

其實在同一日, 上海男籃大戰湖北隊爭入八強,
臨完場前分幾鐘仲係打成平手,
而由於上海隊需要羸5分或以上先可以出線, 但時間上又唔夠追5分,
所以故意射失4球罰球, 等加時!

過份? 未算~ 更精彩的在後頭.
對家湖北早已確定出線, 但唔抵得上海隊,
結果完場前向自己籃框射波...寧願輸兩分都唔俾你打加時...

呢個時候, 發現球證原來係上海隊粉絲!!
判入球無效, 勒令比賽進入加時.
雖則上海去到加時都贏唔到5分而黯然出局, 但冇人被罰.
相反湖北就有兩個球員被罰停賽...一場咁大把!

所以話, 劉翔邊有可能輸?!
就算劉翔偷步, 大家都只會擰歪面迴避迴避,
一係就: "是我們的槍管出了狀況, 再來!再來!"

- 劉翔比賽直播完之後, 廣告時段就即刻見到"一剔牌"廣告.
"如果覺得自己值得去做的事情, 就去追吧" 廣告內的劉翔如是說.
而其實, '一剔牌' 贊助的每一個運動員都好鬼'just do it'...

最近入讀 university of central florida (UCF) 的 marcus jordan
因為堅持要著'一剔牌'波鞋上陣而觸怒UCF的原贊助商'三間牌'.
而家'三間牌'正考慮告UCF毀約...

點解咁 'just do it' 呢?
只因佢老豆叫 michael jordan~!

呢件事上面, '三間牌'附出左三百萬贊助費再加上未來的訴訟費;
而'一剔牌'呢? 一毫子都冇出過!!
呢d先係真正的"宣傳易"嘛~

btw, michael jordan另一個仔 jeffrey jordan 就冇呢個問題.
除左矮過又屎過佢細佬 marcus 之外,
佢早前以專心學業為理由退出 illnois 籃球隊, 著乜都得了.
(不過據聞今年又話歸隊...)

- 溫馨提示: NBA聽日開波了.
(請留意畫面右上角果班友...好無聊...)

東歐風情畫

根據經驗 (睇電視既經驗),
如果在 "xxx got talent" 表演藝術,
係冇得贏的~

但呢個, 人肉噴筆 + 傷痕藝術,
又真係好難輸喎~

雜 絮

- 點估得到, 寶麗萊竟然可以咁快翻生?



(ok...呢個廣告唔係新野,
純粹係因為michel gondry與及...香港)


- 呢套, 可能係今年荷里活的最大騙案



trailer已經非常把鬼,
而事實亦被觀眾__到出晒血.
但你有你鬧, 佢有佢繼續鋸大樹.
五個禮拜已狂收三千幾萬...

(好巴閉咩?! spike jonze 果套
where the wild things are上一個禮拜都收三千幾萬啦!)

但 "paranormal activity" 既成本可真低到冇人有喎...
spike jonze 剩係做一隻怪獸夠都佢拍廿套爛片了.

- 講嚇鬼, 真係求其拎個泰國廣告出來都贏你成條街!

有關 (500) Days of Summer

其實我唔係想講套戲,
因為我覺得只係女人先會鍾意睇,
男人係好難代入果種自殘式心態的.
當然我知好多女人都好想有條傻佬每日為自己而茶飯不思...

想講既係, 戲內提及過一套戲叫 sid & nancy,
(男主角話捅妳七刀果套)
1986年產品, 好多年青人都冇睇過,
但唔緊要!
有 tom hanson 同 summer finn 重演過你睇...



如果套戲有呢段, 我諗我會開心好多~

壞品味時間

揭雜誌見到有本地品牌推出"元寶蠟燭糖果",
登時眉頭一皺...乜而家創意淪落到咁?!
佢仲好意思提倡用家買幾支去"哈佬喂"......
嚇鬼咩?!

咪失禮人啦!

"咁拎去拜山咪得囉~"

邊有人拎糖果去拜山咁唔尊重架?!
我地可是'大宅門'來呀!
梗係原隻燒豬抬上山先似樣!
(每次見到呢個情景, 都覺得似係隻豬出殯, 而成班孝子賢孫幫隻豬扶靈...燒豬來講佢都可算係風光了!)

但係, 諗諗下,
去拜山果陣, 正當其他人燃燒冥鏹火紅火綠,
你粒聲唔出企響隔離,
拎起一支'元寶蠟燭糖'...
緩緩地撕開個包裝袋...
再用OREO式食法: 一點, 一擰, 一舔...

應該唔會再有人夠膽同你爭化寶爐的了~!

[半個故事] 從妳離開的一刻開始 二

previously on 從妳離開的一刻開始


"咦? 妳結婚呀?~"
男的試圖率先走出陰霾.
試問那個女人提起結婚會不高興?!

"我同佢...分開了..."

"噢......"
雖則當年女的下堂求去就是為了那個他,
男的理應予以竊笑一番.
但幼承家母之訓: '自己唔好, 都望人地好丫...'
聽到此等消息, 還是會無奈的.

與其講多錯多, 還是重回正題較穩當.
"我近排比較緊絀,
不如我先將份基金轉俾妳先啦, 其他我再諗辦法."

"哦...咁要咩野手續架?"

"唔駛手續...因為我係用妳個名買既..."

是日電視

亞記13台竟然重播
點解阿sir係隻鬼!!

係~ 我又來壞品味, 但我細個果陣真係集集追架喎!

聽人講 不如自己撞 (下)

previously on 聽人講 不如自己撞...


- 彭氏兄弟的 "鬼域" 絕對唔係最驚的一間鬼屋,
但肯定係最型的一間!
行到中途我已經收慢腳步, 轉為研究佢地既裝置擺設...


就連外圍都交足戲~
比之前的'吊頸嶺站'更加似'吊頸嶺'!


- 當晚大受歡迎的'七頭鬼',
當人人爭住同佢前面影合照,
我還是比較鍾意佢後面...
(都話我係基架啦!!)

- "通靈實驗室" 真係充滿實驗性,
入場之前工作人員已再三提及 '心臟病人仕請勿入場',
喂...之前咁多個 houses 都冇人問過我呢個問題喎!!
好似好大劑的說!!
而入到去發覺又真係好大劑, 因為內有暗格...
任憑你之前幾多人入場柴娃娃 嘩哈哈, 去到某一 part都需要獨自面對!
仲要, 未玩完唔准走......!


- 一直想同呢位荷花池小姐講句唔好意思,
因為佢原先係響我耳邊出現企圖'召喚'我幫襯下佢個"魔大迎新夜",
點知我冇交戲不特止, 仲用相機近距離閃左佢一野.
配合度之高直頭令人驚訝 (睇下佢個瞳孔俾我閃到芝麻一樣...)
不得不讚園內冤靈們的專業!~


- 相比之下, "高街鬼屋"就顯得平平無奇...
可能係最後先去呢間, 而我腎上腺素早已升到咁上下,
已經冇乜反應, 仲想嚇番佢地轉頭...

這樣的一個麻煩

無可否認, 我係宅男!
曾幾何時也在網路上追看 dodolook.

別來無恙......乜大個左咁多??
但低能仍在!



想學也學不來的低能.

多謝佢曾經在無數憂鬱的晚上為我帶歡笑~

心繫家國

大海航行靠舵手;
自模爆棚靠雙手!!
我真係有一剎那衝動想將隻碟據為己有~

又, 若果唔知"大海航行靠舵手"呢句的出處,
可以去呢度惡補一下:
而為左遷就當下年青人的普通話水平,
以下內容係以英語播放!

聽人講 不如自己撞 (上)

一切, 應該由呢條鞭說起...

事源多年來一直都只係聽人講"全城哈佬喂",
從來冇打算自己撞, 原因只有一個:
"我.都.唔.驚.既!"

但今次突然收到海洋公園寄來的掛號鞭實在太可惡,
可惡在, 嚇親看更之餘...
點解唔係寄小甜甜果條辮俾我?!
為左幫看更報仇, 我決定自己撞一次!


- 晚上的威威師令都嚇得下人!


- 去迪迪尼之前要做足準備, 去"哈佬喂"就更加要!
入場果陣記得第一時間拎地圖,
我就係因為懶得拎,
而錯過左有得玩魔幻羅更的 "13號差館"...

- 對於一個認為全公園最恐怖的機動遊戲叫纜車的畏高旅客 (即係我!) 來講,

新建成的"海洋列車"簡直係恩賜!

三分鐘就上到山!

但上車果陣唔好諗住霸個窗口位睇風景, 因為無限風光在頂窿,

一系列3D海洋生物會沿途襲擊你.

- "鐵路驚魂"由一班理工學生所設計,

很不錯, 放白煙果一part極有電影 'isomnia' 的味道.

- ok...我係 'transformer' 的粉絲,

我等左好耐希望佢會變飛機...

- "東瀛凶舍" 的鏡陣佈局一絕,

既是鬼屋亦是迷宮, 令人如墮五里霧中.
就如上圖一樣, 我實在分唔清佢係遊客還是...

(信唔信佢會擰轉身?)

- "冥通中心"係由m&m's贊助, 成功估到鬼屋內的m&m's公仔出現次數的話,

可以得到禮品乙份...

點解我會知呢? 因為以上資訊係由場內一位喪屍提供!
佢仲要追住話俾我地聽, 可惜每次佢講唔夠三隻字已經嚇到雞飛狗走~!

雜 絮

- 呢排係咁巡建材舖,
近日好hit果間聯x行, 價錢其實都真係好大眾化,
而d staffs又真係好鬼有禮貌.
所以難怪呀港女賴死唔走都要幫襯聯x行的...

- 前排深夜睇到呢個過氣的american got talents,
見到有個叫lazy legs既參賽者...睇到O晒咀,
上youtube睇番, 發現佢個frd仲癲...



我發得自己好廢囉 =.=

- 睇番早兩日 spain vs serbia 的歐洲賽replay, 但實在太悶,
我竟然轉左去睇觀音娜@超級巨聲...

- 林海峰隻新碟其實我一早收到, 但擺埋好耐先拆出來聽...
結論係...我應該唔會聽第二次...

- 無線連續兩個禮拜播'新哥傳奇'...
澳博股價又突然係咁升...
超蓮性感探病...
嗯...
有啟示!!

是日法器

呢個好野呀, 靈異GPS,

一按就可以助你搜尋身邊有冇鬼...

(解說)

一個旁身, "哈佬喂"通行

真係司徒法正都甘敗下風~

雖則好有理由相信, 買家最後都係用來照住自己老細...

http://www.strapya-world.com/products/27049.html

有關 嘩眾取寵

個show完左先夠膽講,
呢次棟篤笑可能係黃子華自"殺出廚房"之後最令人失望的一次...

- 支離破碎
個人比較唔喜歡的一種表達手法,
一段段唔關事的太過碎濕濕.
冇晒以前果種流暢, 好容易令觀眾分心.
background music 野野硬cut就更加過份...

- 搭訕
近兩年觀眾席上開始出現既景象,
硬係有d人覺得買飛入場就有權向台上表演者隨便插咀, 甚至騷擾...

- 倉底
我好懷疑份稿係收集幾年前冇出街既倉底貨...
講淫照都由得你,
仲講梵高理財? 我幾年前都講緊呢個爛gag喇喎...

- 唱歌
睇開都知黃子華其實比古巨基更加鍾意唱歌,
但既然會唱咁多歌, d音響可唔可以做好少少呢?
我大部份時間只係聽到爆mic而聽唔到佢唱乜...

- 公式化

亦因為'梵高理財', 我開始進入'估對白模式',

估佢跟住會講乜.

而結論係, 今次真係好易估...

是日爛gag

近排矚目新股中國生命 (#8296) 短短幾日就升左超過5倍.
最高升到$4.
然而尋日高位回落, 單日已插穿一成...

咁某財經節目主持就問呀專業財經演員:
"咁4蚊入貨果d散戶點算?"

財經演員答曰:
"隨時一條龍幫襯埋佢~"

背景隨即傳來女主持的嘖嘖偷笑聲...

**中國生命, 個名似賣保險, 實則係從事殯儀業務的.**

題外話,
所有8字頭的股票, 真係唔可以亂掂.

設計與生活與無聊

唔講唔覺, 原來明和電機仲有好多fans,
我收佢最新產品的 forward email 都收了好幾次~



而無聊, 並唔係日本人專利...

英國代表令你掉垃圾都掉得有趣味一點:



西班牙代表為macbook友提供高效能防盜袋:

http://www.mitemite.es/st/laptop.html

(呢個網站又係痴根的~
開宗明義 unnecessary objects lab, 簡直同明和電機同一個鼻孔出氣,
另類推介 mother teresa 浴巾... http://www.mitemite.es/st/madre.html )

- 呢個唔無聊, 有興趣的可以估下呢件乜野功能:



雖則只係concept野, 但諗真擺件響廁所又確係唔錯~



最想講既係...呢件野, 係出自香港代表手筆!
(圖片轉載自 http://kootouch.blogspot.com/2009/09/arc-shower-system-by-d-k-wei.html)

神 洲 行

上星期上內地做野, 冇乜得著,
但都影埋一大堆垃圾...


- 起行前路經某商場, 見到一間好奇怪既舖頭,
sell屎姐姐見我"裝裝下"就衝出來俾張咁既野我...

"咦~ 二千零蚊就可以學'渣'飛機喎~"
"係呀先生, 我地每位教練都係專業機師來呀~"
"哦~ 咁響邊度起飛架呢?"
"裡面~"
"......妳裡面呀?!" (ok...呢句我冇講出口, 只係我諗.)

實情係, 間舖係模擬駕機中心, 冇錯, 係模擬!
即係駛二千銀入去打一粒鐘機!!
嘩...不如妳俾二千蚊我上我屋企打啦小姐.


(由於呢張係遠距離狂zoom, 見諒.)
- 內地設計質素參差, 但總會搵到d過癮野, 此手機係其一.
機身details完全參照佛像製作, 隨機仲附送蓮花叉座,
用家每晚返屋企都可以安心坐蓮.
當然唔少得內置電子唸經功能~


- 內地的商業海報


- 拿~ 呢d就未免太過份了吧...
你抄都唔緊要, 但人地原本係一部有坑紋的搾汁器,
你而家連坑紋都整走埋, 想點呢?!

- 得到上賓式招待(!!), 每朝會有早餐劵去大學canteen填肚, 面值五蚊!

五蚊夠食乜野呢?

根據上圖, 簡單速算法計到

16個饅頭 / 10個糯米卷 / 5碗粥+ 7條塞米 / 8個江蘇餅+ 4碗熱豆漿...etc

- 喜羊羊的對手: 屎落脾世界! 不過未起好

- 肥仔版的肥仔水

唔曉結冰的~

(題外話: 迅間結冰其實係簡單物理現象, 響屋企都整到的,

實在唔需要多花40%去買同一支可樂~!)

- 牡丹樓不愧內地高級食肆~!

踩單車入去得唔得架呢?

- 忘了說其中一件我上去做的野...

專業觀眾呀!! 不能說笑耶~

(咪即係死咖呢啡~!)

西班牙烏蠅

上年奧運以17歲之齡一鳴驚人的 ricky rubio,

自上月在美國惡攪一輪之後, 最後竟然加盟 巴塞隆拿 (籃球果隊呀!).

惹來美國媒體一致劣評.

想講既係...

佢件波衫幾靚, 有得賣就好了~