宵夜速遞

上回果盒'阿波羅'唔係重點, 重點係呢個:

好姐意粉!!

真係好難得見到本地食品包裝係咁令人唔開胃~

等佢仲好意思響盒面寫住"開胃好味"...

內地都未有咁核突啦!

但就係因為佢咁odd, 反而引到我買...

話唔定內有乾坤好味到震呢!

佢老__丫... 封面完全對內容, 一樣咁死衰,
你同我講呢d係係意粉?! 米線+銀針粉咋?!
點解同一盒意粉會出現幾種size?!
廚餘一樣...百鳥歸巢呀?!

隔離果灘野就更加唔好提,
仲衰過嘔吐物! 因為嘔吐物衰極都真係有幾舊肉.
而呢灘"肉水" 係一舊肉都冇的...
只係得蕃茄茸同埋墨西哥豆三大粒...

至於味道呢...其實ok的...
如果你抵受得住佢果陣疑似過期的酸味的話...
(佢標榜個肉醬係"酸"甜的)