如何留得住高潮

早幾日有個性高潮排行調查, 話香港男性從性愛獲得高潮只得41%, 而女性更可憐只得8%...云云.
開頭睇完得啖笑就算,
點知呢幾日見個個都響度講, 連電視節目都來個專題探討...
駛唔駛咁認真呀?!
一睇就知個調查好有問題啦
男性只得41%?? 咁剩低果六成係做乜野?
男性高潮冇女性咁多層次, 一字寄之曰: 射!
換言之, 果六成人係齋做唔射乎?!
果個乜乜醫生解釋:" 即 使 射 到 精 亦 都 可 以 覺 得 唔 滿 足 "
屌~ 咪玩啦~ 個個男人都唔滿足架啦!!
---
請留意, 個調查係杜蕾B負責,
咁佢就梗係話你做愛質量唔夠高啦!!
"BB呀, 報告話我地高潮唔夠多喎, 咁點好呢?"
"做多D囉!"
"咁做多D又點呢?"
"買多D套囉!!"
---
"咁就算做多D都唔一定幫襯杜記呀, 可以買其他牌子嘛~"
"係架, 不過唔做就一定唔駛買套嘛, 斷估你唔會買來煲湯丫. 如果可以用來煲湯, 佢到時又實會出個報告話香港人湯水唔夠..."

reality show, shows unreality

相比個個都讚好的paul potts/connie talbot/wiliam hung (!!)
我還是偏愛帶點病態的奇人異士~

劇本

其實...呢球真係好尷尬...
雖則...我好希望呢球係foul...

可惜...劇本相信早已寫好...

有客到~

頂~ '殯儀'居然出續集...
名為'有客到'

好唔好睇見仁見智, 但我幾鍾意佢個封面,

繼上次開宗明義教曉大家何謂"死人藍"之後, 今次大玩金元寶

仲故意疊印得歪來歪斜, 秉乘紙紮舖一貫的原始風味!

又, 一如以往, 我係想睇唔想買的.

所以我唔介意各位有心人燒一本俾我~

旅日手信

如果東京旅行買唔到手信的話,
不妨考慮下送呢個:


(放心~所有'重點'已被遮蓋)
.
信我! 經實驗証明, 絕對比你送草餅受歡迎!

呢d其實係av影片catalogue. 有齊晒所有up & coming既女優資料.
當然, 身材係被列入為資料的一部份啦~
而最重要係, 全部都係 - 無料放送!
任拎唔嬲, 份份有焦點.
慳慳埋埋d手信錢, 夠你買件undercover去歌舞妓町扮鴨~

.
呢個世界男女平等,
有女catalogue, 自然亦有男catalogue~
不過相比之下就含蓄好多...



但攪笑度又提高左好多喎...



我實在愛死右邊果位~~
"咁既款都有生意?"
"或者人地好長呢...條利"
.

p.s. 都話我係"暗床索gay"架啦, 我竟然收埋本野響櫃桶兩年咁耐......

悲慟後的雜絮

- 某日, 跟好友 地質學家甲 路過黃大仙,
當我抬頭望一望天, 說著: "今日個天幾靚喎..."
友甲:"嘩...唔好咁開心...呢d係地震雲...黎緊有地震喎..."
而我地當時睇到既, 就係類似上圖果種...
據說, 條狀雲的交匯處對落就係震央,
但又有幾多人會咁好心機走去搵交匯處?
如果有幸見到平衡的地震雲, 恭喜你, 你應該離震央仲有一大段距離.
但請儘早為其他可能面臨災難的人禱告,
因為, 大家, 其實都一樣無助.
- 呢幾日同街都有募捐活動, 連茶餐廳都擺個捐款箱籌旗.
恕我涼薄, 但我真係唔放心將我既錢擺落d九唔搭八既箱度.
尤其是, 當我發現個捐款箱原來係同貴舖個收銀機"LUNG"埋一齊的時候...
- 我唔介意你攪義賣, 但可唔可以拎D樣像少少的出來賣?!
舊記事簿都拎出來賣?? (乃06年的VERSION...甚至更舊)
質我要本06的記事簿幹麼?! 將08年的慘事記錄在06年的簿簿內?!
- 近排有冇朋友生日? 未諗到送乜的話,
何不考慮送佢一張慈善團體的捐款收據?
(當然, 係以佢名義啦)
雖則人地可能都係鍾意gucci多D,
但至少, 過得自己嘛.

問

下晝貢左出街'扮'公事,
去到一間舖頭問價, 問問下佢竟然問我拎卡片 (當然係私伙果張)
問我"唔好講問價既野住...你...平時...會唔會接JOB架?"
(*O*一秒): "接!! 乜唔接呀?!"
然後店主就兜野響櫃桶fing左份job出來...
叫我報番個價俾佢...(!!)

有關卡式的二三事

很是無聊的一個網上玩意, 但我好鍾意.
大概係佢勾起我好多回憶...
- 細個冇乜閒錢, 想聽歌好多時都係靠DUB帶.
而我又當然地借頭借路幫女同學DUB埋一份, 仲要係DUB埋果D自己死都唔聽既物體, 例如黎明...
- 亦都因為冇乜錢, 除左DUB帶, 通常都係聽收音機.
聽得多, 自然會扮下DJ, 自己打歌, DUB歌之餘仲DUB埋自己打聲落去~
- 記得當年含羞羞, 對著心儀女同學多數會憑歌寄意, DUB晒成餅情歌只想佢會意,
可惜果陣唔知道多元化的緊要,
早知加隻劉美君既'蠢動'落去:
"我像馬匹~ 盼望你騎~ 一起去野~ YEAH~~"
大概可以慳番之後睇戲食飯的時間...

卡式

手指太先進, 何不回歸原始, 玩DUB帶!!

神洲行

- 朝早起身等睇中央台播nba, 但結果轉左去無記睇眾星接火捧,
睇果幾個疑似評述不停研究傳聖火需要用到邊組肌肉(!!),
但又唔講解一下陳志雲果兩片"蘿"肌何解會發得咁犀利...
- 當然, 在內地你唔會睇到任何同雪山 or 獅子有關的新聞...
- 買左套叫sick & twist既動畫短片精選,
自問忍耐力極強, 但未睇晒隻disc 1已經要熄機...
我唔介意你玩變態玩核突, 但一幕接一幕的超low-fi畫面及對白可會影響智力的...
相比之下, beavis & butthead其實算係畫得好靚...
- 買左個'冬瓜炖鴨味'杯麵, 買果陣好開心; 食果陣好失望...
因為我食唔出同冬瓜/鴨有任何關係...然後我懷疑要炖番三粒鐘佢先會出味...