悲慟後的雜絮

- 某日, 跟好友 地質學家甲 路過黃大仙,
當我抬頭望一望天, 說著: "今日個天幾靚喎..."
友甲:"嘩...唔好咁開心...呢d係地震雲...黎緊有地震喎..."
而我地當時睇到既, 就係類似上圖果種...
據說, 條狀雲的交匯處對落就係震央,
但又有幾多人會咁好心機走去搵交匯處?
如果有幸見到平衡的地震雲, 恭喜你, 你應該離震央仲有一大段距離.
但請儘早為其他可能面臨災難的人禱告,
因為, 大家, 其實都一樣無助.
- 呢幾日同街都有募捐活動, 連茶餐廳都擺個捐款箱籌旗.
恕我涼薄, 但我真係唔放心將我既錢擺落d九唔搭八既箱度.
尤其是, 當我發現個捐款箱原來係同貴舖個收銀機"LUNG"埋一齊的時候...
- 我唔介意你攪義賣, 但可唔可以拎D樣像少少的出來賣?!
舊記事簿都拎出來賣?? (乃06年的VERSION...甚至更舊)
質我要本06的記事簿幹麼?! 將08年的慘事記錄在06年的簿簿內?!
- 近排有冇朋友生日? 未諗到送乜的話,
何不考慮送佢一張慈善團體的捐款收據?
(當然, 係以佢名義啦)
雖則人地可能都係鍾意gucci多D,
但至少, 過得自己嘛.