2010年2月28日 星期日

金球重溫

打籃球, 唔係剩係得入樽的~



重要fake起 birdman 兩次...!!

2010年2月23日 星期二

無 題


見到呢個...諗到乜...?

2010年2月21日 星期日

臨老入花市 物流篇

上回講到......乜呢?
呀係, 帳篷!

一個摺合式帳篷有幾大呢?
"摺得埋既野可以有幾大丫! 我一個人去得啦~"
去到現場就知後悔了...

佢既體積竟然係同一個成年男人一樣!!!

如是者, 我就夜媽媽拖住一條成年死屍落街call車,
再拖住條死屍返基地,
(ok, 我懺悔, 我中途係因為頂唔順而放左條死屍響街去食飯...)
到達基地之前, 就理所當然地call救兵:

"喂~ 快d落黎救我! 幫手拎帳篷!"
"下?! 又來?! 我屋企冇位喇喎!"
"你屋企咁大, 果幾百件貨邊有咁易塞得爆呀?!"
"你上黎睇下喇!"

內地果然節儉成風, 將我地所有貨塞晒入一個 (係一個!!) 麻包袋就寄落黎.
而個麻包袋係至少足夠藏六條屍 (仲要唔駛肢解),
我呢d得一條屍的當堂收晒聲...

2010年2月18日 星期四

新春節目推介

- air doll 援膠女郎

戲軌好簡單: 吹仔公仔去勾佬!
完全係AV片橋段~
但落在是枝裕和手上, 就變成一齣探討存在主義的小鎮風情畫.
值得一提, 呢套係IIb...
但情節比好多三級片更加三級...

- 全城熱戀熱辣辣

導演係wing shya...
唔...究竟套戲會唔會由頭out fo out到尾架呢...?

- curling

亞運要睇卡巴迪, 冬季奧運就梗係要睇冰壺~!
(實則有幾多香港人知而家係冬奧呢? 前排成個香港先懶係熱愛運動...)
兩項都係睇落好膠, 但睇睇下又覺得幾過癮的項目.
冰壺仲會派膠的呢!

有興趣的話, 星期六有線有直播分組賽,
瑞典對......中國!!

2010年2月16日 星期二

臨老入花市 場地篇

點解唔擺維園呢?

因為以我地既財力, 人力以及經驗, 跟本應付唔到維園/花墟呢類大型場.
(當然, 你預左蝕的話就去邊都冇分別~)
咁就唯有去大西北開發新興市場...

其實全港一共有十幾個年宵市場,
維園花墟固然多人去,
但其他市場一樣有人流,
以我地身處的大埔為例, 場地極細,
但四面環樓, 食肆多到食唔晒 (我地每晚都為外賣選擇太多而苦惱, 好折墮~)
住附近的會來, 食完晚飯的又會來.
理論上係係絕對有得做.

場地選好了, 就要諗SET場,
一般來講, 大家bid到的都係3m x 3m地段一個,
上面點起就視乎你點樣發揮.
搭棚可以搭到好勁, 但極貴,
帳篷比較划算, 而我地竟然搵到有人仗義借出,
條件係要到香港仔自取.

一心以為行好運啦, 點知惡運而家先開始...

2010年2月15日 星期一

臨老入花市 入貨篇

唔到我唔認老, 幾廿歲人先學人玩年宵,
忙完一個禮拜, 我到今日都未回魂,
就算隔離檔的學生妹幾索都補唔番!
雖則呢次經歷真係好辛苦,
但難得有一班人肯同我一齊傻都算難能可貴.


入貨可算係成件事最好玩的一部份,
因為你開始要盤算邊D賣得,
又有邊樣係抵買, 邊樣做主打...
簡宜係奇案考眼光~
而經過一輪考察及討論,
最後扑鎚賣呢幾樣...

有興趣的話可以估下最後邊樣跑出...



- 當我一見到呢隻野, 已經估到會好多人賣,
但亦都估到可以點賣.
其他股東諗左一陣就同意了.


- 呢個係一個會漸變的發光cushion,
成本略嫌過高...
但獲得女股東們一致通過!!

- 同樣原理的心型cushion,
如果唔係情人節, 我一定反對入貨!!
- 坦白講, 呢隻公仔我到而家都想像唔到佢似老虎的,
但同時要尊重其他股東意見, 唔能夠樣樣都聽我講嘛~
ok, 照入~
- 呢舊係DIY肥皂,
我決定的~

2010年2月8日 星期一

android apps 小分享



- HKGolden

(齋睇 icon 就知係乜啦~ 仲問?!)
冇乜特別, 但每次load完之後都會陣出一句
"撈已單" 係十分窩心的!
而且仲load得幾快~

- PicSay

窮人版photoshop!
以 apps 來講可算非常不俗,
一般調光調色功能齊備,
上字, 加 effect 亦得.
最好用係呢個:



趕唔切執相但又心急想同"朋友"分享的"朋友"必備!

- SNesoid

模擬器唔係乜野新奇事,
超任亦唔係特別好玩, 只係佢代表住我成長果個年代,
每次開親都會諗番細個同朋友對戰既樂事.
例如"娛樂金魚眼"...
真係一隻考驗友情的好game!!



運作出乎意料地暢順.
既可 cap screen 亦做到 save.
係 set 掣有點麻煩~

2010年2月5日 星期五

超短篇情愛故事

入夜, 在被窩內...

"不如你戴啦~"

"唔戴得唔得呀?"

"你戴左我開心D喎..."

"有幾開心喎?! 都唔舒服..."

"拿~ 我幫你戴咪舒服囉~"

.

.

.

.

.

.

.

.

2010年2月1日 星期一

是日對話

早幾日響舊屋搵番個陳年harddisk,
好多野歷史收晒響裡面,
其中包括當年為某人結婚時設計
但最尾都係冇用到的 backdrop artwork...

"哈, 我搵番當年你唔要果個backdrop~"

"原來你最後有做到?"

"有~ 仲send過俾你睇架, 不過見你冇乜反應以為你唔要之嘛~"

"要!!乜唔要呀?! 我見你冇郁手以為你唔得閒咋!"

"哦~ 唔緊要~ 留番你下次再用囉咁~~"