2009年1月31日 星期六

點解我想跳海 世界亦幾可愛

(由於近日心情太差, 繼續只得外購節目)

咸豐年前當wyman仲係DJ果陣, 曾經攪過一堆廣播劇,
劇情不大重要, 精要既係, 佢每集都會重新填過某D歌詞去配合劇情,
例如呢隻:



網絡世界果然偉大, 一諗就搵到,
雖則音質爛爛地...
頂得順的話可以聽埋呢首:

2009年1月27日 星期二

新年流流

由於今年係己丑年...
真係...己丑都有...
所以, 謹祝:



電影中心好應該搞回顧展囉!!


(圖片來源: 「講。鏟。片」網站)

2009年1月19日 星期一

有關run forrest run

- 的確令人自慚形穢, 尤其是你正坐在辦公室蛇王果陣睇到呢個故事的話.
- 佢又做人, 你又做人, 點解人地現實與夢想都得到滿足, 而你就連現實都搞唔掂, 為左兩餐而繼續坐響度俾老細問候?!
- 若你知道佢以前係一名跑步都冇力的書獃子的話,
更是慚愧得無地自容.
- "we are all in the gutter, but some of us are looking at the stars." 文中引用的王爾德如是說.
- "life is never fair, and perhaps it is a good thing for most of us that it is not." 王爾德亦如是說.

run forrest run!















(thx mic's scanning)

2009年1月14日 星期三

三個故事

某嚴寒的晚上, 男女遇上一位正在叫賣的小販,
賣的, 是玫瑰.

故事一:
男的想為女的締造驚喜, 隨便找間餐館安頓後便訛稱便急找廁所,
然後以極速走到街上跟小販要了一支玫瑰,
一支, 只是一支.
他極力將其藏於毛衣之下, 護送到餐館.
怎料, 驚喜揭盅時, 花枝折斷了...

故事二:
小販在販賣玫瑰, 他無法主動行銷,
他的輪椅逼使他在街角頂著寒風等待客人. 小販唯有不停叫賣吸引途人,
然而, 愈是努力的叫, 途人愈是走遠,
只因痙攣令喉嚨喊不出一個正確的音調,
更被途人誤會為精神病患者**.
一名宅男路過, 看不過眼, 上前跟小販說要買下他是晚所有存貨.
小販拒絕了, 他需要的不是同情, 只是簡單而對等的尊重.
沒錯, 他要糊口, 但他還想透過叫賣來證明
自己還有資格在這土地生活.

故事三:
女子在餐館內等了良久, 飯菜也涼了,
正在呢喃之際, 一朵鮮花出現眼前,
她不是第一次收到面前這盞省油燈的鮮花,
但只得一支, 還要折枝的倒是頭一趟...
"這算是甚麼意思?! 拿來插牛糞嗎?"
她莞爾.



(**唔該, 痙攣患者有時講野大聲D係少不免的, 口齒唔清亦唔代表精神錯亂, 純粹只係努力想人聽到佢地既想法, 唔係冇禮貌. 又, 假若你話怕受精神病患者襲擊, 我仲明白; 但痙攣患者係冇攻擊性的, 頂多只係有時手腳唔聽駛'發'到你, 打你唔死的!)

陪你倒數



Darius Miles是日上陣進入第九場, 得13分.

呢位仁兄只要上陣多一場, 就會令到其前僱主 Portland Trail Blazers 未來兩年要肩負一千八百萬美元的稅款.

- 由於 Darius Miles 的現任僱主 Memphis Grizzlies 只係offer一份十日短期合約,
換言之, Memphis係可以連累Portland交重稅之後再拍拍屁股唔同Darius Miles續約.

- Portland Trail Blazers 老細名叫 Paul Allen,
冇錯, 就係同Bill Gates 創辦了大家日日鬧但又日日用的 Microsoft 果個 Paul Allen.

- 所以, 抵佢死的~!

2009年1月12日 星期一

訪問自己

問: "一般新相識既朋友對你有乜野見解?"

答: "我唔否認, 我對陌生人/新相識唔會太熱情,
之後會換來好多評語:
好聽點的, 叫cool;
文雅點的, 叫自負;
最直接的, 叫黑面."

問: "咁人地咪會誤解你待人唔友善囉?"

答: 喂~ 我真係唔明, 點解我要去取悅一d我唔熟既人,
我連關心身邊既人都覺唔夠時間,
仲要我理會果D三唔識七既人?!
何況, 未了解就先誤解, 呢d唔會係我想要既朋友."

問: "點解唔對人nice一點?"

答: "點樣定義nice先?
經常笑口淫淫?
三句唔埋兩句就拍晒膊頭?
你要呢d表面野唔好預我囉~ 你自便啦"

問: "有冇諗過去解釋?"

答: "解釋係冇用的, 既然佢從開始已經誤解你,
你解多兩句, 佢都依然係誤解你
為呢D人浪費時間我係會介意的.”

問: "做好人唔係會開心D咩?"

答: “就當我狷介, 唔係每個人都渴望上天堂的.”

2009年1月7日 星期三

雜 絮

- 係, 我未死的...

- "伙炭"又來了, 攪得愈來愈密. 好事來的.
當然, 呢d你去到未必有得著, 仲可能會屌.
但當作群體聯誼戶外活動還過得去的,
點都好過唱k劈酒啦.
我依然念掛上年響火炭見到最勁果件"裝置藝術":

- 雖則結婚果個唔係我, 但身為証婚人多少還是會緊張的...
尤其是去親銀行都總會簽錯名的, 如我...
幾驚簽錯人地果行...
而原來, 註冊之後間房係可以俾你任玩,
任玩的, 除新人外, 其他物件亦然:

可以夠時間攪多場非正式的婚禮~

- 有關果輯'加勒比人體奧妙展",
對女主角沒太大興趣 (全香港男人既口味已經俾陳冠希縱壞晒~),
只係奇怪, 玩水都要做熱身?! 仲要E字馬?!
咁做愛之前係咪要做成set cardio?!
- 死...我真心覺得胡杏兒唱live唔差的喎...