若你喜歡怪人

年中總會聽到唔少人既願望係:

告別平凡生活.

而我每次聽到呢類說話, 都想衝口而出:

"我同你交換丫笨!"

自童年開始, 我去到每一個環境都太過起眼,

(正確一點的說, 是礙眼!)

無論我既內在抑或外在, 都一定成為大家話題.

然後自然被論斷為一個怪人.

從此, 我特別羨慕果d叫阿強/阿偉既同學,

亦妒忌其他擁有一副"大眾口面"既朋友,

佢地可以同其他相似既人自自然然走埋一堆,

湮沒於人海而不為人察覺,

而我, 永遠都係odd man out裡面果個odd man...

冇人比我更渴望平凡.

但你努力忘記過去, 但過去並不會把你忘記.

求其舉幾個例:

- 某著名blogger E小姐說:

"如果唔識你真人, 剩係睇你個blog, 我一定以為你係有精神病的!"

- 早前跟朋友晚飯, 席間佢送上書一大本,

再附送一句:

"呢本書好0岩你睇, 我一見到就諗到你~"

......而果本書叫做"瘋子的世界"...

- 耐唔耐都會有網友send下email俾我吹吹水,

(係呀~ 呢度有人睇架其實!)

其中一封是咁的:

(原文照錄, 唔關事的內容已變騎兵, 發件者請勿打頭~)

"哈囉Jerk生，

我是你的讀者，呢封email我好想send給你

因為我驚同朋友討論會被人打

XXXX

XXXX

XXXX

係咪我有問題呢？

但我唔敢同人講

驚被人話我唔正常

咁我又覺得你可能會明白呢種感覺

所以send比你"

..........................................=.=

而又其實, 我可能暗啞底已經接受左呢種生活...

某: "有冇人話過你唔正常?"

我: "有, 好多~~"

某: "咁你有冇一刻覺得過自己真係唔正常?"

我: "條~~ 你問我都多餘既~ 你問得我, 我實覺得自己正常架.

如果我想為自己做一件事, 但係自己都覺得有問題,

我仲點解要做落去呢? 除非我有精神病架0者~"

某: "你咁肯定自己冇精神病??!!"