如果有人咁不幸有見過我前排的玉照的話,
大概都知說我是何等的苗條.
瘦, 其實唔係天生,
而係經過多年節食與及運動而成.
我唔相信坊間果D減肥藥,
我唔相信有不勞而減的脂肪.
幾百蚊買盒藥就可以坐定定響馬桶減肥等瘦?
荒謬程度其實同幾蚊一罐聲稱飲完可以補充體力的飲品一樣,
講你都唔好信啦!
唔好同我講冇時間運動,
蒲少一陣, 又或者睇少D師奶電視劇已經夠你做幾SET.
飲少D奶,
奶, 其實係冇乜益的.
煎炸野好好食我知, 但炸舊屎都係香口架...
食少D零食啦.
肥, 其實又冇乜問題的我覺得.
但我真係好怕果D成日開口埋口話減肥,
轉頭又覺得做運動好痛苦的人.
又要減又想懶.
所以真係唔好話而家D學生番學只求貼士不問學養.
因為大人一樣係咁撚衰~
8 則留言:
講得好,就好似"世上無丑女人,只有懶女人"
有d減肥藥.真系會好瘦,但系留意拿左你條命.
唉."懶"又想瘦既代價真系好大.小女子就不幸曾經是這一種女人.=.=
我都好想好似你咁一滴油都無。不過我一星期只會游一次水,得閒係屋企做20吓Sit up就收檔..可唔可以分享下你平日做邊set動作呢?
re牙膏: 其實一路睇電視一路做運動都減到下架~
re Karen: 其他唔講(因為妳一定唔會做~), 就講妳做開果d為例, 游水的話每次游十個塘, 唔駛游得快; sit up 的話我都係每晚廿下, 連續兩個月冇用錯力的話, 就開始會"起坑", 但首要條件係冇肚腩, 因為situp係唔會減肚腩, 只會令佢變實...
多謝你的意見.咁點先可以徹底收肚腩呀師兄?
其實我都會做下Wii個系列動作, 因為已經入咗腦,所以唔會吓吓開機玩,但就係無收肚腩的動作..好似你話齋做咗只係firm啲..
一路睇電視.一路做咩運動好??
http://www.youtube.com/watch?v=sj7y-7fDsC4
呢招我媽試過，堅work，五分鐘肚腩縮左水
有野想問呀，有無方法提供可以將肌肉變返軟呢？我全身都夠瘦，而家淨係想瘦小腿，但我小腿果d肌肉泥嫁~.~ 求高人指點呀
著少d高根鞋啦~
re Karen: 女性好難"徹底"收肚腩架喎~ 多多少少都有舊肉仔(本身冇肉果d例外啦), 通常係透過運動量比較大既運動, 例如跑步去減低脂肪比例 (wii sport果d就算把啦~~), 不過, 講到尾, 運動其實講求恆心多於力量~
我都唔著高爭鞋既...
果舊肌肉係以前做gym + 短跑既遺物，我想佢bye bye羅白腳呀/_\仲有無計先？
其實就咁減肚腩我覺得唔難嫁wor~
晚晚一路睇住電視一路轉呼拉圈，轉足一粒鐘，加多每晚30下sit up，平時慣性縮肚練下腹部肌肉~
呢個方法我之前用左好幾年啦@@
張貼留言