睇完尋日自殺果位學生既遺書之後,
(係, 封遺書五千字, 冇乜錯字, 好流暢, 思路好清晰)
就只係諗起上面果四隻字.
其實, 童年時我有著同佢類似的遭遇,
一樣係冇人聽得明我講野, 一樣覺得我"有D問題",
一樣係因為做著與其他同學唔同既舉動而被罰.
分別只係, 我果陣未興'思覺失調'呢四隻字,
令我可以苟且地活到定陣.
或者你而家先覺得我係思覺失調都未遲,
因為我到而家都覺得'思覺失調'呢四隻字係由藥廠發明出來的.
曾經睇過一個訪問, 係訪問一名長期被拘禁的所謂'精神病患者',
問到佢究竟成日俾人困住係咪好慘? 佢幽幽的答:
"鐵絲網就冇分內外既, 你響一邊睇我就係坐緊監; 同樣我響另一邊睇到, 坐緊監果個係你..."
7 則留言:
嗯，我都成日被人話我思覺失調.....
不過我好啲，我係搞到d老師怕咗我而調班。有一次有個阿sir叫我寫道歉信，我調頭就走冇理佢，跟住又冇事喎！其實真係可能成間學校同老師先係思覺失調....
思覺失調有幻聽同幻覺架喎,你有無?
你嚮邊度睇到果5000字遺書呢?我又想睇下..
拿~ 實不相瞞, 我細個係經常自己同自己講野, 開晒口果隻, 我唔知呢D算唔算係其他人眼中的幻覺, 但我係從來都唔覺得有問題的~
果5000字可到呢度睇睇:
http://hk.myblog.yahoo.com/sp0102068/article?mid=113
> 有一次有個阿sir叫我寫道歉信，我調頭就走冇理佢，跟住又冇事喎！
讚！！
幻覺係你見到一個人同佢講野,你以為你同緊一個人講野,但果個人係唔存在,人地見唔到果個人既.你既然知道自己同自已講野,即係唔係見到一個唔存在既人啦~
我都覺得，當自己不經意在想東西的時候把所想的東西溜出口，是非常正常的事情。
所以一個人食飯時，諗起d好笑野又要忍住唔笑其實好對唔治自己架~~~
張貼留言