是日廣告

先唔理佢有冇抄襲成份,
但確實係做得不俗的~



係, 李寧牌係阿根廷國籃的贊助商,
但臨尾負責入波的卻是安踏(Anta)贊助的Luis Scola...

與催銷員對話

看罷elaine的
http://petitelaine.blogspot.com/2010/05/blog-post_14.html

我發現原來我都有舖咁既癮...

有一次, 有位cold call姐姐打來叫我訂雜誌,
佢如常的sell, 我如常的耍口擰口,
因為佢完全說服唔到我點解一定要幫襯佢.
(識得我的人, 大概想像得到我係點樣同佢對話)

去到一個位, 佢突然變聲, 由'進取tone'轉為一個女朋友tone:
"其實...我係咪真係sell得好差呀?~ 我做左兩個禮拜咋~"

然後我耐心地用10分鐘時間同佢講解銷售技巧...
我覺得自己很好人~!

天妒英才

睇完尋日自殺果位學生既遺書之後,
(係, 封遺書五千字, 冇乜錯字, 好流暢, 思路好清晰)
就只係諗起上面果四隻字.

其實, 童年時我有著同佢類似的遭遇,
一樣係冇人聽得明我講野, 一樣覺得我"有D問題",
一樣係因為做著與其他同學唔同既舉動而被罰.
分別只係, 我果陣未興'思覺失調'呢四隻字,
令我可以苟且地活到定陣.

或者你而家先覺得我係思覺失調都未遲,
因為我到而家都覺得'思覺失調'呢四隻字係由藥廠發明出來的.

曾經睇過一個訪問, 係訪問一名長期被拘禁的所謂'精神病患者',
問到佢究竟成日俾人困住係咪好慘? 佢幽幽的答:
"鐵絲網就冇分內外既, 你響一邊睇我就係坐緊監; 同樣我響另一邊睇到, 坐緊監果個係你..."

早安越南 前傳

話說前排去越南做少少野兼夾hea,
對於我呢d有航空恐懼症的大鄉里,
上機前梗係要做足準備:
買! 玩! 具!
(真係work架喎~)


早前網上熱傳的"認字金鋼", 原來香港有得賣,
雖然變身形式有點無賴, 但有夠無聊~
(如果下一水出人體器官生字就爽了!)


我很勾, 呢排少睇玩具新聞,
當我知道lego有得抽人仔果陣已經全港斷市,
而我居然戇居到入機場買...
機場當然有貨啦, 貴過出面三成有多呀!!!

而更不幸的, 係我抽中最冇人要的...太空人...

鹹濕是學習的原動力

(睇完壞品味就緊係睇番d有味架啦)

響雜誌提過, "鹹濕是學習的原動力"
而家有機會了, 各位同志, 有興趣學習心肺復甦法嘛?

(caution: 18+... 返屋企先學啦小朋友~)

Super Sexy CPR from Super Sexy CPR on Vimeo.

壞品味系列

我一直都以為呢個係衛生巾廣告...

http://www.youtube.com/watch?v=OylxQN3GDKQ

條裙就係政制方案, 而最後就以"信任 讓夢想成真"結尾.
(呢句真係同果D"唔會側漏, 包妳夜晚發個好夢"同出一轍架~)

但...阿老母呀...,




封面唔對內容喎, 點信妳好呢?!?!

雜 絮

- 我仲未收到選舉通知書呀下...
但其實, 應該就咁拎身分證都可以投票的了...
但又其實, 我係需要轉地址架囉...

- 我很勾, 我一直以為免費商場雜誌只係得"讀書好",
(OK, 仲有本好出名的叫'點心', 但呢本唔係度度有嘛~~)
但尋晚行街又無意中見到有本叫"pandaa!"又幾好睇.
而今期主題係'crazy'...內裡仲有專題係講savant syndrome.
(有乜咁吸引? 唉你唔係savant你唔會明架喇~~)
估佢唔到的是, 呢本野, 係'東方'出的...

- 返屋企果陣, 聽到後面一對情侶對話(嚴格黎講只係得條囡講)

"你同我阿媽一撚樣架! 剩係識得屌, 做0岩又唔見你讚下我, 我阿媽又係咁, 上次我考到全班第十一名 (!!全班...), 佢讚都冇讚過我, 係咁話我讀書係應份架喎...屌! 所以我下學期咪唔撚讀囉!! (按: 佢唔讀既意思, 係唔返學...) 係呀, 我特登唔撚讀呀, 等佢剩係識得鬧丫拿!!"

(呢個時候, 條仔大概係消化緊條囡講既野...)

"唉, 算啦, 你諗唔到我鬧你乜架喇, 你都唔識諗野, 你諗野邊有我咁detail丫!!"

我果下真係忍唔住擰轉頭望佢!!

"望乜野呀四眼仔?!"

"哦冇...想讚下妳講野好夠中氣之嘛~~"

深宵宣傳易時間

咳咳...由於之前以為一期完, 所以冇乜同人講過,
但小弟其實近排去左'新蚊'打躉, 逢星期五一次.
由於係期間限定 (即係隨時都有被CUT的可能),
所以有買襯手, 多謝~

而由於唔想連累'新蚊'俾人燒書或者包膠袋,
出街的部份內容係經過編輯剪接 (謹此講聲麻煩晒~ 我知我D字有時好甩皮甩骨, esp.標點符號方面...)
但其實我有director's cut存底~ (!!)
同雜誌出街的版本係有點分別,
有興趣的, 可以到以下網址

http://jacso.hk/j4jerk

BTW, 簡介的頭三隻字應為"想平凡", 下期會改的了.

BBTW, 如果閣下咁好心機睇到呢度都未close的話, 恭喜你,
請即去信 j4jerk@gmail.com 參加抽獎,
獎品係'新蚊' crossover levi's i-phone case乙個連郵費!!
(好明顯係因為我本身冇i-phone~)

雜 絮

- 美國ADR睇到匯豐跌到$73, 聽日大概可以唱定錢入貨喇卦~

- 講左咁多次, 終於有機會睇"潮爆北京", 但感覺一般,
戲中的艾未未竟然比而家後生幾倍~
btw, 女主角的胸脯霸佔了很多視線...

- 我一向好怕uniqlo tee, 因為醜的我買唔落; 好睇的又實會同人撞...
但佢地黎緊又會出'稻中兵團'tee...
搞到我好矛盾~
而'稻中兵團'的先驅'奇面學生組'(識得呢套某程度係暴露左自己年齡), tee已出!!

- 近期最期待的港產片 - 郭子健'打擂台'