病榻中的雜絮

- 今期milk個封面想點呢?!
攣到成條芝麻捲咁想表達d乜?
想表達江卓儀(冇認錯的話)一拳打摷個封面?!
我一路揭一路諗緊點樣撕爛個封面好...
創意係緊要, 但都顧及一下讀者感受嘛~

- 近排四海魚旦個廣告想點呢?!
budget低唔緊要, 但
可唔可以搵過個識講廣東話既小朋友呢?
我完全聽唔明個細路講乜囉...
或者考慮加字幕丫.

- 近排無記體育新聞想點呢?!
之前響高清台已經出現的"無敵比亞路"式環節,
(簡單來說, 係報導員講講下會將外電定格, 然後拎支筆出來響畫面上面圈圈畫畫)
正式登錄晚間新聞...
我唔介意你圈, 但可唔可圈d有意義少少既野上面呢?
例如講下戰術講下花邊,
而唔係圈住個"無人看管的球員"囉! (非常把鬼, 你唔圈我都睇到啦...)