溫馨提示

電影節又來了
又係時候刨馬仔了

http://www.hkiff.org.hk/chi/main.html

兩點 幾句

嘩...好在冇玩 facebook,
如果唔係就俾人 tag 果張"24個比利"的圖.

又, 個 tag 有乜咁好玩呢?
又唔好笑, d公仔又唔係靚...
最重要是, 攪到而家人見人憎,
有乜謂呢?

陰 私

朋友們經常會跟我分享秘密,
唔係因為我口密. 只係因為我道德標準夠低~
亦因為咁, 有時佢地會我分享一D光怪陸離既秘密,
有時甚至會接觸到法律的底部.

我唔會好似其他人咁, 郁下就道德佬上身,
叫你唔好再做私幫生意;
又或者叫妳快d離開人地老公...

相反, 我仲會提供比你所做更過份既方案助你錯落去,
噓~ 話唔定否極泰來 坐埋一檯嘛~

"咩話? 你鍾意左條女, 但係佢已經同人地住埋好耐?
咁呀...你試下上佢屋企將個袋角攝響床頭櫃下面囉~
唔好攝床下底, 冇人睇到的..."

"咁跟住點呀?"

"跟住咪帶條女出街有咁夜去咁夜, 等其他人發現個袋角先囉...
好彩既話可以用埋個袋先出街囉...記得買D古怪既牌子喲~"

"如果上唔到佢屋企呢?"

"一樣帶佢出街, 有咁夜玩咁夜, 將自己有咁醉飲咁醉,
演技好的話扮醉都得, 但最緊要係嘔濕佢部電話,
等佢同外界失去聯絡, 一見佢想搵公共電話就攬住佢隻腳..."

"其實咁做有乜用?"

"冇架...幫佢地調劑一下生活之嘛...如果佢地鬧交你咪有得執囉."

紙板神算 II

拿, 我地一齊睇下呢位同學既功課做成點:

你生肖屬X，五行為XX，生於冬天係寒命人，
以木火為喜；金水為忌, (的確, 我係旺木的, 之所以我個名有個'木'字)
宜用紅﹑橙﹑青﹑綠同紫顏色；
忌用金﹑銀﹑黑﹑白﹑灰。(仆啦~ 我出名是一頭黑怪來的)
你係食傷生財同財殺格，
而戊癸合，係向公司執權人（或管人），亦可做生意，(唔...都算既...)
識諗計變通，有創作天份。(我實話係架...~)
巳午未會方局，火旺， 食傷為喜，為人聰明。
(呢樣其實非常誤事, 由細到大我一直覺得自己好撚蠢, 但從來冇人信...)
你表面比較循規蹈矩， 保守，自尊心強，又偏向担優同思考，
但內裡就剛強硬頸，好勝心強。(原來我都係外表斯斗文內裡open的~ yeah!)
父母宮落空亡，丒午又相害，所以同父母無緣，
而與父關係好ｄ，但幫助不大。
(呢個就最唔準喇, 剛剛相反, 我親老母的~ 但父母緣薄又係事實)
夫妻宮係丒未相沖，會有婆媳糾紛，
(婆媳糾紛? 有~ 係我同人地阿媽囉, 所有女朋友的阿媽都不大喜歡我的~)
最好三十之後結婚會好ｄ。
而夫妻宮坐殺，老婆會比較惡，(係就仆街囉...)
但佢對你有幫助，財為喜，佢會幫你揾到錢．．．
(我識親果d都係駛晒我d錢架喎...
又, 呢句令我諗起"依靠妓女維生"...係既話又唔錯...)

紙板神算

之前話說我個朋友要我個出生日期去算命,
而家終於有功課交囉...

你生肖屬X，五行為XX，生於冬天係寒命人，
以木火為喜；金水為忌，
宜用紅﹑橙﹑青﹑綠同紫顏色；
忌用金﹑銀﹑黑﹑白﹑灰。

你係食傷生財同財殺格，
而戊癸合，係向公司執權人（或管人），亦可做生意，
識諗計變通，有創作天份。
巳午未會方局，火旺，
食傷為喜，為人聰明。
你表面比較循規蹈矩，
保守，自尊心強，又偏向担優同思考，
但內裡就剛強硬頸，好勝心強。

父母宮落空亡，丒午又相害，所以同父母無緣，
而與父關係好ｄ，但幫助不大。
夫妻宮係丒未相沖，會有婆媳糾紛，
最好三十之後結婚會好ｄ。
而夫妻宮坐殺，老婆會比較惡，但佢對你有幫助，財為喜，佢會幫你揾到錢．．．

我醜, 但我很姿整

(封建紮腳, 或只接受傳教士式體位者勿讀.)

- 某日焗sauna, 一推門就被幾個彪形大漢怒睥,
我不以為然繼續焗, 焗咁耐就俾人睥咁耐,
只因我的腳腳塗了甲油...

- 曾經有戴耳環的習慣, 但唔係而家,
而係果個師奶見到你戴耳環就會拉開佢個仔,
然後大叫"死基佬", 又或"死臭飛"的年代.
係~ 被誤會姓"死", 並唔係肥仔既專利~
btw, 當年戴, 因為冇乜人敢戴; 而家唔戴, 係因為太多男人戴.

- 自中學時期開始已冒著被記過的風險 gel 頭,
只因天生 afro head, 需要靠gel去平復左彈右彈的髮絲, 或鋼絲.

- 亦因為呢個原因, 令我薙髮留辮的夢想幻滅...

- 因為 clockwork orange 而學識搽 mascara,
Z型咁掃上去嘛~!

- 同事為我身藏潤唇膏而側目, 問:
"呢支你私伙架?"
"呢D野當然係私伙架啦... 你用開果D係公家的嗎?!"

- 內褲同襪一樣, 係要襯過先出街的,
需則身邊好多人唔覺, 亦冇興趣知,
但唔等於可以忽略的~

H-O-R-S-E

今年NBA all star weekend'新增'的頂目:
H-O-R-S-E
有學過籃球的都應該玩過既遊戲,
玩法係一個人企響任何一個spot射波,
如果入的話, 咁跟住果個就要響同一個位射入,
唔入的話就要自加一個字母.
如是者, 儲齊h-o-r-s-e 5個字母的話, 就...
輸囉~
幾好玩架......如果係初學者的話.
但由職業球員去玩既話, 我好懷疑天光都玩唔完...
而如果想快d贏的話, 有d spot係需要苦練的, 例如
籃球框後面~

沒有收費電視而又有興趣睇All Star Weekend的話可以於早上9時試試呢個網址:
http://www.atdhe.net/live-tv-3390.html

病榻中的雜絮

- 今期milk個封面想點呢?!
攣到成條芝麻捲咁想表達d乜?
想表達江卓儀(冇認錯的話)一拳打摷個封面?!
我一路揭一路諗緊點樣撕爛個封面好...
創意係緊要, 但都顧及一下讀者感受嘛~

- 近排四海魚旦個廣告想點呢?!
budget低唔緊要, 但
可唔可以搵過個識講廣東話既小朋友呢?
我完全聽唔明個細路講乜囉...
或者考慮加字幕丫.

- 近排無記體育新聞想點呢?!
之前響高清台已經出現的"無敵比亞路"式環節,
(簡單來說, 係報導員講講下會將外電定格, 然後拎支筆出來響畫面上面圈圈畫畫)
正式登錄晚間新聞...
我唔介意你圈, 但可唔可圈d有意義少少既野上面呢?
例如講下戰術講下花邊,
而唔係圈住個"無人看管的球員"囉! (非常把鬼, 你唔圈我都睇到啦...)

一個故事 - 一月

從前, 有一個小朋友, 佢既生日願望, 唔係要
乜乜玩具, 乜乜考試好成績,
乜乜女朋友樣靚身材好.
佢只希望可以擁有一個生日會.

唔係要果d一月星辰, 成班一月出世既小朋友一齊影幅合照,
然後將個蛋糕五餅二魚式分Q左俾廿九幾人就收工果隻.
而係一個切切實實有得切蛋糕 ,
全場都要為佢一個唱生日歌果隻,
做一日主角.

但, 生日願望 可能真係要切住蛋糕咁許願先會靈驗,
小朋友天真, 佢以為到時到候自會有人準備蛋糕,
自會有人製造驚喜. 佢以為.

每年都希望 每年都失望
沒發生的始終沒發生.
願望, 就只剩低個望字.
因為唔夠乖? 唔夠得意?? 冇人可以解答.
只知道, 冇你份就係冇你份.
久而久之, 小朋友開始自行迴避, 拒絕再話俾朋友知聽佢幾時生日.
甚至從此戒甜, 連蛋糕亦不再多嚐.
冇人知, 冇希望, 就唔駛失望.
一個唔應該係秘密既秘密, 就這樣守了多年.

-------------------------------------------------------------------

那是06年寫的...
重貼除左係因為一月過左,
另一個原因係, 今年竟然出奇地好多人記得我生日 (!!)
而吊詭既係, 呢幾年間其實只係多左三個人知我生日.
(其中一個仲要係學緊算命, 然後呃左我個時辰八字去交.功.課...)
呢條數真係唔識計...
秘密, 原來係冇得守的.

點都好,
多謝每一份禮物,
在我經常嫌三嫌四既情況底下都依然視死如歸的送我禮物.

多謝每一個慶生早餐/下午茶/晚飯,
食乜, 其實一向都唔重要,
同邊個食先係最重要.

多謝每一個SMS / 來電
今年最強的是, 我第一次於一日之內聽晒全部舊女友的來電...
我覺得好爆囉~!
(其實只係因為舊女友唔多...)

給 生果報某專欄的一封信

http://appledaily.atnext.com/template/apple/art_main.cfm?iss_id=20090201&sec_id=25391&subsec_id=25392&art_id=12152620&cat_id=6859645&coln_id=3739779

牽牛兄, 這是小弟今早看罷 貴專欄後的第一個問題:
"你其實有冇睇過 Danny Granger 打波?"
我相信, 假若你有留意過他今季表現的話, 你不會對他入選All Star Game有任何意外感覺.

講戰績 -- 沒錯, Indiana 位列倒數第三 (今日跌到尾二...),
但由東岸第七位數起直到十三位 (即尾三), 其GB只是正負四場.
(對照數字: 西岸第七至十三的數字為正負十六場)
若你說Andre Iguodala比Danny Granger更能帶起球隊,
著實有點說不過去.

說數字 -- 今季的 Danny Granger 除了平均得分達25.5之外, 每場亦做出1.48個封阻.
看似微不足道, 總排名只是十九, 但以小前鋒來說卻是排名第一.
而隊中兩名常用中鋒 Jeff Foster 同埋 Rasho Nesterovic "加埋"才得1.24 per game.
簡單來說, 他除了是 Indiana 的必然進攻主軸之外, 亦是隊中最會防守的物體.
縱觀各隊, 你能找出其他如此'需要'進攻防守一把罩的球員嘛?

再談其他 --
- 若"小鳥"以江湖地位就可令麾下球員入選, 那麼
Charlotte Bobcats 的球員至少可佔兩席吧, 他們的老細可是Michael Jordan呢.
- Josh Smith 嚴格來說並不是"搖擺人";
而 Tayshaun Prince 亦未如你說的平穩, 因自Allan Iverson來投之後,
他需經常串演大前鋒, 而被對手盡情欺負.
- All Star Game 由此至終都是一場騷, 你有看過'不是'一場騷的 All Star Game 嘛?