精彩的唔係費達拿, 係對面果件騎呢鬼 karlovic.
睇佢打波真係有今生冇來世~!
身高六呎十, 以發球強勁見稱...
但除左發球之外呢...
佢係近乎唔識打波的(!!)
即係, 只要你有能力將佢個發球回番對面場, 你已經贏左八成...
因為佢係冇回擊能力, 更加唔駛旨意佢會喪跑追波 (都跑唔郁)!
但佢又竟然獨沽一味靠發球打到入8強...
- 從陳書的blog看到井口昇有新作
...佢居然仲有戲拍?!
佢之前的 machine girl 真係爛片迷必看之選!!
當年真係睇到O晒咀... 天婦羅手呀大佬 (但其實係雞毛帚扮的...)!!
- 好多人正為MJ的死而悲傷, 但我想講, 早兩日pina bausch都過左身...
而我冇乜聽過MJ唱歌, 反而睇過pina bausch跳舞...
- 又話霸王好難抽既?!
7 則留言:
我都睇晒, 俾佢吹漲, 我第一盤重期待d觀眾噓佢, 點知無!
霸王, 我估作大。
唔通你抽到霸王?
今期一周唱霸王山寨廠喎!
pina bausch你都識喎,
你涉獵既範圍真係廣泛喎! (等我又做你fans仔, 唔該比你msn我!! 哈哈!!)
你係因為睇過套電影?!
花拉科西死左, 我覺得重可惜過MJ囉!
畢滿
re 浪子: 唔會噓啦~ 咁精彩!網球員單功能到咁既地步好難得架~~
re sze: 我身邊好多人都有, 包括家母.唯獨我冇!!
re 能能: 哈哈~我都有睇, 女霸王丫嘛.山寨冇問題喎, 最重要係之後點樣管理.我唯一憂慮係佢盤算緊的涼茶業務...都係出草藥衛生巾算啦~
re 畢小姐: 我先係妳fans, 快d俾我跟隨妳的步伐!!
講開pina bausch, 我都只係睇過碟, 冇咁多錢睇真人哦.
事緣多年前同一d舞蹈團體有聯繫, 有次睇碟就睇到pina bausch, 我唔識跳, 但睇佢我又竟然唔覺得悶, 及後再睇埋 talk to her, 先知呢個女人原來咁勁!!
而佢個中文譯名我覺得又係一絕: 翩娜包殊.
你抽到霸王? 咁你一定好有$啦...
pina bausch!我今日LUNCH TIME 先同同事講左一大輪，估唔到你都有留意呀!!
re ta: 只係 $3 一股, 未有耐有錢啦~
張貼留言