雜絮

- jason kidd 同 ron artest 將會於7月尾來香港宣傳代言的匹克牌波鞋...
沒錯, 係祖國的匹克牌~!
仲要係香港冇得賣的匹克牌!!
想點呢你兩個? 來香港宣傳一樣香港冇得賣既產品?!
鼓吹北上消費?
拿~ 呢d咪破壞本土經濟囉.

- 開心大發現:
睇雜誌發現當年王菲果首"一人分飾兩角",
作曲的原來是AMK...

- 腿旦通識題:
今年東亞運將會幾時舉行?
香港有幾多人關心體育, 心知肚明.

而今屆其中一項新增項目, 竟然係健美!
女子組仲細分健體小姐及健身小姐...
據理解, 健身小姐多D肌肉, 健體小姐就冇乜肉...
咁...既然冇乜肌肉, 仲比乜鬼賽呢?
即係乒乓球手唔識抽波, 大會就開個猜波組俾你猜下...
唔識游水唔緊要, 大會係有水泡組俾大家參與的!!

- 遺憾的是. '卡巴迪'並非今次東亞運的比賽項目.
如果有我一定入場睇!

*甚麼是卡巴迪?
五隻字解釋晒:
麻.鷹.捉.雞.仔!!
堂堂亞運項目來的!!