一個故事 - 唉...瘋...

"我尋晚去左排隊買iphone4~"

"你以前有冇試過排隊買洗衣機?"

"痴線~ 邊有人排隊買洗衣機架?!"

"咁你而家又排隊買電話?"

"點同呢, iphone4係最新最upgarde型號嘛"

"你知唔知屋企部洗衣機係乜野型號?"

"洗衣機點同電話?! 電話要日日拎出街用架!"

"咁你夠日日著衫啦...唔見你去upgrade下個洗衣機?!"

"洗衣機來來去去都係咁架啦"

"電話又何嘗唔係來來去去都係打出打入呢?~"

[新蚊專欄重貼] 孤獨好環保

早兩日, 午飯時間口淡淡, 就一個人貢左落去街口果間日本料理食魚生飯. 正當我好肉緊咁又吹又攪手上果碗麵豉湯果陣,
突然被侍應劃破長空的一句”輸lin媽賒”嚇到筷子都飛埋落地. 除即望向大門, 睇下邊個咁巴閉令到侍應咁興奮,
點知原來係隔離會計部果四個港女OL.

女人好得意的, 無論身在何方都係要肩並肩咁行. 可能以為自己拍緊Sex and the City, 就算身在好逼夾的料理舖之內,
撞開晒d凳都照樣平排行. 佢地撞到去我果張凳果陣, 突然停步望住我. 對我一個人響街食飯感到非常好奇, 竟然問我: “不如一齊食丫~”

你以為有四個靚女主動同你食飯好爽? 其實佢地只係見我鵪鶉, 諗住搵我entertain佢地送飯.
“乜你一個人食飯咁孤獨呀?!”

我原本實在唔想理會佢地, 但我個魚生飯又未到, 唯有胡扯一番打發佢地:
“孤獨不知幾好呀~ 夠環保丫嘛~!”

“哥仔你用緊木筷子喎! 你同我講環保?!” 港女果然不是省油的燈!

好在我都係一條滅火的消防喉:
“木筷子大部份都係用楊樹製成, 而楊樹屬於速生木, 大概幾個月就可以輪迴一次; 反而你平時用來洗筷子果d清潔劑污染海洋, 幾廿年都未必分解到喎~
再講丫, 我一個人食飯頂盡都係食剩幾粒米, 妳地幾條女就成日眼闊肚窄, 叫到成檯都係食物但只用來影相擺上facebook,
到最後總會樣樣都食剩一半, 又係邊個唔環保呢? 今日見係妳咁好傾先講多兩句咋, 平時我唔講野架, 減少炭排放丫嘛,
妳地自己有冇發覺成日講人是非會講到好’支力’個口又臭’? 就係因為過度炭排放之嘛~ “

“侍應呀… 我地想調去果邊卡位舒服d…”

如果你覺得孤獨係一件慘事, 只係你平時習慣靠人帶俾你歡樂;
但如果自己能夠製造歡樂, 唔好靠人地, 孤獨其實不太可怕, 仲可以幾好玩~

來~ 宅男宅女們, 擁抱孤獨, 為地球出一分力, 為孤獨喝采!

跟周秀娜渡蜜月

未有書睇, 睇住片先啦~

志明與春嬌現實版

這是小弟的軍火庫,

為八月實施的十九支管制作好準備,

或者到時真係對住海關唱"一支得卦"了...

是日對話

話說前排響專欄提過木筷子,
有唔止一個讀者(係~ 我係有人睇的原來) 來信(係~ 仲有來信tim, 我個email係真的, 不過我唔明點解個個來信開頭都話好驚我覺得我唔會覆, 放心喎~我個email好乖唔會咬人的, 最多只係會叫你提供credit card number助養佢~),
問既, 都係呢個問題:

[censored] 說 (下午 02:39):
"木筷子大部份都係用楊樹製成, 而楊樹屬於速生木, 大概幾個月就可以輪迴一次; 反而你平時用來洗筷子果d清潔劑污染海洋, 幾廿年都未必分解到喎~"

[censored] 說 (下午 02:45):
係唔係真架?

jerk 說 (下午 02:46):
係架~ 但呢d野, 同宗教一樣, 信則有, 不信則無.
正如ipad取代紙張係咪好環保?
其實剛剛相反, 只要ipad出到第二代,
第一代就會變成大量電子垃圾, 比廢紙更加難處理,
但你會唔會因為咁而唔買ipad丫?
唔會丫嘛~~

jerk 說 (下午 02:48):
話時話, 好耐冇見, 幾時食飯?

[censored] 說 (下午 02:55):
唔食啦, 要洗筷子架!!!

估地方 之 開估 之 OCAT

之前果幾張相係攝自高文安先生的工作室,
(留意下泳池果張側面係有高生的自拍馬賽克~)
而附近, 仲有其他值得一睇的地方:


- emoi
係, 呢個其實係內地品牌來的~
銅鑼灣有分店, 但呢間有多好多選擇.


- 真係行過幾次先見到佢唔到,
隱身於冷氣機之間.
蠻有意思的.


- 呢間其實係酒吧.


- 呢間傢私舖好野來的,
可惜件件都好大型, 我屋企冇位擺...

- 屠房一樣的外觀, 但其實係一個個藝術工作室.

- 另一邊的工作室, 由貨倉改建而成.

- 星巴克, 唔一定間間一樣樣的

其實, 以上所有, 都係來自深圳,

近排好出名果個華僑城之內的

OCAT當代藝術中心!~

上開去深圳按摩買碟食野味的話, 抽個零鐘去hea下確係不錯的~

再造?

最近聽到有好多人講Elyze,結果我真係 click 左入去網頁睇, 一開就見到”體齡再造”, 很神奇的四隻字,
唔知仲以為係鐵皮俠裡面果d機關, 等我仲心思思想登記玩下,
可惜佢原來唔受男人玩, 但係佢個"身體年齡測試遊戲"還是可以任玩的~
http://www.elyze.com.hk/edm/201006/EBAGE0610E/index.php?code=EMIND0610A

隨著年紀開始大, 25歲以後新陳代謝減慢 (平均每十年減漫5%),
除左傷口冇咁易埋口之外, 易肥易病亦都逐漸明顯,
大力d摵自己仲會要一段時間皮膚先會回復原狀, 亦即係所謂的冇!彈!性!


更嚴重的例子, 就係而家響NBA搵食的DeJuan Blair, 大學時代佢曾經遭遇十字韌帶斷裂,
原本做完手術冇乜大礙, 但就係可能因為身體機能減慢(雖然佢仲未夠25歲), 令到韌帶埋唔到不特止,
仲成條韌帶被身體吸收埋.
(放心~ 冇十字韌帶唔死得人的, 只係好似架車冇左brake皮一樣. 唔想撞車的話, 行慢d咪得囉~)

暑假過長灘島玩浮潛又好,想無咁易病都好,都應該好好check下自己的身體年齡,
睇吓有冇爆煲,click入去下邊的link試試,完成後仲可以登記埋免費體驗 (well,不過免費體驗只受女生玩,我地男生就唔得)

http://www.elyze.com.hk/edm/201006/EBAGE0610E/index.php?code=EMIND0610A

雜 絮

- 我知, 而家呢D絮濕濕既野應該去微博果邊講,
但我真係唔覺得微博好好用,
所以都係繼續響呢邊放屁~

- 呢排實在忙得不可開交, email未得閒覆, 趨時野未得閒睇,
戲就飛住咁睇...

- 以下幾套都係要我飛住咁睇:

The Runaways
(可能我唔係流住搖滾的血,
所以我剩係見到幾個唔係好識做戲的妹妹全場響度鳩叫...)

白夜行
(近排瀨野之最...悶到呢...都話韓片多多冇好野架啦!)

Chloe
(搵戲來做的一齣, 如果唔係全裸的amanda seyfried 我應該已經沉睡幾轉.
又, 以up & coming女星來講, amanda seyfried可算係最唔適合拍脫戲,
廿幾歲女身材點解可以差成咁?)

- 好似好神秘的王迪詩最近又有新作, 但我其實唔係睇開佢d書的...
咁我點解留意到呢?
係因為我俾佢個封面吸引住...
嘩頂! 點解呢d咁老套既封面會出到街架?!
好似八十年代報攤攝埋一二角賣果d所謂台式情慾小說囉...

- 如果未來呢幾晚等睇世界杯之前冇乜好做的話,
可以睇下NBA~
係, 正式賽季完左,
但summer league先剛剛開始,
好多騎呢鬼~ 好好睇的~

估地方

以下圖片全部來自同一個地方~



內裡所有健身雜誌任睇, 健身器材任用!


呢個睇落似看台, 實則係樓梯,
上二樓必經之路, 需要兜過藝術品而行...


側邊仲有迷你泳池, 雖則睇落似魚池...


游完水仲可以去隔離浴室沖涼...
冇錯, 個浴室係用落地玻璃的...