雜 絮

- 就算你覺得周秀娜cheap又好, 淫又好,
無可否認佢既談吐係眾多0靚毛 (甚至藝人) 之中最似樣的.
甚少出事.
強烈推介今期壹仔 (冇奶冇牙膏冇懵仔溝的) 訪問.

N年前陶傑未有今日咁出名果陣, 曾客串林奕華某齣舞台劇.
劇中陶生同大家來個英語三分鐘,
講解 'sophisticate' 一字,
當時佢話, 呢個字好難譯得傳神,
但娛樂圈有一個人將呢個字發揮得淋漓盡致.

而家, 佢應該遇到第二個...

- 如果有一日見我著 K-Swiss出街, 請立即報警!
相信我只會癲左先會買K-Swiss.

情況就好似一個奧地利的故事:
假若你喜歡德國, 你會好憎奧地利, 因為佢好多野都模仿德國;
假若你討厭德國, 咁奧地利就更加乞你憎, 因為佢cheap到連德國都扮!

- 誠徵支付寶account一個!!

放心, 唔係用來買喜羊羊, 只係想買近排叱吒街場的slam dunk波衫.
雖則唔知佢真定假, 但幾十蚊可以買個歡樂, 抵到爛!
(我真心覺得著來打波係會成為笑話的)
可惜淘寶冇我最喜愛的13號...

- 東亞運委員會 在我前排喪屌完之後,
就消取左健美項目了...
原來霍生有睇我blog!!

喂! 咁快d加番 '卡巴迪' 先得架!!

- btw, 陶傑當年講果個好sophisticate的藝人,
叫 祥嫂.

一部電視, 兩個三流分析員

電視正播放著"喜羊羊與灰太狼之牛氣沖天", 兩個麻甩正凝神觀看.

"你知唔知呢套野原來打算收1000萬票房? 結果呢, 埋單埃近9000萬..."
"呢隻羊既周邊利潤真係遠超想像..."
"係囉! 佢d公仔好醜樣, 但又勁好賣..."
"公仔唔算過份, 你上淘寶睇下佢d書包, 郁下七八十蚊一個都有人買,
"我鍾意灰太狼多d喎..."
"灰太狼係壞蛋來喎, 即係反賊, 拎番學怕唔怕俾同學仔河蟹?!"

"喂, 係喎, 我買左361"
"係咩? 幾多手呀?"
"唔係, 我講緊衫..."
"點解唔買李寧呀?"
"李寧係勁, 但佢價錢貴, 又只係得幾件靚...
361唔同呀, 全場d衫都核突,
你入得去都係諗住行cheap的. 所以就算361 而家 market share 細,
股價都仲幾樂觀. 至少好過安踏!"
"俾我知道邊間上市公司有份做喜羊羊書包即刻大手入貨..."
"有呀...#8173囉..."

電視上的喜羊羊繼續跟懶羊羊一起戇鳩.

雜絮

- jason kidd 同 ron artest 將會於7月尾來香港宣傳代言的匹克牌波鞋...
沒錯, 係祖國的匹克牌~!
仲要係香港冇得賣的匹克牌!!
想點呢你兩個? 來香港宣傳一樣香港冇得賣既產品?!
鼓吹北上消費?
拿~ 呢d咪破壞本土經濟囉.

- 開心大發現:
睇雜誌發現當年王菲果首"一人分飾兩角",
作曲的原來是AMK...

- 腿旦通識題:
今年東亞運將會幾時舉行?
香港有幾多人關心體育, 心知肚明.

而今屆其中一項新增項目, 竟然係健美!
女子組仲細分健體小姐及健身小姐...
據理解, 健身小姐多D肌肉, 健體小姐就冇乜肉...
咁...既然冇乜肌肉, 仲比乜鬼賽呢?
即係乒乓球手唔識抽波, 大會就開個猜波組俾你猜下...
唔識游水唔緊要, 大會係有水泡組俾大家參與的!!

- 遺憾的是. '卡巴迪'並非今次東亞運的比賽項目.
如果有我一定入場睇!

*甚麼是卡巴迪?
五隻字解釋晒:
麻.鷹.捉.雞.仔!!
堂堂亞運項目來的!!

熊出沒注意

所以我成日話網絡世界好恐怖...
呢個哥仔近日到香港旅行,
已經被各大forum點晒相...
點相唔慘, 最慘的是
個個都知係得佢自己唔知俾人點晒相.

btw, 冇睇開籃球的就通常都唔知佢係邊個,
所以照片中見到佢行深水步行得好輕鬆~
但佢人工其實係over八千萬港幣...一年.

雜絮

- 尋晚睇溫布頓 費達拿 vs karlovic,
精彩的唔係費達拿, 係對面果件騎呢鬼 karlovic.
睇佢打波真係有今生冇來世~!
身高六呎十, 以發球強勁見稱...
但除左發球之外呢...
佢係近乎唔識打波的(!!)
即係, 只要你有能力將佢個發球回番對面場, 你已經贏左八成...
因為佢係冇回擊能力, 更加唔駛旨意佢會喪跑追波 (都跑唔郁)!
但佢又竟然獨沽一味靠發球打到入8強...


- 從陳書的blog看到井口昇有新作
...佢居然仲有戲拍?!
佢之前的 machine girl 真係爛片迷必看之選!!
當年真係睇到O晒咀... 天婦羅手呀大佬 (但其實係雞毛帚扮的...)!!



- 好多人正為MJ的死而悲傷, 但我想講, 早兩日pina bausch都過左身...
而我冇乜聽過MJ唱歌, 反而睇過pina bausch跳舞...


- 又話霸王好難抽既?!