朋友們一直非常關注我既感情狀況 (多過我既身體狀況...好多)
經常介紹唔同形狀既女子俾我識...
(點解? 我點知呀? 驚我餓起上來強姦/雞姦佢地卦...)
朋友A好介紹:
實牙實齒話介紹條女我溝, 仲約埋飯局.
點知出到去, 女確係有一條, 但條女竟然拖埋男朋友出來...
"你又話溝得既?"
"係溝得喎~ 你睇中既話唔駛理條仔喎~~"
"條仔係你個friend來喎...咁都溝得?!"
"有乜所謂喎, 試下又唔駛死既~"
"你緊係唔駛死啦......我要丫嘛."
朋友B好介紹:
事先張揚話係好野, 甚麼溫婉嫻熟 賢良食得
唯獨相頭帶點平凡, 不過都有六十分...云云...
點知...
你老_丫...如果咁都有六十分, 咁我咪百五分?!
朋友C好介紹:
呢次真係冇乜期望, 一心諗住食飽就走人,
撞鬼個女仔居然有幾分姿色又有幾分知識,
過程仲愉快得令我不安...
"冇理由咁筍架..."
一切謎底在我返歸add佢msn之後揭開...
她...
是需要長期服藥的...
沒有留言:
張貼留言