NBA二三事

成日都話蘋果記者既素質一向不賴 (跟報格無關),
但體育版例外. 當中尤以籃球版最為爛.
唔識籃球唔緊要, 唔識扮識果下先係罪過.
佢地唔鍾意做資料搜集, 又唔學下點樣睇波.
剩係一味見邊個出名就吹捧邊個,
嚴格來說係見到邊個入樽就話佢勁...
成個小學生一樣...還要是從女校走出來...

例如今日 (節錄):
在 未 來 的 日 子 ， 超 音 速 將 以 9 月 才 滿 20 歲 的 杜 蘭 特 作 重 建 基 石 ， 此 子 在 首 季 上 陣 的 53 場 比 賽 平 均 取 得 19.2 分 ， 位 列 新 秀 之 首 ， 也 是 近 4 季 新 秀 球 員 中 表 現 最 出 色 的 一 人 。
可 惜 在 杜 蘭 特 發 光 發 亮 的 同 時 ， 卻 更 加 凸 顯 了 包 括 同 期 以 「 探 花 」 身 份 加 盟 鷹 隊 賀 福 特 、 第 4 選 獲 灰 熊 垂 青 的 干 尼 ， 以 及 被 譽 為 公 鹿 「 新 人 王 」 的 易 建 聯 等 07 年 選 秀 會 上 ， 首 圈 順 位 前 列 年 輕 人 的 失 準 表 現 。

無疑kevin durant表現係突出, 但純以得分去說明其他人失準就太過膚淺.
al horford平均得分無錯係得9.2,
但同時, 佢每場平均抓了9.9個籃板球(當中包括3.0個進攻籃板球)又唔見你提?
而佢平均上陣只係31.3mins, 簡單算術法得出 0.32 rebound/min, 比姚明還要高,
相信呢點蘋果更加唔會提.
而佢係暫時最有力同kevin durant爭rookie of the year既競爭者, 不單冇提, 可能連諗都未諗過.
至於mike conloy, 一月先傷愈復出打第一場波, 可唔可以話佢失準呢?
佢仲要由後備打起, 到之後踢走damon stoudamire坐穩正選又算唔算失準呢?
唯一正確的就只有易建聯,
呢個真係大打海鮮波...

情牽一跣

朋友們一直非常關注我既感情狀況 (多過我既身體狀況...好多)
經常介紹唔同形狀既女子俾我識...
(點解? 我點知呀? 驚我餓起上來強姦/雞姦佢地卦...)

朋友A好介紹:
實牙實齒話介紹條女我溝, 仲約埋飯局.
點知出到去, 女確係有一條, 但條女竟然拖埋男朋友出來...
"你又話溝得既?"
"係溝得喎~ 你睇中既話唔駛理條仔喎~~"
"條仔係你個friend來喎...咁都溝得?!"
"有乜所謂喎, 試下又唔駛死既~"
"你緊係唔駛死啦......我要丫嘛."

朋友B好介紹:
事先張揚話係好野, 甚麼溫婉嫻熟 賢良食得
唯獨相頭帶點平凡, 不過都有六十分...云云...
點知...
你老_丫...如果咁都有六十分, 咁我咪百五分?!

朋友C好介紹:
呢次真係冇乜期望, 一心諗住食飽就走人,
撞鬼個女仔居然有幾分姿色又有幾分知識,
過程仲愉快得令我不安...
"冇理由咁筍架..."
一切謎底在我返歸add佢msn之後揭開...
她...
是需要長期服藥的...

再談MC

首先, 我地聽下其他朋友半年前知道我將會MC時之反應:

"嘩, 你個friend真係冇乜朋友架喎..."
"你平時連唱K都唔拎咪, 而家竟然幫人結婚拎咪?!?"
"打齋適合你多D~"

作為一個慣性政治不正確的爛口自閉仔, 見咪如見炸彈, 做MC著實有點難為.
但既然有人唔怕死搵上門, 我又何必扭扭擰擰?

只有將勤補拙, 不停背稿先可以減低犯錯既機會.
奈何思想歪得太過,
當新郎高歌時, 我不停諗起"活著多好"...
訪問新郎時, 又不停諗起早前同某君一齊對新郎既揶揄

"不如我地半夜三點鐘衝上佢屋企鬧新房咯"
"果個時候佢應該好唔得閒喎..."
"乜你覺得佢有咁勁搞到咁耐咩?"
"唔係, 我覺得果個時候佢先0岩0岩起到......"

真係衰...

請別要在情人節結婚

第一次做兄弟之後有劫後餘生既感覺

人地外母好有性格, 個女出閣, 佢可以唔知醒! 唔梳頭! 唔換衫!
夜晚簽紙有請雙方家長上台, 唔上!
問道有冇說話想同新人講? 冇!冇野講! (佢真係對住個咪咁樣講...)
但係男家斟茶果陣佢又識拉隊出來打尖喎...

雖然新娘係我朋友, 但真係唔得佢死.

佢老母...我幾驚會去男家果邊開拖呀...


身為當晚的一個小MC, 緊張得要命,
開波前一個禮拜已經將講稿send俾女MC,
唔期望佢背, 只係叫佢睇睇. 唔睇!
開波前一日再send個revised version俾佢, 唔理! 叫我到時print一份俾佢就可以了...
我print晒出來仲好好心機highlighted埋驚佢豆雞睇唔到...佢五分鐘就整唔見我份稿...
好啦好啦, 對我果份喇. 點知對唔夠兩句又俾攝影師哥哥個紋身引左去...
咁點呀? 焗住一齊爆肚囉~
正當我趁播片果陣度下可以點爆, 女MC竟然全職睇片, 仲喊到收唔到聲...

雖然女MC都係我朋友, 但都係唔得佢死.

仲有, 千祈唔好響情人節結婚, 姊妹團會中途走晒去瘟仔的.

P.S. 致兄弟團各成員:
縱使我地只係第二次見面, 能夠有緣同你地做一日兄弟, 著實係J某的榮幸.
唔一定要相濡以沬,
但每一個肯拎個心出來做野既朋友,都係識得過的.
蔡生, 你有d咁既朋友真係還得神落~