手電回憶錄

大概呢幾日一開電腦都只係會見到iphoneiphoneiphone,
但我真係未有一刻心動過,
可能係我由細已經俾人標籤為小眾,
(小眾有冇問題呢? 有架~ 如果你係曾蔭權的話...)
就連隨身用品都鍾情於小眾口味.
而一眾為反攏斷而不停諗計的中小企更加令我欣賞~

我咁大個人, 其實只係擁有過五部手提咁大把,
好長情的說~~



- bosch 909
年輕一輩可能未聽過呢個手電品牌,
不過如果你老豆做三行的話反而會識~
冇錯, 因為佢主力其實係生產電鑽!
而佢既手機業務亦只係做左幾年就俾西門子收購左.
(而家連西門子都唔做手機走去做飛機大砲lu~)
如果講接收能力, 呢部係我咁多部電話次中最好的!
而外型以當年尺度來講都算型過摩記架~
成部戰地電話咁樣~


- benefon Q-cell
一個更加多人未聽過的品牌, 法國產品,
當年銀色手電好前衛,
亦係全球第一部行mircosoft mobile explore的手電.
可能就係mircosoft食水太深,
間公司出左幾款之後就做唔住...
可惜.


- motorola mpx200
因為之前用開果兩部都好難搵保養, 所以開始妥協轉用大廠手機.
唔好見呢部野仲厚過夜用裝,
佢當年已經係全世界最細的smartphone.
(係, 我好耐之前已經係smartphone用家, 亦因為咁番唔到轉頭用普通手電)
值得一提, 呢部野要影相的話係需加外置鏡頭,
一插著就成部DV一樣, 好低能的~


- dopod s300
dopod, 算係HTC前身, 當年香港未有dopod行貨果陣,
好多smartphone友係會專程飛過台灣入貨的.
呢部其實係我用過咁多部之中最喜愛的一部,
外型醒神, 又夠薄, 又係smartphone, 功能又齊.
如果唔係壞左我真係唔會換電話...


- HTC tattoo
現任電話, android來講只屬入門級, 只係行1.6,
鍾意打機的話請買2.0或以上果d型號.
但佢勝在有得上網訂殼.
唔好睇少呢個service, 當你見過原裝殼就知換殼係必需的了~