臨老入花市 物流篇

上回講到......乜呢?
呀係, 帳篷!

一個摺合式帳篷有幾大呢?
"摺得埋既野可以有幾大丫! 我一個人去得啦~"
去到現場就知後悔了...

佢既體積竟然係同一個成年男人一樣!!!

如是者, 我就夜媽媽拖住一條成年死屍落街call車,
再拖住條死屍返基地,
(ok, 我懺悔, 我中途係因為頂唔順而放左條死屍響街去食飯...)
到達基地之前, 就理所當然地call救兵:

"喂~ 快d落黎救我! 幫手拎帳篷!"
"下?! 又來?! 我屋企冇位喇喎!"
"你屋企咁大, 果幾百件貨邊有咁易塞得爆呀?!"
"你上黎睇下喇!"

內地果然節儉成風, 將我地所有貨塞晒入一個 (係一個!!) 麻包袋就寄落黎.
而個麻包袋係至少足夠藏六條屍 (仲要唔駛肢解),
我呢d得一條屍的當堂收晒聲...