一百萬份之一份子

以前, 睇書有傷痕文學;
而家, 多得無線, 為我地帶來'傷痕娛樂'
............................. <--這是感嘆? 還是收視點數?

蟬

上個禮拜睇'攣到爆', 其中有一段講到:
"果陣既八月仲會聽到蟬叫..."

係喎, 而家d蟬去晒邊?!
細個果陣, 一到夏天, 就會偷阿媽車衫果d線轆走去捕蟬.
將佢五花大綁,
然後, 當紙鳶咁放~

可能大家近年多見鋼筋少近泥土,
蟬鳴彷彿成為遠古年代的事情

而家D人咁鍾意講集體回憶, 點解唔講下呢D?
唔講下以前冇冷氣巴, 大家一齊在上層吹生風的愜意日子?
而蟬鳴, 就像是對愜意年代泯滅的哀嚎.

less is more

http://www.bubblebox.com/play/puzzle/975.htm

一個好低能的game, 但我玩到廢寢忘餐.
又一次証明, CG幾靚都冇用, 要好玩的話, 有一條好橋就夠了.
玩法: 一枝畫筆任你畫出任何圖案, 務求將圖中的圈圈推到終點.
就.係.咁.簡.單!!
好玩在, 你可以正經咁玩:

亦可以發揮創意痴根地亂咁玩:

(唔好笑住, 以上model確係可行的)

而更好玩的, 係有時可以玩到你好沮喪...

好明顯, 係發生左工業意外丫...

yasaki 與 kamachi

細個好鬼憎著yasaki,
因為我死忠kamachi架嘛!
喂~kamachi 確係好野來喎,
你剩係睇個logo就知kamachi 比 yasaki 有誠意得多啦!
pump fury都要響90年代中先夠膽出螢光黃, 當年仲要冇人買, 到bjork著完先人人爭住買.
我八十年代已經著住kamachi的 黑+螢光黃 colour tone 波鞋.
而果個年代, 大家既傾向, 都仲係覺得波鞋應該係白色的...
而家諗番都覺得自己好鬼後現代~
當然, 我細個都想擁有nike, 但買唔起, 就只得退而求其次.
有乜所謂?~
賤物都有其趣味
窮人亦可以很潮.

有關是日玩具

象棋已經成為lego一大搵錢殺著.
愈出愈大, 愈出愈貴.
呢盒仲有成二千幾件...
砌都事少, 問題係, 砌完點玩呢?!
你睇隻 "車" 牛龜咁大, 點行?

是日玩具

我們是一伙低能兒

某夜夜工搭地車, 瞥見 朋友S 在隔離車廂.
由於放工時間肩摩像穀撃 (OK, 在香港地, 應該係臀摩...), 佢只得遠遠的向我示意,
而我, 係扮睇佢唔到...一個站咁多.
因為佢既示意, 並唔係向我揮揮手咁簡單.
而係一邊講電話, 一邊搖曳整個上半身, 左發右發來引我注意...發足一個站!!
(冇錯, 整套動作係極盡騎呢的...我好奇怪點解冇人報警)
而我既要扮睇佢唔到又要忍笑都足夠我辛苦!!
一路到列車埋站人潮漸散(其實係等佢唔再發~~) 我先同佢相認.
真係...
我覺得我地就算到左60歲都會繼續低能的~