今期拜讀

楊學德 - 不軌劇場
結集自某報每日的四格漫畫.

可能
佢唔夠小克入屋;
亦唔夠 stella so 咁細緻;
更唔夠 john ho 咁詩情畫意;

但
佢比小克更幽默;
落色比stella so更大膽;
更加比john ho 貼近大家的生活.

楊生實在值得更多應有的掌聲.



來, 叔叔咀咀~

重組案情

- 在落地的一剎, 我以為隻腳已斷.
當時我聽到隻腳發出好多下, 係好多下骨牌聲...
但更恐怖的聲音, 是來自正在場邊近距離觀看的友人所發出的驚訝聲.
因為佢地唔會無啦啦響場邊大叫的...

- 康復程度比想像中快, 至少而家隻腳可以前後移動. 但仲未可以轉彎.

- 診金好貴...仲好似冇得claim.

- 原本約定的所有戶外活動取消, 包括行街及睇戲.
好.撚.悶.!!

- 我開始明白地鐵站內傷殘設施係幾咁重要!

無題

我開始懷疑自己有幻聽...

尋晚聽見某個佛山樓盤廣告,
VO好有氣勢咁介紹城內卓爾不凡的配套設施.
而其中一個配套, 是這樣:

"呢度0既太陽每朝都係新0既!"

週末床上的宅男飆網日誌

開頭只係以為佢亂鳩咁唱, 點知原來真係派台歌...

而縱觀 youtube 各段得到証實,

佢幾乎每次唱之前都會將成個故仔由頭再講一次...

(而家同你玩個遊戲, 你估下呢件產品係出自邊個國家既設計師?)

.

.

雖則隻杯未至於勁到要你"嘩"一聲,

但至少, 你會發現內地設計師開始擺脫壞品味包袱.

淘寶網有售.

Nike 今年重出presto...

係時候可以拎番鞋櫃果對陳年橙色出來襯~

唔好講笑~真係幾好著的.

不諱言, 我可是李寧牌的fans來的.

雖則鐵還未有耐成鋼, 但死摷爛摷搵到款似樣的還是想支持.

同廣告玩遊戲

尋晚深夜聽電視果陣 (冇錯~ 係聽),
聽到有個應該係理財廣告既VO大概如是說:

"而家同你玩個遊戲... 你估下你幾多歲退休?
估中而又被抽中既話將會獲得xxxxx..."

好一個哲學問題呀下...

點為之估中呢?
到我幾十年後發現自己估中果陣, 幫我抽果條友輪迴左幾多次呢?
我咁細個 (!!), 實有好多人早過我退休喎,
咁我係咪應該將個退休年齡推前, 等佢早d抽到我呢?
好喇好喇, 我返埋今日工就退休喇! 咁咪好大機會估中囉~~
但, 賽果既然可以控制, 咁仲係咪"估"呢?

吊詭的是, 對呢類"估中而又被抽中"廣告最有興趣既,
係師奶...冇工作, 亦冇得退休果隻師奶.


...講到尾, 我好恨要獎品囉其實~!

是日讀報

- 霸王計劃來港上市集資23億
拿~ 集資做乜先?!
會唔會開發中藥剃鬚膏又或者草藥衛生巾(係就正宗up得就up了)先?
個股價又會唔會"動L"先?
陣間你個代言人無啦啦衝出來發放股價敏感消息就唔好啦~

- 梵高耳朵或高更割下
我比較關心佢兩個實情係咪基既呢?!
又一齊住, 又成日鬧交, 鬧完又切對方隻耳.
高更唔講, 咁呀梵高又'骨'一聲吞左佢唔講...
拿~ 呢D, 咪就係典型家庭暴力模式囉!
芷若園有冇興趣搵梵高做代言人?

- 林燕玲爆房直擊
而對手竟然係...方卓如!!!
雖則呢單令好多小飛俠fans痛心(ok...或妒忌),
但點都好過睇白韻琴大戰謝偉俊...

這才是假期

- 早上看罷 Boston VS Chicago...
癲既咩! 打三個加時!!
但賽後Boston教練仲聲言小兒科~
話佢地平時練習係打開60分鐘的...

- 下午終於有機會幫襯加洲福利會果個天台泳池,
一如所料, 清一色大隻佬囉, 搵個女女睇下都冇...
(犯賤的我, 屋企樓下其實都有泳池, 但我反而冇幫襯過...)

- 晚上睇埋立體果套"Coraline",
出奇地竟然唔好睇!!
技巧係勁, 但劇情真的不大吸引,
佢真係stop-motion拍攝? 扮stop-motion咋下話?!

個人認為, 早排個個叫悶果套"大耳無罪"仲好睇...


- coraline個網頁有得整button eyes...
好鬼大吉利是~