一個故事 - 罩

那年, SARS還未肆虐, 口罩還未成為風潮.
兩名港燦在剛通車的捷運上閒聊.

"喂, 你睇下, 對面戴住口罩果個男人...
幾得意, 佢個口罩上面印左個蘋果喎..."

友人沉默不語.

"喂~ 你睇唔睇到呀? 對面訓緊覺果個喎~
估唔到台灣D男人咁姣~ 會戴咁cutie既口罩出街."

良久, 友人終於按捺不住, 給他一個耳語:
"你望真D... 果個唔係蘋果來呀...你唔發覺個'蘋果'愈來愈大既咩?...
...你估佢訓左定死左丫拿?..."

Joe Dumars 之亂

唔係講佢球員時期戰績,
而係佢掌管Detroit Pistons時期的"輝煌"戰績...

03年, 當 rick calisle 奪得coach of the year獎項之後,
joe dumars 隨即送上 解僱信 一封以作獎賞...
(rick calisle 近況: 剛帶領 dallas mavericks 殺退 第三種籽 s.a. spurs)

04-05年, larry brown兩度帶領球隊晉身決賽 (04年奪冠),
但被joe dumars以解約收場...
(larry brown 近況: 為爛隊 charlotte bobcats 贏得自創隊以來最佳成績)

07年, 深受球員信任的 flip saunders 不獲 joe dumars 信任而被炒,
覺得佢唔能夠帶領球隊,
取而代之的反而係從未有帶隊經驗的 michael curry...
(flip saunders 近況: 來季將會成為 washington wizards 教練)

08-09年, joe dumars 宣佈只得39勝(近年最差)的 michael curry 穩坐下季教練之位...

在家千日好

你話我裙腳又好點都好,
我係好鍾意同屋企人一齊住的.
就算我第日有機會結婚, 都會盡可能拉埋屋企人一齊住...
(唔駛問我"如果老婆唔想同你屋企人住咁點呀"之類問題了,
慳番啖氣啦~ 我成身都軟, 係條頸最硬, 可能佢連提問既膽量都冇.)

點解甲級屋苑果D會所會多D野玩?
就係戶數多D之嘛!
同樣道理, 多D人一齊住, 屋內配套就自然可以好D,
買電視都可以買貴D啦. 使用率高感覺又抵D!~

一個人住, 冇事冇幹當然爽啦,
但有病痛果陣就真係死左都唔知幾時先有人知...
而呢個情況, 並唔係老人既專利.

就算同屋企人本身關係真係好差,
咁咪當做義工囉.
更差的, 當佢寵物都好丫...

身邊總會有幾個對畜牲好過對親人的"人",
若果我他日有個仔咁樣對我,
我諗我會搵條狗帶綁住佢, 每晚開飯都響地下食.
咁鍾意認狗做仔丫拿!

我又唔明點解要介意同老人家住,
你細個果陣你老豆有冇因為你瀨屎而嫌你臭唔同你住?
你老母又有冇同你講過"需要多d私人空間"而踢你出門口??

事後孔明

近日迷上呢類古代小玩意,

"華容道"玩不來, 就玩"孔明棋", (吊詭的是, 孔明棋不是中國人發明的~)

然後上網搵到以下記載:

最後剩下6隻或以上棋子是「一般」；最後剩下5隻棋子是「頗好」；剩下4隻棋子是「很好」；剩下3隻棋子是「聰明」；剩下2隻棋子是「尖子」；剩下1隻棋子是「大師」；最後剩下1隻，而且在正中央是「天才」

好勁咁喎~ 我係"聰明"架喎...原來.

點知, 玩多幾次, 甚至亂咁玩左幾次, 結果都係剩番三粒...

我扯...

(其實我有信心玩到剩番兩粒的...)

復活節雜絮

- 要應節嘛, 首選活動就梗係
拜山啦!!
試想像, 墳場上有十分一出來響應復活節的話都咪話唔壯觀~
ok...想講既唔係呢樣, 想講既係,
'冥通銀行'既發鈔銀行地位已經被'天地銀行'取代,
而佢亦都同津巴布聿元脫勾, 改為發行港幣, 日元與及美金.
每張紙幣都會印有玉帝肖像以茲識別.
咁我一路燒一路睇, 發覺有d唔對路,
睇真d, 每張個玉帝都係一樣樣, 唯獨美金......變左鬼佬樣既?!
最吹啤既, 就梗係個鬼佬依然著到成個唐太宗咁樣...

- 會展正在舉辦的燈飾展, 冇乜好睇, 係咁俾LED燦到盲.
唯有走過隔離果個春季電子產品展避難, 點知有驚喜...

* PASTA機
整佢個掣...一個膠兜加個懶係functional既名就可以賣貴好多架喇...

* 洗菜機
完全係電飯煲 crossover 洗衣機... 想點呢?
洗菜都要用機?
幾時會出埋沖涼機?

* 懷石料理機
呢個真係勁~
有插頭的石頭呢!!
但我好懷疑佢既安全標準問題...

獻世頻道 - 小試二

愈來愈好玩了~

板凳深度行

球星固然好睇, 但其實後備席中亦有一眾筍野值得留意:



Chris Andersen
- 綽號 birdman, 少數擁有極強彈跳力的白人.
- 平均每場block shot 2.3-2.4左右, 睇落冇乜特別,
但呢位老兄每場其實只係上陣十幾分鐘 (NBA每場48分鐘),
乘番條數就好驚人.
- 通場飛有如勁量電芯, 防守時經常失驚無神在對手上空出現;
進攻時只會在籃框五呎範圍內得分. 但, 都係上空囉~
- 熱愛嬉皮打扮, 亦擁有嬉皮嗜好 (即係關楚耀前排都好鍾意果d~),
曾經被禁賽達兩年之久.
- 其七彩蝦條式紋身已成為標記, 曾被戲稱為color bird,
而佢亦在雙臂內側紋上一對翼, 襯番佢個名.
- 好多人都唔知, 佢出道於南鋼隊...
沒錯, 就是我們偉大祖國CBA的那隊江蘇南鋼!!

得閒的話再講更騎呢的Ronald Murray~