據說, 小弟今年犯太歲,
某人建議我去睇睇某"香港四大靈媒之一".
(唔好問我點解犯太歲要睇靈媒...我都唔知~)
咁去之前, 就梗係問下佢究竟有幾"靈"啦
"佢好勁架, 不過唔太鍾意講野囉, 通常係我講俾佢知, 佢再答我點做囉..."
"嘩~ 咁實準架喎..."
"唔係呀, 正如佢早兩日話我今年嫁唔出, 要等出年囉, 都講中丫!"
"今年都過左大半啦..."
"咩呀~ 佢話我同男朋友生肖夾呀~ 因為佢屬馬我屬羊, 大家都吃草, 可以和平共處呀~"
"...咁所有屬虎都註定要守寡啦, 食人架喎!~"
"佢話呀, 如果我遇到貴人呀, 就會發達架喇!"
"咁我都知阿媽係女人..."
-----------------------
近日生活的確過得很爛, 但未必因為犯太歲,
很可能係因為我把口...
-----------------------
本人生活指數呈V型反彈的先兆:
1) 收到退稅
2) 有得免費睇黃子華
3) 近排又開始有生意
4) 又可以去做學生咯!
-----------------------
某人曾經問呀"香港四大靈媒之一"想唔想接見我,
點知遭到一口拒絕.
大概佢早已算到我會上去踢館...
沒有留言:
張貼留言