我和我的電影

小弟螫伏多年(其實係懶), 樓梯響左九世既短片計劃應該會在下月開拍.
希望趕得切參加年底的ifva.

現階段先徵求演員~
如有興趣者不妨聯絡我.
但有幾點希望大家先行注意:
- 若果閣下希望以此為晉身娛樂圈的階梯的話,可以直接番屋企等消息了.
因為我係冇辦法捧紅你/妳的.
就算係捧, 都捧我自己先啦!!
- 又或, 若果閣下以為套戲係屬於浪漫文藝/郎才女貌/香車美人之類劇情的話.
我都係勸你直接番屋企, 睇無線好了.
熟悉我的, 都知我係唔會拍呢d野啦~
我的偶像可是 charlie kaufman 同埋 alan ball 呢~!
就算係拍情情塔塔野, 都只會係岑凱倫模式, 而不是亦舒模式呢~
(估唔到我連岑凱倫都睇過哩)
又, 如果真係玩岑凱倫的話, 相信大家少不免要露少少喇...
- 酬勞方面, 一口價,
廿萬...我就俾唔出架喇...
現階段能夠應承各位的, 就只係膳食方面會由我一手包辦.
但礙於大部份拍攝時間都設定為深夜, 所以
最後大家可能只得在'些粉'進餐了~