聽風者

(係, 我係嬲到要另文再講~)

首先, 我對合拍片係冇偏見的,

但籌到內地咁多資金, 拍d咁既垃圾出黎就罪無可恕.

表面上, 明星大 時代大 畫面大,

睇落冇得輸,

但劇本戇鳩就完全浪費晒以上所有野,

全片扮晒緊湊實則非常枯燥空洞冇野落肚,

某些情節更淪為笑料 

直頭係浪費金錢.

(以下含劇透, 打算入場者應避免閱讀, 

雖則我覺得讀完之後入場反而會睇得開心d~ 如果你當佢係笑片的話)

- 成齣戲主軸係講竊聽,

成套戲有三分二時間係講共產黨如何偷聽如何解碼摩斯密碼, 

去刺探國民黨的機密情報, 講到千辛萬苦, 

不過共產黨果幾件所謂精英特務自己講機密就係用電話, 甚至大搖大擺坐響餐廳講...

屌你班友戇鳩架咩?!

大陸平時好鍾意矮化國民黨, 但而家攪到成班共產黨好似傻仔一樣,

我係大陸就唔會批呢d劇本囉~~

- 戲中的王學兵聲稱要去香港而讓位俾周迅,

但佢之後卻又神奇地不停出現上海.

算~ 我忍你!

戲中的周迅居然在打麻將果陣無啦啦跌出摩斯密碼字條而招殺身之禍,

算~ 我又忍你!

但作為秘密特務的周迅在結局死左之後居然有盛大葬禮,

仲要勁多人送殯, 明星一樣,

算~ 我都忍你!

而范曉萱竟然在三分鐘之後就講:

"701小隊所有人的生與死, 都是機密"

風光大葬竟然係機密?!?!

你玩鳩我呀?!

-而更吹漲的是,

周迅出殯果副棺木, 係西式的(!!)...

在1949年, 在國共內戰, 用西式棺木??!?!

你想點撚樣呀導演?!

你不如俾個微波爐佢陪葬丫笨!

艾拔貴性/辰巳/三星大廚

- 辰巳 (tatsumi)

講畫功, 坦白說絕對係比不上現今的動畫,

但當中由辰巳嘉裕的前半生加上當年他的暢銷漫畫穿插而成,

但當作人物傳記動畫又幾好睇.

 - 艾拔貴性 (albert nobbs)

又一套入場前以為會訓著的電影,

但一個睇落好悶的故仔,

拍出來反面翹有生氣~

當中glenn close的新馬仔造型真係入型入格,

睇到一半已經分唔清佢係男定女,

完全同戲中主角一齊對性別一樣疑惑.

 - 三星大廚 (the chef)

非常有80年代港產片味道的法國喜劇,

輕輕鬆鬆, kill time的上佳選擇,

不過入場前最好食定d野, 如果唔係會好肚餓...

他看戲也一個人看 backup (2010)

2010年11月15日星期一

3D電影 4D'享受'

 

早兩日入場睇呢個Jackass 3D, 入場之前見到有一個

紮孖辮的洋漢同埋猩猩一隻 (人扮的, 當然)響度等入場,

已經feel到唔對路,點知呢兩條友就正正坐響我身後...

一開場孖辮佬就不停響我身後喪笑,

笑唔係問題, 但我唔知點解佢好似用丹田來笑, 果股氣不停響我耳邊擦過,

仲要有味...

而果隻猩猩人呢, 就響某一段(有睇過的就知邊一段) 突然從觀眾席衝出走廊叫陣,

但佢又笨手笨腳, 失足拉落我個位度 (UA果D位可前後移動),成個人俾佢chok一chok.

我即時擰轉頭望住佢, 點知佢又唔敢望過來, 如果唔係我一定兜腳伸佢落AA果一行~

(好可惜, 佢花咁多心思, 但現場反應好冷淡, 膠都廢事俾)

至於套戲好唔好睇呢?

如果平時有睇開的話係OK的,

依然會有幾幕笑爆咀; 依然會有幾幕睇到你想嘔.

如果未睇過的話呢......都係算吧啦,

因為佢真係夠膽死close up一舊3D的屎俾你睇的~

2010年10月8日星期五

謎情追兇

- 其實第一日上果陣我已經睇左,

但又實在講唔出佢有幾好睇,

成套戲睇果陣好似好平淡.

- 但散場之後好多畫面就響腦內揮之不去,

就好似戲裡而每一個角色一樣.

- 套戲表面上係講一單兇殺案,

其實係講執著.

戲裡面每一個都係固執撚!!

- 對白非常精彩, 往往都可以做到用對白推進劇情,

甚至有時亦很woody allen.

- 中文戲名改得很差!

- 最多人談論的五分鐘一個shot直落鏡頭:

不過我比較喜歡開首火車站果組蒙太奇式鏡頭~

- "男人可以改變佢既樣貌, 工作, 甚至宗教, 但永遠唔會改變到佢對一樣野既passion~!"

2010年9月12日星期日

3D 兩味

唔好以為3D只係大片專利,

而家好多B-movie都攻佔立體市場,

仲有咁盡玩咁盡.

- Piranha 3D

目標非常清晰, boobs and blood,

絕對滿足到B片觀眾需要,

笑位同嚇位到合格有餘.

不過3D效果強差人意,

大部份close up 鏡頭係睇唔到立體的其實.

(當然你會知佢close up 邊部份~)

就算我已經係坐響全場最正中果個位都睇唔到,

只係睇到影象重疊...

好期待毒蛇嚇機拍3D呀下~

- The Hole in 3D

冇乜宣傳的一套, 故事講一家人搬屋,

發現新屋地牢有個無底洞,

而自從地洞打開之後, 各人就開始輪流撞鬼...

講真, 故事係非常之咁把屁的.

亦冇乜驚嚇成份,

到結局仲直頭變左inception一樣.

不過, 佢既 3D效果可算非常出色,

幾乎每一件道具擺位都係為3D而設,

空間感強烈, 亦見心思.

唔計阿煩達的話, 呢套的3D效果應該係我睇過做得最好的.

2010年8月28日星期六

三十套印象深刻電影

我唔敢數三十套最好睇電影,

因為實俾人柴台,

我睇開果D的確又未必好好睇 (我知有版友經常當我係明燈~)

而且要數真係何止三十套,

唯有數下印象比較深刻果D:

trainspotting

- 冇得講, 長期第一位! 當年睇果陣太大impact.

太有型了吧!~

hot fuzz

- 笑片來講, 佢既剪接都真係出色得好緊要~

being john malkovich

- 散場果陣第一時間搵係邊個編劇, 從此愛上呢個精神分裂的人.

Reality Bite

- 90年代型片, 每個潮童都想成為戲裡面的ethan hawke/winona ryder.

而好多人都唔知呢套型片導演其實係......ben stiller~

牯嶺街少年殺人事件

- 套戲接近四粒鐘, 而我連續睇左兩次...

你哪邊幾點

- 奇! 我到而家都好想知究竟蔡明亮電影有冇攝影師架呢?

佢果種有如閉路電視式拍法真係睇到O晒咀, 但又會繼續睇...

miss little sunshine

- 我覺得呢套係可以列入劇本編寫教材的.

fight club

- 每個人心裡面都有一個tyler durden!!

the english patient

- 正宗史詩式愛情巨著! titanic行埋一邊啦!

american beauty

- 極愛佢對陰暗面的幽默, 而其實另一套題材極相似的"happiness"都正, 只係唔夠幽默.

the shawshank redemption

- 又係冇得講, 近廿年劇情片之王!

明明睇過好多次, 每次重播又會坐定定響度睇.

the clockwork orange

- 佢改變左我對世界既睇法! 噢~~

天空之城

- 細個睇果陣睇到嘩嘩聲. 而soundtrack我keep到而家.

陽光燦爛的日子

- 應該係第一套我覺得好睇的國產片,

慶幸中國終於開放, 唔再係剩係識得拍山山水水人人.

memento

- 睇年散場果陣我係呆到唔識走.

如墮五里霧中.

宅配男金色搖籃曲

- 應該係我睇過最好睇的日本電影

E阪幸太郎又係另一個神人, 可以將一大堆九唔搭八的東東連埋一齊.

變態家族

- 相反, 呢套應該係我睇過最難睇的日本電影.

完全唔撚知佢做乜!

當年響戲院全場觀眾不停喪屌, 而家諗番都好過癮~

鬼影

- 我唔怕鬼片, 但呢套真係嚇得下.

佢最成功係你每次頸緊膊痛都會諗番起呢套戲~

香港製造

- 慶幸我唔係因為老翻碟先認識呢套戲.

以緊絀成本拍出一套咁勁戲好難得.

city of god

- 點估得到巴西居然會拍得出好此好片.

簡直係巴西版的trainspotting.

藍色大門

- 一個簡單到喊的劇本, 加幾個冇名氣演員.

竟然係幾好睇!

我當時一路睇一路問: 如果F4果幾條蛋散都紅得起,

無理由呢幾個主角紅唔起架...?!

艷鬼發狂

- 個人認為, 呢套先係港產鬼片之王!

半夜睇真係睇到寒. 而其中一個做鬼的女角,

叫黃夏蕙! 驚哩~!

力王

- 因為漫畫所以入場睇, 極度血腥,

但由於佢戲中的 血液/內臟/手腳 都係假到去一個'低鳩能'的地步.

笑到收唔到聲, 仲成為一代CULT片~

論盡我阿媽

- 艾慕杜華唔玩SM唔玩畸戀, 原來都可以好好睇~

ONCE

- 又係一套刀仔鋸大樹的示範

麵好味湯好飲, soundtracks又係必買.

SAW

- 只係第一集好睇, 扭橋扭得好.

ameile

- 未必係最好睇, 但導演到劇本到演員到美術等等,

每一個範疇都係極高水準.

primal fear

- 原本的一套b-movie,

因為一個edward norton而變成為一套猛片~

從此認定edward norton接的戲, 要追!

- 天空小說

林海峰拍的戲其實唔差,

當然呢套經典在首創7-11換戲飛,

結果攪到全港7-11同埋港威淪陷一樣.

但講好睇, 其實'廢話小說'好睇d.

- delicatessen

黑色幽默經典之一!

戲中好多場面其後成為其他電影抄襲來源,

例如本地"黑玫瑰對黑玫瑰"經典的"床上ununun戲"就係抄自呢套.

2010年8月23日星期一

第36個故事

近期最愛電影之一,

雷光夏的音樂實在功不可沒,

成套戲非常的舒暢~

桂綸鎂依舊的女神, 飾演佢個妹的林辰唏清新爽朗,

而睇番youtube先知原來佢係來自娘到爆的"我愛黑澀會".....-.-

soundtrack可是必買的~!

一頁台北

好耐未試過俾一套戲'fake'到應一應.

由戲名到poster到男女主角都理應係愛情片格局,

但實情係:

.

入場前以為係愛情小品;

睇到中段竟然變成懸疑警匪片;

再睇多陣先發現原來係黑色幽默(!!)

.

講真, 戲真的非常一般.

但散場後導演行出來講解一輪之後,

又竟然覺得套戲好睇左 (!!)

.

簡單來講 (放心, 我唔興劇透的~)

.

- 男主角是傻的; 警察是傻的; 就連奸角都是傻的!

而女角們全部都係靚的...但一樣都是傻的!!

.

- 同志明與春嬌一樣, 套內湧現大量本土元素,

例如提及當兵, 台語劇, 夜市, 誠品等.

台灣人會睇得窩心好多.

.

- "一頁台北"係食字gag, 正音係"一夜台北",

(套戲係講男主角一夜之內所發生的瘋狂事)

而全片書店部份係於誠品拍攝, 跟 pageone 無關~

.

- 近排果個鐵達時型男楊祐寧只出了一個shot, 有心睇佢的可以慳番.

.

- 成套戲最出果個係過氣型男(?!)柯宇綸~~

2010年6月15日星期二

頤和園 

雖則內地不停河蟹微博,

但內地其實已經比以前進步好多.

我想講既係, 我上個禮拜居然可以公然在內地買到"頤和園"DVD!!

(如果一早知道呢套戲係乜料的話可以早接跳到下一段)

"頤和園"早於06年拍竣, 但被內地政府以"偷步到國外參展",

"畫質不清"等無聊理由而被列為禁片.

導演婁燁亦被罰五年之內不得拍片.(直到今年先有新作'春風沉醉的夜晚')

而其實影片被禁的真正原因係

1. 影片內有大量情慾鏡頭

2. 影片提及...6...4!

話說我早兩年去過'東莞HMV' (你知我其實想講邊度的~)

問店員有冇"頤和園"DVD,

佢抬高頭好驚訝咁望住我呆左幾秒,

好似有野想講, 最後都只係緩緩咁搖左一下個頭,

好明顯佢知我講緊邊套戲, 但當時佢連開口答我都唔敢.

我知~ 網上面一早有海盜版,

但可以親身響內地買到還真是有幾分興奮.

正如俾機會你將前排響微博upup埋埋既野話大聲響天安門朗讀一次,

你唔興奮?!

拿...夠唔夠膽讀就後話啦~

講番套戲...

一如其他禁片, 其實只係麻麻地好睇, 最好睇都只係睇住佢俾人禁.

講六四亦只係輕輕帶過, 輔以少量新聞影像.

主力其實都係講愛情.

或者咁講, 佢係內地性女版的'甜蜜蜜'囉~

2010年5月29日星期六

打擂台 

(此為內地版海報)

- 見到呢張海報, 再加上主角陣容: 梁小龍, 陳觀泰, 泰迪羅賓同埋邵音音, 相信已嚇跑了不少人, 而另一部份人亦都開始打算譏諷為爛片.

(係, 香港人好勁的, 未睇過就已經知道爛, 見到港產片三隻字又一定係爛...)

- 佢打鬥場面唔及得'葉問'咁華麗;

又冇'志明與春嬌'的明星及浪漫;

但呢套戲, 其實係非常適合年青人睇的!

因為套戲的主題係: 熱血!

而熱血, 正正就係而家年青人所欠缺的.

- 放心, 呢套係喜劇來的~ 唔好諗到咁heavy.

- 對於年青人來講, 對梁小龍的認識大概係於"功夫"裡版周星馳踩住個頭的騎呢啡,

但實情佢係七十年代比成龍更出名的武打影星.

事別三十年, 再一次當上主角, 相信佢的心情比其他演員更加複雜.

而佢亦都冇渣流攤, 打起上來依然狠勁!! 很讚!

- 套用林家楝完場後的一段說話: "香港回歸之後其實福利好左好多, 市民怨氣反而多左... 你睇番七八十年代果陣邊有福利架?! 但人人一樣拼搏. 點解而家香港會冇晒呢種精神??"

- "打擂台"未必係今年睇過最好的港產片,

但肯定係今年最值得俾錢入場的港產片.

因為, 誠意, 真係唔係個個有.

而膽識, 更甚!!

2010年4月22日星期四

強片推介 

剩係睇trailer已索到陣cult味~

如果香港會上就好了.

- the human centipede

(注意: 18+)

http://www.youtube.com/watch?v=jiLMePwAxxs

另外, 呢個係自用的,

近排宅男最愛的 hit girl poster~

2010年4月14日星期三

the ghost writer 

影子滅殺令 - the ghost writer

有D人到而家都以為 波蘭斯基 係拍藝術片,

實情佢真係商業到無倫, 今次回歸拍番擅長的懸疑驚慄片種,

- 講故事技巧已經唔駛懷疑, 一層一層的推進, 節奏掌握得宜,

七十幾歲人仲拍得咁緊湊好難得~

- 故事其實犯駁位頗多, 但由於成套戲太流暢, 所以變得無傷大雅.

- 唔知係母帶問題定戲院問題, 場口之間會有半秒out fo,

好多場口都係咁, 呢d係咪最新的剪接手法?

- pierce brosnan的演技一直為人詬病, 今次卻非常不俗,

全因佢今次係演一個濕鳩首相(!!)...度身訂造一樣.

- 全片一隻鬼都冇(ghost在戲中係指替鎗, 寫書果隻),

亦冇任何嚇人聲效.

(扯~ 咁叫乜野驚慄片呀?!)

驚的, 係來自內心, 唔知邊個人信得過果種驚慄.

呢d, 咪就係白色恐怖囉~

2010年4月12日星期一

電易節更粗略後感 ver1.2 

- the loved ones "lum"爆你恐怖舞會

澳洲最耍家的恐怖B-movie,

純官能刺激,

好此道者會笑到收唔到聲~

- micmacs 子彈頭大復仇

jean-pierre jeunet 的電影未必係果d"100套必睇電影",

但內裡無論演員, 分鏡, 佈景等等都總係保持著極高水準.

亦都總係令你可以笑住離場.

同場加映......

- 安非他命

電影節閉幕電影 (不過我係用coupon睇~)

由於套戲太膠...都唔知由邊度講起.

"你睇左安非他命?"

"係呀"

"做乜唔叫埋我?"

"就係好在冇叫埋你去睇咋, 如果唔係散場果陣你一定不停言語上雞姦我!!"

又, 呢套戲的其中兩個賣點:

a) 刪剪雞姦戲 - 早cut早著啦~ 男主角d戲實在太屎, 我嫌cut得少.

b) 梁敏儀露點 - 想睇的可以慳番, 得果幾秒,

想睇咕咕的會滿足得多, 數以分鐘計~!

- 字典與警槍 police, adjective

基本上, 可以當係'before sunset' 警察版,

幾條友, 一個鏡頭直落, 係咁up係咁up,

同大家探討公義, 良知.

值得一提呢套戲好多野都近乎real time進行,

即係男主角監 視幾耐, 你地全場就要睇幾耐;

男主角等佢上司接見, 全部觀眾陪佢一齊等...(!!)

- 今天應該很高興 the happliest girl in the world

同樣係羅馬尼亞片, 但冇上面果齣咁多口水 (雖則都好多),

女主角的行為真係非常港女~~

- 宅配男金色搖籃曲

今年暫時最對辦的一齣.

就如我平時幾咁痛恨日本電影, 都愛上了導演中村義洋.

上年的"一首punk歌救地 球"已經係正,

今年呢套更加有型,

雖則好多人話原著小說好睇過電影,

但好多鏡頭上的幽默真係電影獨有.

散場時掌聲雷動.

可惜的是, 香港上畫機會極微.

2010年1月3日星期日

雜 絮 - 近日電影 

- cloudy with a chance of meatballs

呢期個個掛住 avatar, 但其實呢套都不俗,

瘋狂的故事但情節又非常合家歡.

小朋友睇3D版見D食物飛來飛去應該好開心~

(可憐我睇的只是2D版...)

順手教導佢地如果浪費食物係會俾牛扒壓死的...

- 夜 店

內地電影, 又一次令香港電影界汗顏.

你又冇錢, 人地又冇錢 (成套戲大部份時間只係得六條友同一間便利店),

但人地一樣拍得有板有眼. (需則劇本略嫌薄弱)

多得寧浩, 令呢類年青小品喜劇有機會抬頭,

令內地電影唔駛再焗限於"好山好水好風景"...

- he's just not that into you

睇完只是想起三個字: 好虛弱.

我係指對白.

btw, bradley cooper 已經成為今年美國愛情片鐵膽,

好似個個女星都指明要同佢打車輪咁...

- new york i love you

除左拍攝地點係new york之外,

幾乎所有故事都可以同new york無關的...

(係...呢套一樣都係有bradley cooper的...)

- 周秀娜: eyescren fiesta chrissie

果然跟足日本水著路線, 出寫真同時拍埋片,

擁有大量close up, 睇到你唔睇,

只係表情略嫌生硬 (第二度軟熟咪得囉~)