荷蘭。比利時。杜拜 雜絮

- 在阿姆斯特丹下塌的旅館,

我明明book單人房, 但一入去就見到三張床,

我番落去同receptionist姐姐寒暄問點解會有三張床

佢望一望我, 答

"幾好呀~ 咁你可以帶新朋友來過夜呀~"

答完仲對我單了一下眼... o.<

荷蘭真可愛~

(FYI, 今次我其實係一個人去, 雖則每次講出黎都冇人信...)

- 今次旅程最大遺撼之一就係遇上 van gogh museum 裝修!!

但職員好快就提供一個浪漫行程補數:

"拿我地用一條紅繩將舊館同新館連埋一齊,

只要係跟住樹上既紅繩就會去到新館,

步行十分鐘左右就到~"

然後, 下圖就是佢所講的紅繩,

看見冇?!

  

但我行左三分鐘就唔見左條繩...

結果我行多半個鐘都去唔到,

要截車再不停問路先去得到...=.=

- 傳說中的magic mushroom!

可買返屋企自行栽種,

但後果自負.

- 阿姆斯特丹的eye film institute,

呢部係紀念品機,

只要係"隊"部手機入去,

就會有條影片送俾你,

睇落好低能, 

但唔止我, 現場好多老外玩呢部機都玩得好開心~

- 呢度原本應該係鹿特丹的一個市集,

但我去到果陣就只見到... 空地一塊...

當日仲只係得零度左右(仲勁大風),

好辛苦先行得過對面...

- 歐洲大部份的廁所都要收費,

而呢間就係廁所+精品店,

當然所賣精品全部都同廁所有關,

就連男裝衛生巾都有得賣!

可即買即用(!!)

- 各大火車站都有此類locker,

方便抵用,

背囊友必用!

點解要講呢個呢,

係因為香港其實都有同款locker, 如紅磡站,

但費用竟然比歐洲貴得多...

(例: 最大果格,香港係HKD$70 per 2 hours,

而比利時都係約HKD$70......per 7 days!)

- 其實此行主要目的係去"廟思淫" (又係每次講出黎都冇人信...),

而竟然有朋友突然捐出museum pass一張!

真係慳好多!

特別鳴謝C小姐仗義捐出.

冇錯~ museum pass上面係寫小姐, 但...who fucking cares?!

- 荷蘭火車有好多款, 幾乎每次乘搭都唔同,

而呢款包箱型算係最好坐(價錢一樣),

見上圖兩位訓得好辛苦?

望埋下圖

其實可以變床,

仲可以熄燈及閂門,

只要你夠厚顏~

(但我只係厚顏了一個站, 去到rottendam就將座位擺番整齊~因為好多人!!)

- 住hostel有樣好, 就係不時發現溫馨之處,

好多人臨走時會將剩餘物資放在common kitchen益下家,

看, 連老抽都有!

如果英國是food hell,

荷蘭至少都算係food grave,

沙律醬撈薯條已經係荷蘭最受歡迎食品之一......

(另外仲有可樂餅, 但唔夠薯條飽肚)

- 搭A380的好處!!

- 話說因為種種原因, 我去到杜拜果陣已經係凌晨兩點幾,

而這個號稱不夜城的杜拜機場在出閘後竟然係冇食肆...

(有costa cafe, 但佢同我講只剩coffee沒有cake)

左問右問之下, 要去到職員專用小食部,

仲要同好多夜班員工鬥搶先搶到上圖果個麵包...

我突然覺得自己好淒涼...

- 冷氣巴士站在香港人眼中沒甚特別,

但在杜拜, 簡直就是綠洲!

就算唔搭巴士都要入去坐下,

如果唔係真係會中暑. 

- 我唔否認, 當我在街角轉出突然看見呢個環境,

我係有想過逃跑的...

- 去杜拜旅遊, 好多人會跟 local tour 搭成個鐘車由城內出去沙漠玩,

我沒有.

因為我住果間酒店樓下已經係沙漠(但我明明在城內)......~

比利時的朱古力

(見到我寫食物, 係咪覺得世界就來末日呢?!)

只要步進布魯塞爾大廣場 (brussels central的那個), 

就發被沿途的精美朱古力店殺得措手不及,

首先, 別要買那些無名的朱古力禮盒,

包裝可能很精緻, 但價錢比有名的品牌平不了多少.

不妨走多兩步, 有大量名牌等著你:

Neuhaus - 比利時皇室御用四大品牌之一, 亦是發明 praline 的始祖,

送禮穩妥之選, 價錢中上.

Galler - 亦是四大之一, 名氣或許不及 Neuhaus 甚至 港人極為熟悉的 Godiva,

但包裝較為時尚, 沒有其他品牌的土氣形象, 價錢亦算合理.

Leonidas - 門市極多, 價錢相對實惠, 需要"派街坊"的話, 首選~!

(但其實香港也有門市)

Godiva - 相比之下, 價錢及品質不上不下的Godiva就處境尷尬,

在現場所見亦不見得特別受歡迎.

而且香港有大量門市, 我實在找不到在比利時購買 Godiva 的理由...

Côte d'Or - 英國有合家歡的Cadbury, 比利時就有Côte d'Or.

亦是比利時皇室御用品牌之一, 但價錢極平宜,

深受當地居民歡迎, 在各大超市有售.

值得一提的是, Côte d'Or 跟 Cadbury 一樣, 早已被 Kraft 收購~

(在香港要找 Côte d'Or 的話, 要到免稅店)

Pierre Marcolini - 沒有甚麼"皇室"銜頭, 全比利時亦只得十間分店,

但價錢及品質俱為上等, 甚至被台灣人奉為神級朱古力!

有興趣的可到Sablon區總店朝聖~

p.s. 如果不用追捧名牌, 市內亦有大量小店售賣 pralines,

如在布魯塞爾 (brussels), 一盒自選大約十八粒朱古力大概$150港幣左右...

但在布魯日 (brugge) 市內小店購買的話, 價錢只需$80左右~

一個故事 - 年 宵

年宵市場對好多人黎講係熱點節目,
但對店員黎講只係一年一度的災難...
明明每日都係賣同樣既貨, 卻又每日都要將貨品搬來搬去, 朝行晚拆;
仲要應付一堆又一堆你明明唔識佢, 但佢又會覺得你欠左佢的講價客;
還有最難應付, 來混吉的一群...

佢地已經係連續第三晚企響檔口前望住d貨眼光光,
點解店員會認得? 因為那個女人每次都會帶同一位智障小朋友,
而佢倆在遊人如鯽的市場裡面總會得到大量空間,
唔係佢地爭番黎, 而係個個都避開佢地,
空間大到店員都曾經懷疑, 智障其實係咪會傳染架呢?!
總之, 每次見到佢地, 就如見到摩西, 好易認~

由於兩人從來都冇提出過任何議價或問題,
店員就由得佢地看個夠, 做少一樣得一樣, 樂得清閒.
但都來到年廿九, 每晚這樣望, 會望到過年嗎?

店員出於好奇, 就開始對那位小朋友釋出善意:
"你睇中邊隻呀? 平d賣俾你丫~"

小朋友望著店員良久, 還是覺得毛公仔比較耐看,
就轉眼望向店員身後的毛公仔, 沒有答話.

"其實係我想買." 說這句的, 是女人, 亦即是小朋友的媽媽. "我想問下你地d公仔夠唔夠軟熟?"

"當然軟熟啦~ 好好攬架! 妳想買俾個仔攬哩~"

"唔係, 我買來俾佢打的. 佢每晚都要同我打一輪先肯去訓, 但佢開始長大, 我亦開始唔夠佢打, 所以要買d軟熟既公仔等大家打果陣都冇咁痛..."

店員被這個突如其來的答案打亂了, 一時之間不知道應該如何接上去...
但他想了一想, 就直接爬上檔口的頂部, 將一個原先只用來招徠客人的特大版毛公仔摘下來,
遞給太太.

"就這個吧~ 應該夠打!~"

"咁大個, 要多少錢?!"

"二十了就可以了, 別再講價哦~!"

站站停下最後也空等 布魯日 下集

在市面上, 很難找到比利時的旅遊書, 

就算有, 也大多依附在荷蘭的旅遊書之內,

有關布魯日 (Brugge) 的, 就更只有4-6頁左右介紹.

然而, 布魯日卻是整個比利時旅遊之中最不能錯過的城市!

地理上, 比利時被荷蘭, 德國, 法國, 甚至英國所包圍著,

每一個國家都比她有特色有名氣,

所以比利時往往被忽略為 "有閒才去" 的國家.

而首都布魯塞爾更加是一個爛透的城市.

但依然, 無論如何, 到上述國家旅遊時, 

有時間的話真的值得抽1-2日去拜訪這個中世紀小鎮.

乘搭 "intercity"火車由阿姆斯特丹出發到布魯日約需4小時,

需中途在安特惠普 (antwrap) / 布魯塞爾 (brussels) 轉車,

(乘搭 "thalys" 火車的話會更快, 但票價貴且限時上車, 亦同樣要轉車)

火車站門外有巴士站到達各區, 但不怕倦的話, 步行是更好的選擇.

因為布魯日真的是一個小小的小鎮哦~

至於行程, 其實是沒有的~

甚至建議是亂走 (但請謹記回酒店的路),

每條橫街窄巷都有其特色.

這個古城的舊, 不是粉雕出來的假古董,

幾乎每一幢建築物都是切切實實的百年老店,

卻又保養的宜.

只需買個麵包, 隨處找個地方坐坐,

彷彿就置身於中世紀時代, 期特武士騎著白馬來城堡打救你 (!!).

若硬是要找些活動的話,

市內只有三幢高層建築:

兩座教堂及一幢鐘樓,

除了用來認路之外, 亦可到裡面走走.

當中鐘樓有入場限制, 每次鐘樓內只可同時容納80人 (古董來嘛~),

遇上旅遊旺季的話得需排隊等候入場.

入場後可爬上鐘樓的頂層, 近距離細聽每隔十五分鐘就打出的報時音樂,

亦可飽覽布魯日的全景.

沒錯, 是用爬的, 因為其樓梯既窄且深,

雖說高度只得幾百米,

亦會把你弄得氣來氣喘~

另外, 值得一提的是, 比利時到處也是朱古力,

忍得到的話就別在布魯塞爾買伴手禮,

因為布魯日朱古力小店的價錢, 只是布魯塞爾的一半!!

站站停下最後也空等 比利時 布魯日

站站停下最後也空等 - 荷蘭 鹿特丹 圖片篇

在荷蘭未必要試但一定要知的幾件事 (18禁)

(本文含有成人內容, 若閣下未滿18歲, 或已滿18歲卻仍然天真, 請立即關機, 天真是會傳染的.)

1.Haring

身在荷蘭這個既前衛又藝術的地方, 當看到這個名叫 broodje haring 的物體時,

就一廂情願地以為是紀念 keith haring 的......=.=

正當我在想為何 keith haring 喜歡這麼難吃的東西時,

老闆告訴我其實 haring 即是英文的 herring, 即是鯡魚, 又即是沙甸 (!)

而當地人更喜歡是將之去骨生吞 (!!)

若你平時喜歡死魚的話, haring 就正中你下懷~

雖說 haring 是荷蘭名物, 但在街上其實並不易找 (最易找的是熱狗跟薯條),

如你看到這裡仍然想一試的話,

也請盡量到一些寫有"verse"字樣 (即新鮮) 的攤檔購買.

不新鮮的 haring, 其實跟腐屍沒兩樣...

2. 大麻 Marijuana

本人並不鼓勵吸食大麻, 但要試的人勸也不會聽.

荷蘭國內有大量 cafe 與及 coffee shops,

表面上沒甚分別, 但真正喝咖啡的其實只有 cafe.

coffee shop 都有咖啡, 但只是羊頭, 真正的狗肉其實是大麻.

其實不用看招牌, 只要在門外停留30秒, 嗅都嗅得出分別.

由於在荷蘭吸食大麻是合法的, 所以不用怕羞, 直接行入舖內表明來意,

店員就會提供餐牌, 上有不同級數及品牌以供選擇.

不懂選的話可請店員代勞推介,

總之就當自己在品味紅酒一樣就可以了~

而大家最關心的價錢方面,

每gram大約是euro$10-20, 視乎級數而定.

若怕太多自己吃不消/燒, 亦有單支裝可供選擇,

如下圖的, 約5吋長 (你沒看錯, 是5吋, 還很粗的說),

只需euro$3-5.

但請注意, 合法就不代表任意妄為,

荷蘭跟香港一樣是奉行室內禁煙,

絕大部份的酒店都是禁煙房間, 食肆就更不用想.

要抽, 請到街外抽.

3. 紅燈區

首先, 紅燈區其實是不准攝影的, 我先為我的行為致歉.

如被發現的話, 會有人衝出來將你的相機掉落運河, 切勿以身試法.

(而你不用放大圖片, 圖片已經特別處理, 看不清樣貌的, 死心吧~)

幾乎每個遊客到荷蘭必到之處, 但你會奇怪好少人會提及價錢跟服務,

因為紅燈區內的姐姐大多屬重口味系列, 別說要褻玩, 連遠觀都有點難為,

觀眾多但會幫襯的卻少之又少.

如果你運氣好看見心儀姐姐的話, 可走近問問價錢.

但問, 其實是多餘的, 因為整個紅燈區是劃一收費,

一律 euro$50, 1 position, 20 minutes, 需要增值服務如s&m之類就需加錢.

別太驚訝, 以上資訊只要在現場隨便找個賣薯條的都答到你~

只是旅遊書不會提供價目罷了.

就算是女性在那裡也不愁寂寞,

區內亦有比較合家歡的活動如入銀仔的 peep show,

或者泰國最耍家的真人 show 等等,

還有未閹的人妖呢~