雜 絮

- 我仲未收到選舉通知書呀下...
但其實, 應該就咁拎身分證都可以投票的了...
但又其實, 我係需要轉地址架囉...

- 我很勾, 我一直以為免費商場雜誌只係得"讀書好",
(OK, 仲有本好出名的叫'點心', 但呢本唔係度度有嘛~~)
但尋晚行街又無意中見到有本叫"pandaa!"又幾好睇.
而今期主題係'crazy'...內裡仲有專題係講savant syndrome.
(有乜咁吸引? 唉你唔係savant你唔會明架喇~~)
估佢唔到的是, 呢本野, 係'東方'出的...

- 返屋企果陣, 聽到後面一對情侶對話(嚴格黎講只係得條囡講)

"你同我阿媽一撚樣架! 剩係識得屌, 做0岩又唔見你讚下我, 我阿媽又係咁, 上次我考到全班第十一名 (!!全班...), 佢讚都冇讚過我, 係咁話我讀書係應份架喎...屌! 所以我下學期咪唔撚讀囉!! (按: 佢唔讀既意思, 係唔返學...) 係呀, 我特登唔撚讀呀, 等佢剩係識得鬧丫拿!!"

(呢個時候, 條仔大概係消化緊條囡講既野...)

"唉, 算啦, 你諗唔到我鬧你乜架喇, 你都唔識諗野, 你諗野邊有我咁detail丫!!"

我果下真係忍唔住擰轉頭望佢!!

"望乜野呀四眼仔?!"

"哦冇...想讚下妳講野好夠中氣之嘛~~"

深宵宣傳易時間

咳咳...由於之前以為一期完, 所以冇乜同人講過,
但小弟其實近排去左'新蚊'打躉, 逢星期五一次.
由於係期間限定 (即係隨時都有被CUT的可能),
所以有買襯手, 多謝~

而由於唔想連累'新蚊'俾人燒書或者包膠袋,
出街的部份內容係經過編輯剪接 (謹此講聲麻煩晒~ 我知我D字有時好甩皮甩骨, esp.標點符號方面...)
但其實我有director's cut存底~ (!!)
同雜誌出街的版本係有點分別,
有興趣的, 可以到以下網址

http://jacso.hk/j4jerk

BTW, 簡介的頭三隻字應為"想平凡", 下期會改的了.

BBTW, 如果閣下咁好心機睇到呢度都未close的話, 恭喜你,
請即去信 j4jerk@gmail.com 參加抽獎,
獎品係'新蚊' crossover levi's i-phone case乙個連郵費!!
(好明顯係因為我本身冇i-phone~)

雜 絮

- 美國ADR睇到匯豐跌到$73, 聽日大概可以唱定錢入貨喇卦~

- 講左咁多次, 終於有機會睇"潮爆北京", 但感覺一般,
戲中的艾未未竟然比而家後生幾倍~
btw, 女主角的胸脯霸佔了很多視線...

- 我一向好怕uniqlo tee, 因為醜的我買唔落; 好睇的又實會同人撞...
但佢地黎緊又會出'稻中兵團'tee...
搞到我好矛盾~
而'稻中兵團'的先驅'奇面學生組'(識得呢套某程度係暴露左自己年齡), tee已出!!

- 近期最期待的港產片 - 郭子健'打擂台'

遊世博冇頻撲

聽日世博就開幕, 到時就睇下中國的人海戰術可以摧毀幾多個展覽館~

我地呢D慢人半拍的

(係, 我由上年買到今年都未買到飛!! 不過而家睇番又好似冇乜損失~),

唯有響屋企做下功課先.

- 丹麥館展出小美人魚雕像, 任摸唔嬲!

嘩...我我地祖國人民的良好習性來睇,

唔夠一個月就俾人拆左條尾番屋企煲湯啦!!

- 中國館果幅會動的清明上河圖確係吸引,

(春牛圖同埋推背圖呢咁?!) 但我最鍾意係呢個.

一葉輕車去~~

拿, 你而家明點解成日俾人叫蟻民啦?

- 西班牙館有8米巨嬰坐陣!

唔......個頭好大......

唔知佢飲乜野奶粉架呢??

- 英國果個膠製海膽唔知想點,

講起膠, 你擺個 Gordon Brown 出來展覽咪得囉~

夠晒代表性, 又夠晒膠!

似曾相識

OK, 我老土, 我繼續講"志明與春嬌".

有人覺得兩人響後巷望膠袋果一幕好正,
而其實呢個膠袋亦曾有份客串另一部電影:



而兩人去酒店開房果陣D音樂同呢段一樣咁有feel ~

強片推介

剩係睇trailer已索到陣cult味~
如果香港會上就好了.

- the human centipede


(注意: 18+)
http://www.youtube.com/watch?v=jiLMePwAxxs

另外, 呢個係自用的,
近排宅男最愛的 hit girl poster~

博 tweet tweet

話說近日加入微博行列,
玩左幾日之後, 發現我唔可以響電話upload照片,
版面又核突.
最重要係, 我對住佢個簡體字介面按著按著,
感覺自己好似北地骨場的骨妹...

應該都唔會再用了...

唯有重投封塵的twitter...
喂~ 對於我呢d自閉山區小朋友來講,
肯用twitter已經係一大進步!

有興趣的, 可到呢度
http://twitter.com/j4jerk
睇睇~

(扯...咪又係無聊野!!)

係架!~
點解你會覺得我會上網做有聊野呢?