神洲行

- 朝早起身等睇中央台播nba, 但結果轉左去無記睇眾星接火捧,
睇果幾個疑似評述不停研究傳聖火需要用到邊組肌肉(!!),
但又唔講解一下陳志雲果兩片"蘿"肌何解會發得咁犀利...
- 當然, 在內地你唔會睇到任何同雪山 or 獅子有關的新聞...
- 買左套叫sick & twist既動畫短片精選,
自問忍耐力極強, 但未睇晒隻disc 1已經要熄機...
我唔介意你玩變態玩核突, 但一幕接一幕的超low-fi畫面及對白可會影響智力的...
相比之下, beavis & butthead其實算係畫得好靚...
- 買左個'冬瓜炖鴨味'杯麵, 買果陣好開心; 食果陣好失望...
因為我食唔出同冬瓜/鴨有任何關係...然後我懷疑要炖番三粒鐘佢先會出味...

一百萬份之一份子

以前, 睇書有傷痕文學;
而家, 多得無線, 為我地帶來'傷痕娛樂'
............................. <--這是感嘆? 還是收視點數?

蟬

上個禮拜睇'攣到爆', 其中有一段講到:
"果陣既八月仲會聽到蟬叫..."

係喎, 而家d蟬去晒邊?!
細個果陣, 一到夏天, 就會偷阿媽車衫果d線轆走去捕蟬.
將佢五花大綁,
然後, 當紙鳶咁放~

可能大家近年多見鋼筋少近泥土,
蟬鳴彷彿成為遠古年代的事情

而家D人咁鍾意講集體回憶, 點解唔講下呢D?
唔講下以前冇冷氣巴, 大家一齊在上層吹生風的愜意日子?
而蟬鳴, 就像是對愜意年代泯滅的哀嚎.

less is more

http://www.bubblebox.com/play/puzzle/975.htm

一個好低能的game, 但我玩到廢寢忘餐.
又一次証明, CG幾靚都冇用, 要好玩的話, 有一條好橋就夠了.
玩法: 一枝畫筆任你畫出任何圖案, 務求將圖中的圈圈推到終點.
就.係.咁.簡.單!!
好玩在, 你可以正經咁玩:

亦可以發揮創意痴根地亂咁玩:

(唔好笑住, 以上model確係可行的)

而更好玩的, 係有時可以玩到你好沮喪...

好明顯, 係發生左工業意外丫...

yasaki 與 kamachi

細個好鬼憎著yasaki,
因為我死忠kamachi架嘛!
喂~kamachi 確係好野來喎,
你剩係睇個logo就知kamachi 比 yasaki 有誠意得多啦!
pump fury都要響90年代中先夠膽出螢光黃, 當年仲要冇人買, 到bjork著完先人人爭住買.
我八十年代已經著住kamachi的 黑+螢光黃 colour tone 波鞋.
而果個年代, 大家既傾向, 都仲係覺得波鞋應該係白色的...
而家諗番都覺得自己好鬼後現代~
當然, 我細個都想擁有nike, 但買唔起, 就只得退而求其次.
有乜所謂?~
賤物都有其趣味
窮人亦可以很潮.

有關是日玩具

象棋已經成為lego一大搵錢殺著.
愈出愈大, 愈出愈貴.
呢盒仲有成二千幾件...
砌都事少, 問題係, 砌完點玩呢?!
你睇隻 "車" 牛龜咁大, 點行?

是日玩具