不盡相同的軌跡

電車男, 又何止得Peter仔果一種呢?

至少我身邊果d唔係如節目所講咁不濟...
(ok...近墨者黑丫嘛~ 我知我知, 唔駛提我~ 我都好電...)

- A君係典型I.T.類電車男, 由朝到黑剩係對住部電腦, 又成日唔梳頭.
但由於樣子出奇地靚仔, 所以佢平時就算唔多出聲害羞羞,
都依然有大量女性食佢豆腐.

- B君就係冇外型冇自信果一類, 剩係識得同玩具溝通,
但身處政府部門, 不愁衣食, 個個月就算勁買玩具都仲有大把錢剩,
雖然三萬月薪果D女人未必會吼佢, 但佢已經有兩層自置物業響手(仲要早已供斷)...

- 當好多人而家仲未分得清中國四大名著係邊四著的時候,
C君早在中學時代已經睇晒, 仲係係睇線裝版...
佢不善辭令, 所以佢從來冇同人提起過佢睇開乜野書,
(睇陶傑/深雪/九把刀就係主流,
但話睇真正歷史/文學 反而有好多人對你避之則吉, 異常趕客)
咁我點知呢?
係某次上佢屋企見到佢有如藏經閣的書房 (係...書房真係擺書的, 應該!),
仲要本本都被佢揭得霉霉爛爛時發覺的...
(要睇一個人係咪真係愛書, 睇佢D書有幾多成新就知的了,
新淨未必代表你愛書, 更有可能係代表你冇乜點認真睇過.)

題外話:
剛剛返屋企就睇到無記新聞播果段所謂"觀眾提供警員開槍"片段,
剩係影住一堆草叢, 仲要厚格,
我一路睇一路笑, (大概因為又草叢又厚格, 令我諗起第二D野...)
你話佢係華南虎都得架啦!!
難得無記又夠膽播出街果度好野丫嘛~