一個 J for Jerk 的年代

壞品味系列 - Brian Scalabrine

2012-01-31T00:14:00.000+08:00

如果你認為所有職業籃球員都係michael jordan一樣左飛右扣,
帶住個波四圍飄,
咁, 就錯了~
世上任何一個界別都有次貨,
所以你都唔駛咁傷心 (!)...

由邊度講起呢? 就由佢個外形講起:

體形超重
白人
紅髮 (冇錯~ 紅髮係問題, 你試下去數三個紅髮球星, 有排你數都未數到呀!)
不合身的球衣
橫睇豎睇都係似肥皂劇演員多過職業運動員.

亦因為技術問題, 佢近年亦長期成為 bench warmer,
(註: bench warmer 即係由開場坐到散場, 全程都係負責坐暖張凳冇得出場)
但佢冇放棄過任何機會, 總有辦法吸引攝影機注意,
用佢諧趣既外型, 加上浮誇的肢體動作,
真正在後備席上上演一幕又一幕肥皂劇. (多數是fing毛巾~)

又係 andy warhol 果句: 每個人都有15分鐘成名機會,
籃球比賽有時未完場就會出現極大分距 (例如 100:70),
臨完場對賽果又唔會有影響的最後幾分鐘就會稱為 garbage time,
咁, 呢幾分鐘, 通常就會成為佢既成名機會.

佢每次落場, 總會令到全場球迷起哄,
就好似見到史前生物一樣大呼小叫.
甚至幫佢改左個綽號叫"white mamba" (因為世界級球星 kobe bryant 叫做 black mamba...)
佢亦樂於成為三分鐘名人,
每次都好努力去娛樂球迷 (或被娛樂)~

而機會, 總留俾有準備的人,
這名超級吉祥物在上星期入左球咁既波...

其實呢個係一個勵志故事~!

年宵快訊

2012-01-20T12:40:00.000+08:00

好快咁"立"過下今年的年宵賣緊乜......

- 依然有好多人賣自己設計的吹氣產品...
其實, 吹氣野已經唔係好興...
咁你堅持要賣都冇問題,
不過唔該就花多少少心思響個設計上面,
眼見好多都真係好求其好醜樣...
你叫我點好意思買得落手拎住周街行?

- 呢兩年愈來愈多所謂的"暖手咕臣",
而今年係玩食字的"龍友相機",
造型尚算可以, 但顏色就真係核鬼突......

- 往年大熱的華叔揮春自華叔仙遊之後以為無以為繼,
點知今年原來由余若薇頂上, $20一張, 好撚抵~
但更精彩的是在檔前sell客的陳淑莊!
其non-stop式叫陣絕對回復當年 "東宮西宮" 神彩,
有時間而又唔逼人 (而佢又響度) 的話值得留低睇睇, 正過棟篤笑~

- 而在眾多自製產品之中, 呢件真係不禁令我拎錢出黎:

雖則佢比較適合二月先拎出黎賣,
但我真係俾佢地既心思雷到,
上面每粒字都真係有諗過度過,
(頂頂果行 "正面.投入" 真係令我笑左)
artwork亦都合格以上,
(照抄都會核突的嗎? 絕對會! 例如某檔就自製銀紙咕臣, 其核突程度拍得住陰司紙!)
不過若果賦予更多功能俾佢的話就更好,
亦可以賣得貴d.

未過年先送禮- 後記

2012-01-17T01:23:00.000+08:00

- 其實有點感動, 因為反應確係比預期熱烈.

- 我都明白所送出的影碟部份係幾冷門, 有D仲要係二手,

所以搵到好人家收留佢地其實都咪話唔意外.

- 其中一位朋友提及,

send email 俾一個陌生人去索取禮物係一件好"outrageous"的事,

我想講, 我送禮物, 本身又何嘗唔係一件極之"outrageous"的事呢?!~

所以, 唔駛太介懷, 因為冇乜幾可~ 哈.

- 原本我係諗住每位都寫張紙條仔多謝佢,

但早幾日見到王迪詩以同樣舉動去sell書,

成件事立即變得好膠, 所以就打住了.

- 亦因為近來太忙的關係, 冇時間逐隻包,

只係買左一堆公文袋隊晒入去就寄 (仲可能會入錯),

所以, 覺得好核突的朋友.........

就請繼續覺得核突吧!

- 當中, 每一位都需要留地址俾我寄貨,

而有部份朋友都選擇提供屋企地址 (!!),

證明佢地都好信得我過, 相信我唔係變態連環殺手......
.
.
.
等我攝塊刀片入去先~!

未過年先送禮大行動 (已完)

2012-01-12T10:55:00.001+08:00

(活動已完, 多謝~)

為左要迎接新貨抵港, 過年前就執一執個櫃,

發現有d睇完已經唔會翻睇,

又有d根本冇時間睇既碟,

新碟太多, 時間太少,

橫豎都係掉, 倒不如贈予有緣人,

唔嫌棄的話即管出聲,

識唔識我的一樣可以參與.

有興趣的可到小弟微博留言,

冇微博的話直接 email 到 j4jerk@gmail.com 亦可. (email 有喇卦?!)

放心, 費用全免, 包埋本地郵費 (外國的話我會擺落 dropbox 又或扮寄失~),

講聲多謝就可以了.

不過唔包親筆簽名相囉~~~

dvd

- ~~copying beethoven貝多芬未緣曲 (new)~~ 己送

- 天邊一朵雲 (new)

- ~~2 days in paris 巴黎愛漫遊 (used)~~ 己送

- diary of a sex addict 色迷 . 謎 (used)

- ~~mein fuhrer 玩謝希特拉 (new)~~ 己送

- ~~black ice 誰和誰和誰有路 (new) [p.s. 呢套有點唔捨得, 但我又其實一早入場睇左...]~~ 己送

- ~~saw v 恐懼鬥室5 (used)~~ 己送

- ~~i'm not there 七人一個bob dylan (new)~~ 己送

vcd

- ~~太陽雨 (new)~~ 己送

- ~~the double life of veronique 兩生花 (new) [p.s. 冇錯, 就係奇斯洛夫斯基果套]~~ 已送

- ~~the prestige 死亡魔法 (new)~~ 己送

- ~~tsotsi 真心無戾 (used)~~ 己送

- 唐狗與北京狗 & 青梅竹馬 (used) [p.s. 黃精甫未紅前拍的短片, 而家市面應該好難搵到]

- snake on a plane 毒蛇嚇機 (used)

- ~~21 gram xxx生命有多重 (used)~~ 己送

- ~~gi li gu lu 搵食男女 [p.s. 胡恩威x林奕華]~~ 己送

- millions 億萬少年 (used) [即係 danny boyle 最低潮果陣拍果套]

- in this world 阿富汗少年冷酷異境 (used)

龍紋身的女孩

2012-01-10T23:48:00.000+08:00

(放心, 冇劇透的~)

其實小說我一輯都冇睇過,

但電影版(瑞典果套)我卻睇晒三集.

而更過份的是,

我屌足電影版有幾悶之餘,

卻又入場睇呢個荷里活版...

無可否認, 美國版在選景到選角到節奏,

全部well-polished過,
點都會好過瑞典版,

而劇情亦略有不同.

樣樣都好, 唯獨女主角及不上瑞典版,

Rooney Mara 係靚,

但唔夠 Noomi Rapace 演繹出果種倔強得近乎 insane 的眼神及
無時無刻的自我保護意識.

如對荷里活版有興趣的話, 請準時入場,

開首的opening真係型到裂開!!~

不過遲入場都唔緊要,

因為這個世界還有youtube~~

一個故事 - 乾杯

2011-12-28T23:16:00.000+08:00

廿五歲前, 她過的生活與一般OL無異,
悶著上班, 悶到下班, 目光只放在晚上一個又一個的朋友聚會,
盡情認識新朋友, 舉杯暢飲直至酩酊大醉.
醒來後跟不知姓甚名誰的男生道別後又是一名良家婦女.

那年頭, 只要不太甩皮甩骨, 總不愁寂寞.

在如常的一個夜晚, 如常的一個包廂, 她正準備如常的醉生夢死,
刻意坐到那六呎高的新朋友旁邊, 猜枚也好, 談心亦無不可,
只要稍後不要帶她到那些廉價時鐘小築開房就可以了,
要夢死, 也得死在酒店床上才算優雅~

奇怪的是, 這夜她就像吃了偉哥的飯鏟頭一樣,
無論喝的怎麼兇, 都依然坐得筆直毫無醉意,
眼看身邊一個又一個的倒下,
她唯有到門外抽根煙抖抖氣, 再等待六呎猛男稍後把她帶到短途極樂.

煙頭的紅光比走廊的吊燈還要明亮,
煙圈的飄逸比那擺呀擺呀的裙更能挑惹起戰爭,
六呎猛男倏忽就在她身後如鬼魅般出現,
她以為是情慾的前戲, 轉身準備獻吻,
怎料猛男卻發問:
"妳嘔左未?"

"呀......未..."
她略帶尷尬再夾雜一點不知所措的回答.

"哦......妳未呀? 咁我去嘔先"

看著猛男彳彳亍亍的步向洗手間,
想著方才疑似閒話家常的對答,
她卻激起無限湧浪,

究竟他在幹甚麼?
究竟自己又在幹甚麼??
究竟每個星期同樣時間同樣地點, 比上班還要準時,
結識一批又一批其實不太熟絡亦無興趣熟絡的所謂朋友,
為乜?
原來係為左嘔?!
嘔完仲要俾錢?!

生活是否應該這樣?
生活是否只得這樣?

她回到包廂, 隨手拿起一杯烈酒,
向在場的朋友示意乾一杯, 正確一點該是對在場的喪屍澆酒,
然後別個頭, 轉身就走.
從此, 她的酒杯再沒有斟滿過.

若你近來在街上碰到她, 她總會跟你說:
"我個人仲乾過隻杯呀!!"
但在吐糟的同時, 笑容卻是前所未有的飽滿.

聖誕交換廢物指南 2011

2011-12-11T23:43:00.001+08:00

每年總有大大小小聖誕派對等住你去,

而又多多少少你總要買份禮物去交換,

但當中有幾多你真係想買? 又或有幾多你真係想要?

如果買廢物已成為既定的指定動作, 唔買唔得的話,

以下有幾個價錢相宜的選擇,

對方未必合心水, 但至少, 可以令自己開心一陣先~

- 假裝的藝術

呢本直頭係送禮自用無以尚之~

成本書就係教你如何短時間成為各項目的專家,

例如電影專家, 紅酒專家等等,

好等你去到派對果陣長袖善舞揮灑自如,

媾女都自然事半功倍~

不過此書暫時只見簡體版,

首先要得學習成為簡體字專家先~

- insult a day calendar

內容未必極盡 insult,

但對於學習及預防被 insult 都有良好影響~

- 牙膏機

唔好見cover graphics就亂咁塞野入個窿度,

其實佢係一件自動出牙膏機,

用途講唔上特別,

但我確係被佢既graphics迷上了~

- naughty dot to dot

(網絡圖片)

看圖識字, 唔駛講係乜啦可?!

送俾聖誕冇街去的宅男一流~

有得睇有得玩有得用 (唔好問我點用~)

btw, 另有男裝版適合唔同需要人士!

- lego flash drive

手指周街都有,

但呢個lego手指就可提供多一項好基本但冇乜人為意的功能:

收埋!

平時抄抄埋埋好多重要資訊落手指,

例如果d人體奧妙圖片/電影,

就算擺落櫃桶佢都係一隻好明顯的手指,

有心人一拎出黎你就無所遁形;

但呢隻lego手指仔, 只要將佢撈埋落一間lego屋裡面掩人耳目,

真係俾人爆格都唔怕資訊流失!

耐唔耐仲可以幫佢換個假髮混淆視聽!

- 齊來砌鋼琴

講開lego, 不得不提這副鋼琴!

手工精緻得令人驚訝,

但更驚訝的是, lego 自己其實從未出過鋼琴系列...!

呢盒, 其實係內地老翻品牌"啟蒙"的自家作品!!

以前"啟蒙"只係照 dup 一大堆老翻 lego 款式,

質素仲極其差劣,

但今日竟然推出自家創作系列,

(lego冇出過, nanoblock有出鋼琴但造型及不上此款 [!!] )

造形仲要係估唔到地討好,

拆盒之後真係呃得下人,

真係唔好睇少山寨貨~

如果想聖誕示愛, 不妨買盒再加個上鍊音樂盒響琴底送俾人,

又或者同愛人一齊砌完鋼琴再砌第二d野亦可~

雖則唔應該響呢度推介老翻,

但今時今日各大百貨都可以賣 nanoblock, mega bloks,

甚至連 kre-o 呢d同類"疑似老翻 lego"都可以上雜誌封面,

我又唔明點解唔可以講下啟蒙~

Cake 的啟示

2011-12-04T20:36:00.001+08:00

每年總有幾次食到人地既生日蛋糕,

冇錯, 係人地既, 唔係自己既,

因為我本身大部份時間是戒甜的, 二來亦冇乜人知我幾時生日~

而每次望著生日蛋糕就如看見女性的 lingerie 一樣, 你以為是整晚的壓軸節目,

但實質只能為你帶來五秒興奮,

之後你只會想速速幹掉她... (我意思係指叫侍應分左個蛋糕佢~)

然後大家就會分到一堆碎濕濕的殘骸, 極其量扒兩啖, 就繼續再唱未完的K, 再喝未完的酒.

冇人會記得個蛋糕係乜野味, 冇人會再食未完的蛋糕.

你有幾可聽過有人會大叫: "我出年要食番同樣既蛋糕!!" ??

生日蛋糕唔應該係咁, 佢責任應該係帶來歡欣, 喜慶, 令聚會更加圓滿,

而唔係影完相就棄如敝屣, 一堆碎濕濕排隊等住去堆填...

恰巧友人生日, 今次輪到我負責買蛋糕,

(諷刺吧?~ 一個戒甜的人走去訂蛋糕, 真係同太監上青樓冇乜分別架咋~)

OK, 買, 唔係問題; 問題係我應該買一個怎樣的的蛋糕?

我要堆填還是要歡樂?

最後, 我冒著被問候的風險去買了這個:

對, 是 cupcake~

每件cupcake都包裝得像禮物一樣精緻,

各人忍不住拿起自己的禮物端詳一番, 就像藝術評審,

一邊研究先從哪裡入口方可嚐到最完滿的口感,

一邊驚訝為何現代還會有人在這些細微的食物上下苦功.

而其 "玩具向" 的餅盒更將勾起大家童年收到玩具般的驚喜.

如是者, 成功爭取在生日會上將快樂延長至半個鐘~~

從微博到巨博

2011-11-28T23:08:00.001+08:00

由於微博得太方便, 亦夠無聊, 好適合我平時冇頭冇尾既作風,
所以好多本來寫在這裡的東東 (例如我最喜愛的 "壞品味系列"!!),
不經不覺已搬到微博發表.
而這裡, 就淪為微博的延伸閱讀...
我知道, 明明是大婆, 然後無啦啦被貶做二奶的滋味不好受,
所以, 我一想打長文就會番黎寵幸下佢.

奈何, 我其實又好憎打長文...
或者咁講, 我每逢打親長文, 多數都係出於"心有不甘"的情緒之下寫成.
換言之, 即係怨氣大!

的確, 我前排儲落一堆長文, 只差在未按下那個 "發怖"的按鈕,
或許是唔出得街;
或許是我不想再 cynical...

保衛戰隊之出動喇! 朋友!

2011-11-13T20:20:00.001+08:00

又一套有力成為 cult 片, 但最終成為膠片的電影......

- 好多人入場之前已經儲定口水諗住唾罵黃精甫,

但持平一點, 今次最出事的並不在導演, 而在劇本.

(不過黃精甫好似兼做編劇......=.=)

- 如果你話 juno / 大寶冇份投資, 真係殺左我都唔信!

戲內的 juno 猶如北野武上身, 不停俾 close up 自己,

但又唔諗下自己副尊容......

(okok, 我自己都好樣衰, 但我冇逼你俾錢入睇睇我 close up丫嘛, 係咪?!~)

- 劇本本身已經係災難級數, 全部角色都係同一種口吻, 性格又如紙板般平面,

演員吃力而不討好 (唯一表現比較好只係夏文汐), 角色轉變更完全冇說服力...

- 搵人重新畫過宇宙大帝 CG 係窩心的;

但用咁多錢去砌 CG 而忽略其他部份就令人痛心...

- 溫超, 你都係返番內地啦, 香港而家已經唔多 buy周星馳架喇...

你仲要扮九十年代既周星馳...

the human centipede II

2011-11-11T15:01:00.001+08:00

就算有幾多人話佢低俗核突, 無可否認,

human centipede 坐擁一條極具可展性的橋段,

可惜, 來到第二集, 已經冇上一集悶出個鳥來,

但 execution 依然係差,

導演剩係識得將一個 point 無限伸延,

叫一下就叫驚嚇, 但不停響度 non-stop 鳩叫其實只係令人覺得煩厭,

(同樣道理其實可以用於床上~)

而吸取上一集教訓, 今集加插大量血腥鏡頭,

可惜導演一到血腥就剩係識長時間 close up, 慌死你唔嘔.

但就毫無意慾去諗下點樣將個鏡頭拍得好d......

只見官能, 卻不見刺激

明明係爛片, 就唔好走來扮cult片!!

雜絮 - 近期電影

2011-10-31T12:54:00.000+08:00

- crazy stupid love (滾攪了愛情)

呢期個個都爭住去睇"那些年",

大概已經冇乜人理會呢套.

但其實, 撇除個老套結局, 整體黎講係唔錯的.

對白到肉, 人物突出.

但最突出都要數 Ryan Gosling,

究竟佢係點樣將自己塞入去件slimcut裡面而不失霸氣呢??

- Drive (極速罪駕)

(對~ 又係Ryan Gosling~ 唔怕話埋你知, 我仲睇緊Blue Valentine, 但不在此談)

勇奪康城影展最佳導演之作...

好一套四不像電影!!

愛情片唔似愛情片;

飛車片唔似飛車片;

就連 cult片都唔似 cult 片...

成套戲都好詭異,

康城果然係瀨野指標~

- 那些年, 我們一起追的女孩

利益申報:

我, 其實係一本九把刀都冇睇過的~

所以我唔知, 亦唔理佢同原著有幾大出入.

剩係睇佢拍得好唔好.

老老柒柒, 第一次做導演黎講, 確係拍得唔錯的說.

節奏掌握好, 頭半段很用心拍, 鏡頭擺位度到足,

不過中段(大專時代) 唔知係冇錢定冇力,

非常行貨.

而結局的一個 shot 又確係神來之筆,

成個精神頓時又俾佢拉番番黎~

- 庸才 (Himizu)

我只係古谷實粉絲, 但唔係園子溫粉絲,

可惜呢一套, 著實係兩邊粉絲都滿足唔到......

頗為失望的一套.

順帶一提, 園子溫前作 "coldfish" 中的大部份演員,

亦都會響呢套戲出現,

包括果個變態大叔~ !!

- 萬有引力

由四個獨立故事組成的內地愛情片,

陣容龐大 (仲有張靜初行性感哩!!)

故事不俗, 而且竟然唔老套!~
雖然有仲有好多地方需要改善, 但睇得出係用過心拍的.

不過香港上畫機會極微...

- 奪命金

(劇透含少少)

非常黑色的一套, 但只得黑色, 沒有幽默,

引致坊間大多劣評.

而又如果你從來未試過去銀行俾人sell基金,

確係好難感受到頭半小時果種荒謬感,

sell你果個 (何韻詩) 扮係幫你;

聽果個 (蘇杏璇) 又扮聽得明.

成個過程好似好專業, 但其實大家都係胡胡混混過去...

而之後導演將"陰陽燭"同"路紙"擺埋一齊又係一絕.

(ok, 唔知呢兩樣野係乜的話可以skip~ 唔知好過知)

冇錯, 好多人好鐘意由上一舖結果去推敲下一舖既走勢,

呢個係犯左邏輯上既錯誤.

奈何好多股民/賭客每一日繼續犯同樣既錯誤......

j4jerk 解密系列 3 - Project X

2011-10-27T01:33:00.000+08:00

一切, 該由呢部機說起,

話說某日, 跟友人談起自己的無聊計劃,

友人二話不說就杖義借出攝錄機以供拍攝之用,

但後來, 因為種種原因, 計劃無奈要暫時擱置.

結果, 呢部機, 一擺, 就擺左三年...

到而家仲要壞埋 (!!)......

siumak, 我對妳唔住!!~

然後, 又到另一個某日, 另一個友人重新提起計劃之事,

原來大家都仲未放棄呢一個夢.

就像九把刀說: "說出來會被人嘲笑的夢想, 才有實踐的價值",

大家都覺得橫死掂死都好應該試一次,

就咁, 經過幾次搓商, 計劃大概有了雛型.

但若計劃要得以實踐. 我們就需面對場地問題...

三年前計劃過的火炭工業區及石峽尾藝術村都要重新考慮.

正當我們數手指 R 爆頭之時,

又有另一個友人出現 (!!),

問我地有冇興趣借用佢一個空置既地方!

對, 是借! 不是租!!

怎會沒興趣?!

就咁, 我地連爬帶跑的, 就霸佔了這個異次元空間,

在每日臨訓之前去發多一個夢~

由於資金緊拙, 冇乜錢添置新野,

大家都要出動私伙,

而呢個係其中一個:

就像"92黑玫瑰對黑玫瑰"中的黃韻詩,

雪櫃要貼"雪櫃", 電視要貼"電視",

很痴根? 我知~

我專惹埋d痴線男女的, 我知!!~

而呢個係其中另一個:

由琵琶膏到維他命丸到波鞋到成箱撈麵 (!!) 都有.

長年抗戰耶~!

一個故事 - 來電

2011-10-13T00:33:00.000+08:00

電話響起, 正在地鐵內忙著跟眾多對敵意乳房對望的他, 打算不接,
因為在下班時段找他的, 大多只是酒肉朋友, 不接也罷. (另一可能是蒙老闆呼召, 更不會接)
過了良久, 電話仍是不斷的響, 他不耐煩的唯有按下接聽鍵去聽這個沒有 caller ID 的來電:

"喂...邊個?!"
"喂~ 係我呀"
"咦? 你響香港咩?"
"唔係呀, 我仲響意大利~...... 你之前話過好想要果件波衫呢, 我幫你搵到喇! 我幫你買左件5號"
"咁有冇6號呀?"
"哦~ 咁我入去幫你再買過!"
"下?! 咁件5號點算呀?"
"哦~ 我俾第二個人咪得囉~ 好啦, 唔講住喇, 我入番去先."

而其實, 他倆在提及, 那件就像芥蘭般買完再買的球衣,
是. 好. 很. 貴. 的!!!

(謹在此向我的好友致歉, 我實在唔應該叫你再入去買, 因為你的一番心意已足夠令我流淚~)

波瀾北京 - 雜絮篇

2011-10-10T00:24:00.000+08:00

- 講北京, 就不得不提佢個電訊網絡,

從前有綠壩, 現在有雨人軟件,

基本上, 好多廣東地區都去到的網站, 北京係一個都上唔到的!!

實例之一: 某夜好辛苦先上到一個香港的討論網站以解思鄉之苦,

當中提及scarlet johannson有自拍流出,

咁我呢d cheap 精好自然第一時間就 click 入去先睹為快,

但我點 click 都上唔到, 然後求救於偉大的 google,

先醒起 google 在中國是如何的卑微,

再求救於 yahoo, 就永遠只可以睇到 front page, 內容就點click都冇反應...

知唔知我果晚有幾難過?!?!

- 北京首都機場

論環境其實屬國際水準以上,

但其股價卻就連海南機場都不如......

坑爹呀!

(好明顯, 我是股東之一...)

- luggage claim 竟然係排好晒手推車等你拎行李,

這裡真的是中國嗎?~

- 我本身係有飛機恐懼症,

而每次見到座位上有呢樣野就會驚多兩錢重......

你知唔知飛機實行禁煙多少年了??!

- 在北京, 除了網站, 另一樣很難找的, 叫薄荷煙.

去便利店不就成嗎?

就是不成~! 因為北京"些粉"竟然係冇煙賣的!

就算係去果d友誼商店式小煙檔, 佢地都要翻箱倒籠先搵到一包半包賣俾你.

仲要係不明來歷,

就例如呢包"520".

何解叫"520"呢?........

請看下圖

- 問你死未?!

波瀾北京 - 古蹟篇

2011-10-03T13:13:00.000+08:00

故宮A

故宮B (好難得搵到個位係冇人的...)

故宮C

其實故宮裡頭好多旮旯都會見到此類長方型小浮雕,

瑟縮在一角.

而看無線電視劇長大的我認定這是一個個機關暗掣...

王府井大街

佢都有 Logo,

廟街幾時整番個?

天安門A

點解張如城可以響度拍MV,

而我地訓下地就俾人監視?

天安門B

一個好強勁的LCD芒,

但又唔俾集會, 又唔俾商業活動,

可以用來播乜...?

水立方

神奇的地方,

係估唔到佢三年之內可以變得咁殘!

廢墟一樣!!

鳥巢門外

燈柱一條

四合院某處

長城

同場加映香港古蹟

而我不知道香港原來仲有呢舊野!!

亞洲電影節 2011 概覽

2011-09-29T01:37:00.001+08:00

勢估唔到, 今年亞洲電影節,

竟然比早前的國際電影節更多筍野......

而更加抵死的是, 今次百老匯採取暗盤賣飛,

剩係vip會員同埋某信用卡用戶會收到 email,

提示佢地呢幾日憑證優先買飛.

公開發售的話就要等到10月3號.

- Himizu 庸才 (日本)

古谷實 x 園子溫, 一個低能一個變態,

由同名漫畫改篇.

賣點1: 古谷實漫畫首次出現銀幕!

賣點2: 導演園子溫首次唔玩變態......(聽住先啦!!)

- 指甲刀人魔 (香港)

改篇自彭浩翔早年的短篇小說,

最勁係搵到周迅飾演人魔!~

不過此片其實前排作過網上公映,

有心的話, 上網可能搵到"開心版"...

- Karate-Robo Zaborgar 鐵甲萬能俠 (日本)

呢個唔係大家由細聽到大果個鐵甲萬能俠,

不過都係果味野: 怪獸大戰機械人.

但值得注意的是, 導演係井口昇......

前作係cult到爆的robogeisha (藝妓機械人!),

冇錯, 就係古裝藝妓彈彈下琴會變坦克車果齣~~

簡直笑到收唔到聲~!

- Late Autumn 晚秋 (韓國)

韓國文藝片, 但今次應該唔會有血癌,

因為女主角係中國的湯唯~

比"one day"更加"one day",

講一個將要返入監倉既女釋囚遇上神秘型男,

發展一段一日過的愛情故事.

- The King of Pigs 一輩子豬囉 (韓國)

極黑暗的一套動畫,

如果有機會上正場, 應該係三級類別.

不過trailer極好睇~

- Invasion of Alien Bikini 穿比堅尼的外星人 (韓國)

辣妹侵略地球, 目標係男主角的精子......

老實講, 我曾經睇過某套日本漫畫, 橋段近乎一樣,

而果d外星人仲連比堅尼都唔著......(!)

但無損其欣賞指數,

因為個女主角幾靚的~

至於其他電影資料,
可以去 http://www.hkaff.asia/ 睇睇~~

"iphone 5" 設計圖流出?

2011-09-24T02:33:00.000+08:00

近日foxy開始流出據聞是比較可靠的 "iphone 5" 設計圖文件,

從圖紙中可見, 設計沒有太大分別,

主按鍵位依然為方便有選擇困難症用家而得一粒,

同埋底部又再薄少少...

- 而從另一幅圖就見到比較大既改進,

摒棄極膠的白色而回歸金屬;

開關位更歸一式移到右邊;

螢幕變相加大了...

但呢批流出相最大驚喜的, 卻又來自另一幅圖:

文件內沒有任何註解,

但看來是跟香港旗鑑店有密切關係的一款......

會跟 tee 附送嗎??

one day 情約一天

2011-09-19T13:58:00.000+08:00

warning: 本文含劇透含到落袋底, 未入場的話請迴避;

若果你已經入左場而又好喜歡套戲, 亦都請自行擰歪面,

因為我將會講d你唔會喜歡既說話:

我實在唔知呢套戲有乜咁好睇...

好感動咩? 但我隨手可以數到十套比呢齣更令人感動的電影...

「你識乜丫! 呢D叫細水長流呀!!」

冇錯, 細水確係有, 但我就真係唔見佢流喎! 死水黎既!!!

無論對白抑或意識形態都帶唔出佢倆個有幾愛對方,

單憑一句 "i love you so much, but i don't like you" 就當係交待左女主角咁多年有幾深愛男主角???

喂...真係唔該喎...

你倆個就一年見一次可以慢慢傾, 但我睇個半鐘架咋!

你年年都講d唔講d, 樣樣都斷開又唔打算交待, 約略hea過就算, 叫我點睇呀?!

定係其實我要一年睇一次先感受到箇中浪漫??
要睇得投入, 真係要自行加上若干想像力先成事...

而呀導演既講故仔手法就更加老套,

兩個主角一年見一次, 佢就真係夠膽死順住 88, 89, 90, 91... 咁樣順住落去拍.

其實, 既然你本身都拍到折子戲咁樣, 點解唔試下88, 91, 90, 93, 94...跳住咁去拍呢?

唔聽我講唔緊要~ 但最慘就係而家順住拍都唔見得順果下慘丫嘛!

「結尾咪跳番去果頭果段囉!!」

係... 結尾丫嘛! 結尾果陣我已經悶撚死左啦!!

佢每一段折子戲, 都會彈個日期出黎, 講真, 真係好鬼低手...

你大可選擇利用搣日曆 / 睇電視 / 收音機廣播諸如此類等小動作去表達日期.

就咁彈d字出黎, 係最悶亦都係最懶既表達手法...

(講開又講, '彈字'呢樣野都唔一定悶得晒,

守屋健太郎早幾年拍的 "school daze" 玩彈字是玩得不錯的!~)

我到散場先知, 導演原來就係之前拍 "an education" 果位 lone scherfig...

屌~ 唔怪得啦~

呢條友係應該番去拍古裝片的!

返去磨墨啦妳!!

波瀾北京 - 798 藝術區篇

2011-09-18T04:06:00.000+08:00

是日對話

2011-09-09T00:36:00.001+08:00

我一面揭雜誌,

一面對著近期幾乎所有潮流雜誌都有報導的MUGLER及其代言人zombie boy而驚嘆:

"嘩~ 如果我有勇氣紋身紋到好似佢咁都幾係野...但佢出入境咪好麻煩?~"

對面的那位瞄一瞄本雜誌社, 沒好氣的接著說:

"其實你唔駛紋都已經有佢呢個效果...... 而你出入境一向都已經好麻煩! 你自己應該好清楚!!"

"我戴左眼鏡善良左好多架喇喎..." 我反駁著.

"其實我係想話你邪到反晒骨~"

eurobasket 2011 歐洲錦標賽焦點球員

2011-09-08T13:42:00.005+08:00

jonas valanciunas (立陶宛)

當今歐洲籃壇最受注目的年青球員之一,

身高手長跑得快,

不過如果增肥廿磅就更加好~

serge ibaka (西班牙)

冇錯~ 原藉剛果既佢失驚無神入藉西班牙,

只係幾個月前既事.

而更加失驚無神的是, 佢平時打 nba 唔需要參與進攻,

但來到西班牙竟然不停進攻!

emir preldzic (土耳其)

土耳其真係專出騎呢鬼,

呢條友就專係射埋d騎呢波.

與其話射, 倒不如話佢是亂掉,

但正當你想恥笑佢果陣,

個波就會"chop"一聲入左...

好神奇...

nicolas batum (法國)

如果mickel pietrus係"法國佐敦",

咁佢就係"法國柏賓".

能攻擅守, 全能都無人有!

睇咁多場, 暫時未有人可以成功收佢皮~

nick calathes (希臘)

美國長大的希臘後裔,

college年代效力 florida,

帶點jason williams影子,

但更加穩健.

不過外圍能力有待改進.

馬其頓......全隊!!

今屆的 cinderella, 賽前基本上係無人理會的二流球隊.

佢地效法早幾年的俄羅斯, 引入美藉控衛 (圖中7號果個 bo mccalabb),

一個黑人帶起成隊歐洲懶鬼~

縱使佢地一個星級球員都冇, 但觀賞價值極高,

睇下佢地今屆可以走到幾遠~

Sims 回憶

2011-08-30T14:26:00.005+08:00

(網路圖片)

近排 facebook 又興番玩 sims,

日日都收到好幾個 request 叫我玩埋一份,

但, 當你知道我的過去, 就應該唔會再想同我玩 sims...

第一次接觸sims, 已經唔記得係第幾代,

大約係第二/第三代咁上下,

剛剛 install 果陣都覺得幾好玩, 但玩左一兩粒鐘之後,

就開始覺得煩過西,

每一件事都急住要決定, 仲忙過番工...

跟住, 我就開始對成日行來行去既鄰居產生怨恨,

就開始諗: "丫... 不如殺死佢地咯..."

殺人方法大致係分幾種,

首先係要善用"pause"呢個 function,

所有計劃都由此起,

例如要邀請鄰居入房, "pause",

跟住拆左度門, 咁就好似金田一咁實現"密室殺人事件".

鄰居會不停響間房跑來跑去搵出口, 漸漸開始捱餓捱眼訓, 到之後仲會失禁,

如此這般, 佢就會死響房裡面!

好玩嘛? 唔夠好玩!

可以再玩大d,

同樣玩法, 可以叫鄰居去游水, 然後拆走條梯, 逼佢廿四小時 non-stop 咁游,

游到咁上下佢就會自然反肚~

再唔係就直頸響睡房張床隔離裝個煮食爐, 然後不停叫佢煮食,

煮多幾餐張床就會著火,

咁, 你又見到佢活活燒死咯~

睇落好變態, 但響所有geeks心目中,

呢個只係一個 debug 過程,

唔試到隻game咁盡, 下一集又邊有進步空間呢?~

不過, 魔高一尺道高一丈,

你以為殺死鄰居就可以一勞永逸,

點知, 遊戲都早已計算......

其實鄰居死左之後係會變鬼的!!

(呢個好多人都唔知)

只要鄰居係死響你屋企的話, 就會自動葬響你個後花園,

儲番三五條死屍之後,

半夜你屋企就會開始鬧鬼,

幾個鬼魂通屋走,

唔好彩的話仲會即場將你個角色活活嚇死~

呢次, 就係輪到我被sims殺死了!

一個故事 - 快餐經濟

2011-08-27T16:28:00.003+08:00

在某快餐店內, A 與 B 各自捧著自己那個沒有配套的套餐, 在等位...

A: "好憎果D阿婆冇幫襯但又坐響度霸住個位半日都唔走!!"

B: "有乜問題?"

A: "佢攪到我地冇位坐喎! 你唔係覺得佢地冇錯下嘛?!"

B: "咁個阿婆都只係搵到著數, 你平時都成日搵著數,

咁點解你搵到著數就叫醒, 阿婆搵到著數就要俾你鬧?

況且, 你買野食果陣, 有冇人同你講你包你有位坐?"

A: "但係我有幫襯, 佢冇喎! 應該我有優先權!"

B: "優先唔優先只係你主觀意願, 如果你既立論係正確的話,

咁買三個餐既人係咪又比買一個餐既你有優先權?

其實你可以向快餐店投訴佢地管理不善, 又或唔夠地方俾人坐,

但就唔應該怪一個搵到著數既阿婆......

不過, 當快餐店做到晒你要求, 管理好左, 地方又夠坐果陣,

你手上果個餐仲止唔止賣廿蚊??"

壞品味系列 - really jerk!

2011-08-23T01:03:00.009+08:00

我是知名blogger又一例證!

今次真係做到"與國際接軌"~

無聊蒲下網購網站,

竟然俾我見到件咁既野......

丫......真係估唔到我原來出名得咁緊要,

有fans幫我出tee呀下!!!!!

有興趣可到以下網址購買

http://www.zazzle.com/rated_j_for_jerk_t_shirt-235323573560524541

大家著住響五支旗桿等呀下~

不見不散!

一個 j for jerk 的年代, 果然來臨了!

世界末日還會遠麼?

一個故事 - 旅行的意義

2011-08-22T00:48:00.002+08:00

那年, 跟幾個朋友在台灣,

坐在那間逼狹的度小月, 年少氣盛的我們, 吃著擔擔麵的說著:

"我地點都應該去日本豪一次!"

然後, 在機場我們許下承諾,

"大家聽日開始儲錢喇下, 下年同樣時間我地會去日本呀下!"

一年之後, 原班人馬如願以償,

轟烈的血洗原宿, 又或是慘烈的被原宿幹掉...

不再重要喇,

只記得回港前的一晚我們被大雨圍困在Lawson,

只得坐在門外吃著關東煮打發時間,

零晨的池袋比想像中寧靜, 令我們開始檢討:

"點解我地可以咁有衝勁儲錢?"

"點解我地會咁鍾意於同成班朋友去旅行, 而唔係同成班屋企人??"

"點解我地唔會好衝勁咁儲錢同屋企人去旅行豪一次???"

"咁, 不如試下咯......" 某人將最後一件發水魚旦嚥下並說著.

忍者亂太郎真人版

2011-08-17T14:19:00.002+08:00

- 導演係拍開cult片的三池祟史,

前作就將家喻戶曉的"小雙俠"玩到變cult片,

點知今次, 出奇地正常!!

- 雖則話正常, 但cult味仍在,

剩係睇下上圖右手邊果堆配角就知,

真人版造型居然係比動畫版更加浮誇!

- 排隊入場果陣, 身後突然有條友問:

"呢度係咪排新丁架?"

我呆左兩秒先知佢問緊乜...

- 想睇"新丁"的話就未免會有點失望,

因為大部份重點係落在亂太郎身上.

- 而戲中的亂太郎係可愛到不得之了!

我被萌到了...~

- 我相信佢地原意係拍3D版本的,

因為有部份鏡頭係明顯為3D而拍,

包括新丁果條鼻涕.

- 笑位其實頗為密集, 雖則有時gag位比較鳩,

但因為動畫版本身就係鳩,

所以反而更加好笑~

- 如果本身唔係fans, 有d位可能會追唔切,

因為戲中不時有大量角色湧現,

一時三刻都分唔清邊個打邊個,

建議入場前可以上去官網睇睇, 又或者上youtube重溫頭兩集打個底~

(劇本係根據頭兩集改編)

- 竹中直人依然係日本電影界的鐵膽,

呢套都唔例外...

- 香港應該會正場,

因為譯左港版字幕.

- 完場之後唔好咁早走,

因為出 rolling 果陣有拍攝花絮同埋deleted scene.

不能錯過~

宵夜速遞 - 微波豬扒

2011-08-13T01:48:00.005+08:00

我一生人做過好多件墮落既事,

而其中一件, 就係學識用微波爐...

其實早在屋企未出現微波爐之前, 我係會落廚撚幾味的,

但而家, 除非真係有個好靚既裸女要求跟我一起炒飯,

如果唔係, 就乜春都掟入微波爐算數把啦~

尋晚, 終於試到呢個:

叮叮豬扒包!!

味波, 其實係波仔飯的另一戰線...

但真係同波仔飯一樣, 落地獄啦去!!

以我多年"入爐"經驗, 麵包類係唔可以叮太耐,

而家個包仲要有餡就更加考功夫,

叮得快, D餡就唔熱; 叮得耐, 個包就會變化石.

所以我好佩服波仔有咁既勇氣去做一D咁難駕馭既食品,

就算佢出名係垃圾, 都引到我買一個番屋企試下.

而成品, 就是這樣:

睇落冇乜問題, 但一咬就知出事...

之前講過, 麵包唔可以叮太耐,

我已經比盒上的大會指定時間提早半分鐘拎出黎,

但上層包皮變左隔夜油炸鬼, 下層包皮直頭變左餅底! 仲硬過jeana個胸呀!

加埋外層制酸劑內屠抗潰瘍素丫笨!!

呢d咁複雜既口感可能有人好欣賞, 但唔係我囉...

都算喇, 餡料才是亮點嘛...應該...(!!)

整你個制!!! 塊豬扒冇味既?!!

你唔係expect我用豉油再醃過先拎去叮下話?!

豬冇豬味你夠膽拎出黎賣?!?!

仲要賣$15?!

其實呢個價錢, 只係吸引到屋企附近冇麥記既家庭...

咁當然, 佢唔係唯一一間推出微波burger的,

前排去泰國就試過呢個:

至少個包夠軟, 餡又夠熱 (不過份量少左d囉~)

最重要, 係人地賣緊....thb$29...即係約$6港幣!

學下人地啦!!

P.S. 冇撚錯~ CP就係以前提過連"微波三文魚頭"都有得賣果個品牌~

無聊從戲票說起

2011-08-11T15:03:00.003+08:00

早前有版友提起金基德, 然後我就順手買埋"阿里郎"呢場...

雖然, 我一向對韓片興趣不大,

但近排睇到冇戲好睇, 好迷失, 就會道聽途說,

試下一d同自己原則上有出入的東東.

情況就如有d人對人生迷失, 就會去求神問卜,

你估真係"教宗識穿我微弱的手指"咩?!

只係你個人失去固有信念,

然後只要求其有個人提供一個alternative既意念俾你,

你就覺得好似見到重見光明一樣,

但路, 其實一直都在.

睡床上的外語電影節

2011-08-08T14:04:00.009+08:00

近來賣懶, 經常在床上攤屍,

但反而睇多左戲...

- soul kitchen (德國)

今期推介! 但只得一間戲院上, 仲應該就黎落畫,

有興趣的話請及早買飛.

平時專拍嚴肅文化差異題材的 fatih akin 第一次拍喜劇,

竟然有板有眼.

笑位唔算密集, 但落點準確,

不時令人會心微笑.

真係做到輕輕鬆鬆粒半鐘呀!

btw, 戲內飾演古感佬的 moritz bleibtreu 真係德國劉青雲黎架喎...

十套德國片, 八套有佢份...

- cold fish (日本)

說來失禮, 久仰園子溫大名,

但睇佢作品都係第一次.

我一直以為自己已經百毒不侵,

但呢套 "cold fish"又不失為減肥良品.

睇完真係食唔落野...

很黃很暴力, 再加埋變態殺手的步步進逼,

雖則結局係意料之內,

但還是令人喘不過氣!~

- 3 idiots (印度)

另一推介! 據聞香港下個月上畫.

故事係講三個電子系學生的友情, 親情, 愛情.

勵志喜劇. 雖則有d位依然娘娘地,

但劇本太整齊流暢,

每當你以為佢散場就會帶一個小高潮俾你.

就算發現犯駁位都唔太介意,

總引到你睇埋落去.

依然保留bollywood特色歌舞及斑斕色彩,

但不落俗套.

有d位仲拍得幾有型!

又係一套可以"帶笑歸去"的電影.

瘋子的世界

2011-08-07T23:31:00.006+08:00

始終都睇唔到結尾, 唔係因為我懶,

只係書中個案太平平無奇,

畢竟, 我曾經親身見識過更可怕的...

要我完全相信書中所有個案都係真實, 有點難,

因為有好多對話明顯經過修飾,

現實, 永遠比文字來得更血肉模糊.

而書中的病患者亦較溫和,

至少, 佢地會求助, 肯睇醫生.

真係嚴重果D, 只會將你害得要你自己去求醫...

冇錯, 係你, 唔係佢...

[期間限定] 消失的地平線

2011-08-04T23:16:00.004+08:00

話說我額頭天生有一個強勁的"美人琢"

(OK...有美人琢的人通常都不美, 我懂的!),

咁早兩日去剪毛, 髮型師就提議將個美人琢鏟走去...

ok~ 冇所謂, 鏟就鏟啦,

但撞鬼佢又鏟得唔夠乾淨,

咁, 我額頭而家就有一個黑色倒三角型髮根... 就好似...........咳咳...

(車~ 響微博咪講過囉...)

冇錯! 但,

blogspot版本, 是有圖有真相的!

(已Deleted, 多謝收看)

執書行頭...

2011-07-26T21:00:00.004+08:00

邊個話去書展一定係買新書?

新書周圍都有得買, 駛乜急?!

橫豎都睇唔切,

所以每次去書展其實都比較傾向買倉底貨...

- 東野圭吾 X笑小說系列
我懷疑自己有強迫症, 係要儲齊一套先安樂~

BTW, 呢套係簡體版, 加埋晒都只係$60!

- banksy作品集
一直都想買, 又一直都唔捨得買英文版, 因為好貴,

就算係台版亦都唔平.

而家倉底價只需一舊水!!

已經再冇拒絕的理由~

- 我們最幸福北韓人民的真實生活
唯一的半新書, 唔知係印數太少定係題材太冷,

之前行過好多書店都冇貨.

趁書展直接行入城邦個booth, 一問"北韓"佢地就拎成幢出黎,

真係爽YY~

- 作死的發明 (d.i.y. dentistry)
最愛都要數到呢本!

黑色幽默程度拍得住舊作"the book of bunny suicides"

(andy riley其實唔係本本都好睇)

btw, 兔仔系列今年已經出到第四集: "dawn of the bunny suicides",

見到有簡體版的話記得話我知~ thx!

大家來讀報 - 溫洲動車事故

2011-07-25T13:49:00.003+08:00

早兩日溫洲火車出軌意外, 內地處理手法確係慘不忍睹,

但我想講既唔係呢樣,

而係我見到今日網上依然都係要拗, 出事果架係高鐵...

連報紙都講埋一份.

若果你話因為呢次事故而對高鐵系統安全有戒心我都仲理解,

但而家茅頭 (我指對列車果支啦) 係話內地隱瞞出事果架係高鐵,

咁我就覺得好唔公平.

出事果架, 係CRH1, 你話係第一代高鐵...

咁都唔可以話你錯既...

正如香港果架九廣鐵路都係八十年代第一代高鐵...

但我理解既高鐵, 係CRH3, 型號唔同, 規格唔同,

製造商又唔同 (CRH3係同西門子共同生產),

行走路線亦都唔同,

(不過系統同唔同我有保留)

若就咁以CRH1出事去推斷CRH3有問題, 似乎係武斷多過推斷.

而又, 文中提及港深高鐵將會用CRH1應該都係唔正確,

因為一早講左係用CRH3, 車都已經買埋...

咁你話內地會突然插一架CRH1落黎咁我都吹你唔漲既又...

而又又, 既然大家對CRH1有咁多疑問,

其實上一次廣州就清楚好多.

而家每日幾十班來回深圳至廣州果架和諧號,

咪就係CRH1囉...

你, 有冇聽過有人叫果架做高鐵丫?!

夏日國際電影節短覽

2011-07-22T22:50:00.003+08:00

- 那上年我們一起追的女孩 (台灣)

冇錯, 就係九把刀果本書, 亦都係九先生第一次做導演.

極速賣晒飛, 但估計香港會上正場.

- midnight in paris (美國)

woody allen 最新作品, 唔駛撲飛,

因為百x匯九月頭會上~

- the whistleblower (加拿大/德國)

之前聽過下, 據聞好野來的.

不過好heavy.

講波斯尼亞軍方凌辱婦孺的說...

- 忍者亂太郎 (日本)

唔係動畫, 係真人版!!

故事唔駛多講, 不過導演係拍開cult野的三池祟史~

大家來讀報 - 國際視野

2011-07-20T23:33:00.007+08:00

- 西班牙一玩具公司推出一款名為"餵奶寶寶"既小朋友玩具,

好讓小女孩煮完飯仔之後, 仲可以玩餵! 人! 奶!

點解餵人奶會變成一款兒童玩具?!

遲d駛唔駛要個細路扮大肚, 又或者大肚之前行房?!

又, 買呢款玩具既又會係乜野父母?!

你好恨個女快d學習餵人奶?!

咁, 其實唔駛俾錢買囉...媾條仔就可以的了...

- 碧咸生左個女, 取名 harper seven beckham...

harper一字係因為佢老婆好鍾意睇 harper lee,

而 seven 呢...唔駛解啦可?

"柒囉!"

想講既係, 呢件事導致 harper lee 果本陳年"to kill a mockingbird"銷量暴升...

頭先先講有兒童玩具要小朋友模彷成年人動作,

然後而家有成年人又反過來慕嬰兒之名先醒起去閱讀名著...

係咪開始覺得呢個世界係痴撚線呢?!

- 性愛指南app (仲要係3D) 登錄android手機...

叫左你唔好買iphone架啦~~!

年代變遷, 電子化未做得到餵奶,

但性愛指南就難唔到佢.

不過我又想知, 既然係3D, 咁呢個app係咪應該一路開一路做架呢?

咁, 我應該將部電話擺響對方身上, 定係自己身上先為之恰當呢?!

http://www.tudou.com/programs/view/FNp9lg6gudg/

- rupert murdoch 聽証會上遇襲, 鄧文迪奮勇營救!

如果我有個千億身家兼就黎死既老公,

我都會奮不顧身去保護佢,

莫講話兜巴星, 如來神掌我都出呀!

其實, 佢先係最正常果一個!

雜絮

2011-07-17T23:42:00.004+08:00

- 冇到內地一排, 龍華線就長左咁多...

港鐵下半年業績實好啦~!

- 如謎一樣的霸王涼茶,

之前講到係威係勢,

但著實好少見到有地方賣,

就連些粉都唔係間間有售.

說好的中藥衛生巾更加係影都冇.

攪乜?!

- 韓寒的"獨唱團"出左一期之後就被河蟹,

唔緊要, 內地最強有山寨!

雖說山寨, 但抽水絕不手軟,

書名叫做: "無獨有偶" (!!)

食字黎講, 呢個都算給力~

不過心思全花在封面, 內容不過爾爾...

今期書城收穫.

夠捱到書展喇卦...

不過行到腳軟都搵唔到"毒笑小說"...

點唱時間

2011-07-13T09:35:00.001+08:00

無力

2011-07-11T13:35:00.000+08:00

我知, 這是抑鬱先兆.

對任何活動都興趣缺缺,

明明努力嘗試去過一些新生活,

但過了一會, 又自自然然的走回舊路徑,

再附送一副臭臉.

所以, 俾人話招積/臭串/樣衰, 是自找, 是抵死的.

打球亦開始沒有樂趣可言,

以往的死纏爛打已不再復見,

換來的是: "你想要波呀? 俾你囉~"

可惜這句不是對隊友, 而是對對手說...

遇上街上有人找碴更難過得要死,

以往多多少少總抬槓一番,

而家已經無力去辯駁,

得得得, 所有事都係我錯! 滿意未?

大娛樂家

2011-07-08T12:05:00.001+08:00

近期的兩個 so called 演藝世家都發生情變,

我冇乜興趣,

亦冇意探討佢地邊個講真話邊個講假話,

總之chok皇離婚我冇贍養費; ck妹個肚唔係我既就是了~

想講的是, 兩個家庭面對傳媒的做法.

眼見呢幾日頂爺爆晒珠咁屌人如何負心, 個仔有幾慘,

真係聞者心酸.

但我唔係為左佢個仔頂帽有幾翠綠而心酸,

而係個仔都成30歲人, 仲要老豆出面對傳媒發炮,

醜唔醜呀?!

你係咁唔忿氣的話點解唔自己開聲?!

又若果你認為低調先合乎你個性的話, 就唔該叫你老豆收聲.

拍拖離離合合都係兩個 (ok, 有時係三個, 甚至四個)人既事,

但點排都應該唔關你老豆事(就算你老豆有幾出名).

所以有時, 俾人睇唔起都唔係冇原因的...

相反, 謝老四處理手法就高明得多.

一句: "係我錯, 我生個咁壞既仔出黎", 清脆俐落,

記者返去又有功課交; 謝老四又保護到自己唔駛爆料俾你地聽,

最緊要, 係冇位俾人入丫嘛!~

傳媒係應該咁樣玩的~!

是日對話

2011-07-06T17:02:00.000+08:00

臨近開會時間,

工友們魚貫進入會議室.

工友甲正忙著將 iphone 滅聲,

好讓稍後玩 tiny tower 時不會被發現;

而身後的工友乙, 早知會議室如停屍間,

特地披上多一件工衣禦寒,

並隨即將拉鍊拉上.

'嗦~'的一聲, 倏地喚醒正在埋首於四吋屏幕的工友甲.

「咦? 乜原來你響我後面架?!」

「點呢~ 突然聽到身後有拉鍊聲係咪好驚呢~~」

工友乙翹起唇角的說著.

google+ 的二三事

2011-07-06T11:07:00.003+08:00

至現時為止, 網絡上各位都對google+讚不絕口...除了我!
當你本身持有兩個或以上的gmail account果陣,
你就會發現惡夢的開端, 原來就是"雲端"!!

- 首先, 你會發現, 任何人都可以add我,不論我願唔願意,
就算add左之後可以封鎖, 但人地都依然可以睇到我個訊息流...

- 而又其實, 我係使用真名玩呢個google+,
但大家其實又有辦法睇到我以另一個名登記的相簿...

- 至於另一個私隱問題, 我已反映左俾google 知道,
不過佢冇覆過我...

- 官方話 google+ 有android app支援,
但我響market完全搵唔到...

- 最後我係響內地網站搵到個app,
介面醜樣得令我以為係山寨貨...

- 而又, wap版其實比app版還要靚少少...

certified copy

2011-07-04T13:33:00.003+08:00

1995年, 有一套似係好有劇情實則又冇乜劇情的叫"before sunrise"電影突然爆出,
大家都係半信半疑;
直到2004, 原班人馬斬多幾兩拍成"before sunset",
令好多人相信呢類邊行邊走不停噴口水到日落的電影原來係有市場的.
而且成本低, 演員來來去去果幾個, 又唔駛搭景, 行到邊拍到邊;
又易控制, 好彩的話三日都拍得完.
是以造就近幾年不停有導演爭相仿效,
由"en la cama"到"room in rome"甚至
剛剛香港上畫的"certified copy"都係行呢條橋,
但, 係咪真係咁易拍, 套套都好睇呢?

漂亮的主角is a must,
講真, 如果你食飯果陣遇著個樣衰的響你面前不停講說話,
你都食唔落飯啦~
呢一點以上幾套都做得到.

場景最好要夠cozy,
而 "en la cama" 同埋 "room in rome" 都係響酒店房拍晒成齣戲...
em...咁有人覺得酒店房好cozy既又真係..

最最重要的, 是對白.
以對白推進劇情, 好似好易, 其實好難,
仲要成套戲都靠對白帶動的話, 稍一不慎就會跌到唔知去邊.
變成互相指指點點對罵.
對主角自己冇幫助, 對觀眾就更加冇得著.
而"certified copy"就係咁,
吵下鬧下就散場.

本身已經生活於loop完又loop的爭吵當中,
而家入戲院都仲要睇你地放題式對罵,
俾我靜下得唔撚得?!

都是google goggles惹的禍

2011-06-25T00:28:00.004+08:00

近排成日掛住玩google goggles,

行到邊scan到邊, 乜都 scan 一餐...

[註解] what 7 is google goggles?

簡單黎講, 佢只係一個 search engine,

如果你認為voice search已經好神奇,

咁google goggles就直達痴根級數.

因為佢係以影像去搵影像!

例如你去超市, 見到有包薯片好似好好食,

但你又唔知個品牌係乜頭乜路, 信唔信得過,

咁你就可以拎部電話出黎, 對住包薯片"咔察",

咁google goggles就會幫你搵晒呢包薯片所有相關的資料及影像.

(ok, 我知你而家諗緊乜, 可惜佢暫時只認到死物, 未認到周秀娜!)

有興趣可到market下載:

https://market.android.com/details?id=com.google.android.apps.unveil&feature=search_result

p.s. 若果閣下好不幸是唉瘋撚, 唔緊要, google goggles係有提供ios版的,

只要對住個電話大叫 "google萬能, iphone sucks!!"之後就可到appstore下載,

免費的~~! [/註解]

連坐地鐵都拎本雜誌出來不停scan,

試下個佢有乜野係認唔到,

試著試著, 閃光燈突然意外閃亮!

而我前面又正正企著一個短裙的OL......!

"oh shi.........."我像是對那個短裙屁股說話,

再緩緩抬起我的頭來, 希望可以俾大家望到我無辜的表情...

ok, 其實我只係想講, 我冇俾人拉, 藍田色魔唔係我,

抱歉令大家失望了!

求救系統

2011-06-21T13:49:00.002+08:00

請問有冇人可以教到我點樣將微博embed響個blog度呢?

而又, 雖則我早已embed了 twitter,

但其實我係唔會玩 twitter 的...

p.s. 給所有匿名人仕:

我明白你地好怕俾人知道你地同痴線佬講野,

但我其實係有email的

j4jerk@gmail.com

一切資料絕對保密

雜絮

2011-06-07T23:43:00.008+08:00

- 我明白cold call都係要搵食,

但銷售技術可唔可以高d呢?

某電訊公司早兩日sell我用電話睇nba (咁同開名有乜分別?!)...

"先生, 而家可以以月費$78, 就可以用手電睇到即時nba頻道,

而家首兩個禮拜仲可以免月費, 你知啦, 而家打緊finals..."

"你都知而家打緊finals哩?! (**註finals頂盡打到今個月15號...),

咁我俾左錢之後你叫我睇乜好呢??"

"哦, 咁頻道仲有其他重溫同埋精華俾你睇架..."

"咁我點解唔上youtube睇呢??"

------------------------------------------------------

- 壞品味系列:

估唔到而家呢個年代仲有啪鈕褲賣!

仲要係黃色!!!

傻西必買~

某日行過街見到呢件野...

天地為證, 如果呢件野賣得, 我切!

- 天呀! n年前提過的山寨玩具大圖鑑終於出左中文版!!

除左玩具, 裡面對玩具的分析及走勢都好好睇~

------------------------------------------------------

- 而家逢星期五都變左做電影欣賞會,

只因我張 vip card 續左期~

animal kingdom

講一個青年人投靠祖母,

點知佢地成家原來係犯罪集團...

戲軌不俗, 但拍出黎偏向似鏗鏘集,

麻麻...

不再讓你孤單

請原諒劉偉強, 我都明白劇情扭曲得令人失笑,

(所有香港人都係壞人, 所有內地人都係好人...仲會話公安係廉潔, 不像香港...)

畢竟國情不同.

但成套戲最令人信服的, 是眼淚.

至少我相信每一個主角的眼淚都是真的, 而唔係靠眼藥水.

包括田亮果一滴~

submarine

中文譯做"愛情潛水", 好明顯想食"愛情回水"之勢,

講影像係有幾分相似,

但級數差幾皮,

呢套係似學生畢業作品多d...

------------------------------------------------------

- 同場加映宵夜速遞 (copied from my fb)

life is like a pack of 端午糭, 你永遠唔知雪櫃果一堆糭係邊隻(鹹肉?)打邊隻(豆沙??),
尤其是深宵果陣...... 而家又要去博一舖了......

我到而家都為左呢堆糉而糾結中...

左撇子的煩惱 ver1.2

2011-05-30T21:12:00.006+08:00

- 經常會伸出左手來跟人握手...

- 搭地鐵果陣, 會出現撞閘既情況, 因為嘟錯隔離果度閘.
而當中又以九鐵出事率最高 (欲知原委請自行到九鐵閘口望望)

- "左撇子比較聰明的喲"

我唔覺得呢句係讚美, 甚至有點厭惡.
年中俾呢句野累死好多次.

信我, 我絕對認識過左撇的蠢貨!

極其量, 左撇只是較富創造力.

- 在八十年代既幼稚園, 用左手寫字應該同賴尿一樣屬嚴重罪行.
不然怎會被打手板見家長兼罰佢用右手寫字?!
而家既左撇小朋友幸福好多, 已經唔再見到強逼小朋友用右手.

社會幸好還是進步的.

- 在學習上, 左撇子實在比有讀寫困難的小朋友還要折墮 (至少佢地仲有社工跟進),
每逢要上果D郁手郁腳既課堂, 如美勞, 音樂, 以至體育, 老師們一向只會用慣用的右手作示範,
你想學咩? 就得自行將整套動作翻譯成'左手VERSION'.
學到幾多, 就自求多福了.
社會, 其實又冇乜點進步過...

- 而家明白點解左撇較富創造力啦~?
根本唔係乜野優點, 只屬求生本能而已.

- 買鞋時, 都會先伸出左腳去試鞋, 但sales遞俾你果隻, 通常是右腳...

- 到銀行辦手續要簽名, 你總想大罵為為何條鎖鍊總是那麼短,

諗諗下又無奈要吞番啖氣, 側側身去就番筆...

- 上館子進餐時, 不論中西, 餐具都需要自己由頭執過擺位.

- 吹漲的是, 當你擺完之後, 侍應係會幫你還原...聲稱為"擺.番.好"...

- 更吹漲的是, 有時會遇上過份熱心的侍應, "擺.番.好"不特止,
還會企圖向你講解所謂真正的 table manner...

- 到你擺番好所有餐具之後, 開始有啖安樂茶飯食下,

但係左手面果位仁兄又會開始嫌你撞到佢...

若你喜歡怪人

2011-05-29T20:36:00.006+08:00

年中總會聽到唔少人既願望係:

告別平凡生活.

而我每次聽到呢類說話, 都想衝口而出:

"我同你交換丫笨!"

自童年開始, 我去到每一個環境都太過起眼,

(正確一點的說, 是礙眼!)

無論我既內在抑或外在, 都一定成為大家話題.

然後自然被論斷為一個怪人.

從此, 我特別羨慕果d叫阿強/阿偉既同學,

亦妒忌其他擁有一副"大眾口面"既朋友,

佢地可以同其他相似既人自自然然走埋一堆,

湮沒於人海而不為人察覺,

而我, 永遠都係odd man out裡面果個odd man...

冇人比我更渴望平凡.

但你努力忘記過去, 但過去並不會把你忘記.

求其舉幾個例:

- 某著名blogger E小姐說:

"如果唔識你真人, 剩係睇你個blog, 我一定以為你係有精神病的!"

- 早前跟朋友晚飯, 席間佢送上書一大本,

再附送一句:

"呢本書好0岩你睇, 我一見到就諗到你~"

......而果本書叫做"瘋子的世界"...

- 耐唔耐都會有網友send下email俾我吹吹水,

(係呀~ 呢度有人睇架其實!)

其中一封是咁的:

(原文照錄, 唔關事的內容已變騎兵, 發件者請勿打頭~)

"哈囉Jerk生，

我是你的讀者，呢封email我好想send給你

因為我驚同朋友討論會被人打

XXXX

係咪我有問題呢？

但我唔敢同人講

驚被人話我唔正常

咁我又覺得你可能會明白呢種感覺

所以send比你"

..........................................=.=

而又其實, 我可能暗啞底已經接受左呢種生活...

某: "有冇人話過你唔正常?"

我: "有, 好多~~"

某: "咁你有冇一刻覺得過自己真係唔正常?"

我: "條~~ 你問我都多餘既~ 你問得我, 我實覺得自己正常架.

如果我想為自己做一件事, 但係自己都覺得有問題,

我仲點解要做落去呢? 除非我有精神病架0者~"

某: "你咁肯定自己冇精神病??!!"

雜絮 - 寫在等待電腦修復之時

2011-05-23T23:31:00.004+08:00

- 唔好再問我睇過d乜野所以搞到咁...

(我知錯了)

- 前排老友結婚, 我地訓晒身去攪,

而當中, 小弟係負責統籌兄弟服裝,

幾經辛苦, 先可以襯到一set令大家睇落冇咁似酒樓部長,

畢竟, 唔係每個人著起西裝就會變 adrian brody 的!

呢個故事好似之前講過,

但冇講過的, 是我地當日萬事俱備, 然後遇上一個好鳩的攝影師...

我真係未見過一個攝影師會喝令兄弟, 喝令大忴姐, 甚至喝令親家奶奶的!

而我, 其實早於當日早上已睇唔過眼, 率先跟佢發難.

咁結果係點呢?

我今日收到佢影果d相.....

果然, 所有有我個樣的照片都係甩皮甩骨......

chok晒樣都冇用!

- 近排睇番多少少戲, 不過都係舊片多.

modern family:

第一次睇呢套電視劇, 係響飛機上面,

然後有日發硫屋企有full season, 睇下睇下就睇晒.

劇名好老套, 但劇情溫情得黎有時都幾夠賤.

尤其是戲內果個南美肥仔manny, 以細路黎講佢都可算好戲,

時而細路, 時而老人精, 拿捏得非常準確~

just go with it:

普通adam sandler式愛情片,

kill time 不俗.

但我睇完先知原來第二女主角係brooklyn decker...

唔怪之得咁熟口面...

andy roddick真係有福~

關公大戰外星人:

未睇晒, 但講真,

冇大家講到咁悶喎!

至少故事有晒脈絡 (鳩唔鳩就另外一回事),

cult片黎講都算係咁

我明白應該支持正版,

但呢套我真係忍唔住......

一個故事

2011-05-19T23:09:00.005+08:00

某次飯聚, 席中有新朋友從事占卜工作,
朋友們即時起哄, 好雀躍推我出去試下佢功力,
因為我向來比較神秘, 冇路捉.

就咁，占卜師左計右計,
然後就彈出一句:
“你應該有好多女人架wor!!“

全場頓時鴉雀無聲...
然後各自 dup低頭默默埋首於面前的那碗飯...

壞品味系列: 來~擁抱國貨 - 匹克鞋的開箱文

2011-05-16T22:54:00.007+08:00

(唔好傻, 冇PR會送野俾我的, 我真金白銀自己買架!!)

身為"撼祖國強盛"的一份子,

眼見世界工廠日益強大,

國貨技術應該進步不少.

為此, 唔趁早買對研究一下實在講唔過去...

OK...... 講真其實我係買厭了nike/adidas~!

先睇匹克為shane battier所出的signature shoe:

BATTIER V

盒上印有專屬蝙蝠logo耶~

抽屜式鞋盒, 有誠意呀~

真身, 設計不俗 (雖則都係"疑似" nike 的air pippen 2)

面層膠料薄得黎都幾夠韌,

竟然比nike以前所出果d拉練鞋款優勝 (!!)

鞋舌位

金屬面emboss 大 logo

近睇ok, 遠睇非常麻麻, 唔夠metallic.

圓頭鞋帶夠靈活, 但成日甩鞋帶的...

鞋跟位

成對鞋最大敗筆

醜! 好x醜!

點解唔用番鞋舌既metallic logo呢?!

下面成條bumper咁既野又係唔知想點...

鞋底

中掌位置偷空了, 聰明 (中間紅色位置係空心的)

前掌有個十字坑, 跑果陣應該會舒服d, 但又應該幾易爛.

後掌用上自家製的cushion-3技術,

(即係"疑似"air max啦~) 跳果陣真係有cushion感覺,

仲要冇nike咁硬~

試後感

出乎意料地舒服, 可能係拉鍊款既關係,

成對腳包得好貼,

腳眼位亦加厚左, 冇咁刮腳.

亦減低扭傷機會.

不過透氣度比較低,

縱使拉鍊層下面大部份位置已換成透氣網層.

廣告宣稱耐磨, 則有待考證,

要著多幾次先知~

----------------------------

同場加映另一款為Jason Richardson 所出的 JR1:

造型著通, 但datails位有驚喜

鞋根位

唔講仲以為係nike出品

而JR的凹凸logo亦出奇地cool!

鞋抽位果條帶好搶眼

鞋面用上近年好hit的蛇紋,

鞋舌跟鞋抽一樣的九彩colorway, 低調得來又帶幾分浮誇~

鞋舌仲有Jason Richardson的簡稱及號碼: JRICH23

鞋底亦都係Cushion-3,

不過都係果句, 睇個勢好易爛...~

p.s. 由於匹克牌在香港剩係掛住上市(#1968)而忽略門市,

出去波鞋街係買唔到匹克鞋的,

有興趣者可上內地門市, 又或者去淘下寶寶~

miranda july 有新作!

2011-05-15T22:27:00.002+08:00

冇乜幾多戲我係會睇兩次, 無論係睇碟或入場.

但當年的 me and you and everyone we know,

我居然睇足兩次, 仲要兩次都係入場!

事隔6年, 真正才女 miranda july 終於有新戲上畫,

佢拍既戲未至於係極品,

但artistic得黎又唔算難入口,

總有一種淡然的吸引力, 讓你睇到笑住離場.

不過今次好似heavy好多...

幾個android 必裝 app

2011-05-08T21:25:00.008+08:00

[咳咳...iphone撚請迴避]

- applanet

android最馳名的app之一,

功能係將部份market上的收費apps價錢...... 刪走!~

- app2sd

可以將部份程式的運行程序轉存到sd card,

大大減輕主機的負荷.

- lego minifig collector

well... lego 迷先有興趣.

如果你知最近lego出左好多散裝抽抽人仔包,

咁呢個app就好有用, 因為佢會教你分辨每個密封包裝內藏甚麼人仔.

唔駛再抽餐死~

- history eraser

專門刪除所有搜尋紀錄,

(係, android係不能手動刪除某些紀錄, 例如market上果d. 識得root機另計)

心虛者必備~

- dolphin browser hd

所有android原生browser都係廢的,

用過咁多都係呢個最好用.

- sms backup

好簡單, 佢會直接將機內所有sms轉到閣下之gmail之內.

- camera 360

國貨萬歲! 呢個內地開發的effect app提供多種攝影effects,

多到有排玩,

連"靈異照片"都係effects的一種...

效果不俗.

- astro

唔駛多講, 必裝.

因為冇左佢好多野都做唔到.

最好的一個file manager.

- voice search

配合埋google images一齊使用效果更佳.

只要對住電話大喝一聲 "蒼井~ 胸~~",

就有了蒼井空~!

- advanced task killer

一click就可以剔除多餘的閒置程式.

慳位慳時間.

- picsay

執相程式,

簡單得黎又夠多功能,

直頭係android版的photoshop.

- mobo player

乜春都播到的movie player, 好強大.

連最難搞的rmvb格式都搞得掂.

仲support埋外掛字幕, 真係唔得你死~

折子戲

2011-05-06T22:24:00.002+08:00

第一幕

人物: 西裝人甲, 時裝人乙

地點: 超市

鏡頭由貨架第一排尾部向前zoom,

zoom到中段甲同乙從左邊行出來,

再接住跟住兩人到前方.

乙: "真係唔駛買野上你屋企呀?"

甲 (四圍搵野look):

"唔駛咁客氣啦, 上黎坐下就好囉~ 呀... 尿片響邊排呢... 最近點呀? 呢排成日唔見人, 我個女出世咁耐你都冇見過."

乙: "其實...我呢排 xxxxxx(macguffin)xxxxxxx"

鏡頭close up, 甲擰轉頭望向身後的乙.

甲: "點解咁大件事你唔一早同我講呀?!"

第二幕

人物: 西裝人甲, 時裝人乙, 西裝人妻, 嬰兒

地點: 甲家

鏡頭由透明玻璃餐台底下向上炒,

開頭被所有碗碟遮蓋,

一碟一碟拿走之後,

鏡頭影住三人.

人妻(問甲同乙): "你兩個做乜神不守舍咁呀?"

甲 (指著乙): "佢... 有D事想請教妳..."

乙: "xxxxxx(macguffin)xxxxxxx"

鏡頭由窗外開始 zoom out

鏡頭一轉, close up 人妻抱起嬰兒把玩.

人妻(鬆一口氣): "哦... 我身邊都有朋友係咁~"

乙: "唔係喎, 唔止喎... xxxxxx(macguffin)xxxxxxx"

人妻(驚訝): "下?! 咁你忍耐左幾耐?"

乙: "....大約半年..."

人妻(難以置信) : "下?!!? 原來你忍左半年?! 你呢半年係點捱架?!"

第三幕

人物: 西裝人甲, 時裝人乙

地點: 私家車內

鏡頭影住正在望風景的乙, 然後pan過去zoom正在駕車的甲.

甲: "你記唔記得早兩年我消失左一輪?"

乙: "記得, 你話去讀書丫嘛"

甲: "其實唔係. 真正原因係當時我老婆都 xxxxxx(macguffin)xxxxxxx"

乙 (啞口無言): "......."

甲: "所以佢好明白你而家既情況, 因為當時佢都suffer得好緊要."

乙 (啞口無言): "......."

甲: "所以有時有野真係唔好怕, 要拎出黎講. 你唔講, 你以為得你一個面對緊;

你講出黎, 就可能發覺好多人原來都面對緊類似既問題,

真係you will never walk alone..."

---------------------------------------

難民遊 - 內地篇

2011-05-02T20:32:00.002+08:00

- 呢個一睇就知堅野啦~

簡直係難民飯的極致!

rmb$25 有飯有菜有水有蕉,

仲送埋蘿蔔乾怕你冇野"送"飯 (你都知自己d野難食哩~)

而呢兜野, 係購自廣州會展...

- 晚上太過冇野做, 唯有去超市研究有乜好食,

俾我見到呢個, 一麵兩味!!

以為好特別, 點知只係比平時多包湯粉,

然後叫你用第二層兜兜裝住飲......

把屁到冇人有!!

- 第二晚學精了,

買番d穩陣品牌,

哈蜜瓜味午後紅茶冇wyman講到咁正,

我始終都係覺得紅色樽才是皇道!

青瓜味薯片就真係fresh,

fresh到唔覺係薯片, 似炸青瓜.

- 同場加映秀色可餐 racing queen!!

賣bb車都有racing queen, 問你死未?!

一個故事

2011-05-01T03:06:00.003+08:00

那天, 我在路口呆等綠公仔向我揮手,

突然發覺身後褲袋位出現異動,

下意識倏忽醒過來轉身想來個sidekick,

轉到一半, 停下了.

眼前的不是小偷, 而是一位坐輪椅的婆婆.

那個褲袋, 就是她當時最大活動範圍之中唯一能觸碰到的.

她想要的, 不是錢包, 而是希望有人把她推到地鐵站.

沒有多餘的藉口, 只給我看看給磨損了的數根指頭.

或者, 這已是一個充分的理由.

路程頗遠, 免得大家郁悶, 便開始找話題閒聊:

她問我為何一個人在街上蹓躂?

我告訴她生活正如何失意, 只得一個人尋找轉角有沒有出路;

她跟我說出路伸一伸手, 拉一拉褲袋就會有.

縱然她看到的世界比我矮小, 但一樣找到出路, 分別在乎分憂.

我莞爾.

說著說著, 我開始問及婆婆的最終目的地:

"要過海嗎? 待會讓我找站內職員幫手好不?"

"不用了, 就在出口前停下就是了."

"妳不是要乘搭地鐵麼?"

"不...我是到那裡行乞"

她說得淡然,

但我卻不忍再推下去.

我在幹甚麼?

我正在送她去行乞?!

跟送她去死有甚麼分別?

為了整理混亂的思緒, 我獨自走到便利店,

拿上一盒牛奶, 放下, 又拿上, 再放下.

如果情緒可以跟牛奶一樣隨意放進雪櫃, 多好.

一輪掙扎之後, 我把牛奶放到她手上,

深呼吸來一句:

"來~ 我把妳推到沒有警察驅趕的地方吧"

婆婆隨即把掩蓋雙腿的毛氈卸開,

"不用怕, 傷殘人仕不怕警察的~"

這次真的不忍看下去了...

跟她相比, 我的痛苦算得上甚麼?!

但, 真的要到她那種境況才可以從容面對困難麼??

泰無聊

2011-04-24T22:28:00.009+08:00

- 話說有晚正在siam square諗緊邊度有得食正宗泰菜,

然後見到連續幾間boutique sales姐姐都叫緊同一間外賣,

結果順藤摸瓜就摸左去呢間外賣小舖~

好食過好多名店囉~

- 微博有人見到呢張相話我d每次去旅行都好似走難咁,

好錯!

其實同我去旅行仲慘過走難~

尤其是我每晚都要食宵夜,

每逢半夜總會流連當地便利店睇下有乜野好叮,

呢個肉碎飯色香味都有兼夾飽肚! 仲要只係thb$30!

再加埋香港冇既芬達雜果味汽水~ cool~

- 本人一向極喜愛研究微波爐食品,

發覺叮叮呢方面泰國係比香港走得更前,

肉碎飯只係濕濕絮, 請留意上圖右下角,

佢地連叮叮魚頭都有...

- 今次下榻的酒店,

古古怪怪, 但又幾好住.

- check in 時會有送爆谷俾你,

點解呢?

有戲睇卦...

- 酒店內的一盞燈, 好想拎番屋企...

- 水門街的海南雞飯.

響泰國要叫一個海南雞飯唔難.

但若要叫一個內臟雞飯就有點難度,

呢碟飯真的得來不易~

- 在香港塗鴉要拉要鎖,

但泰國係幾層樓開放任你噴,

而地點仲要係, cultural center!

- 泰國陳綺貞~ 很不錯的.

- 近年好興的art jam,

但呢個model就不太專業,

一見我影相就係咁望過黎...

搞到原本畫緊佢既鬼佬屌晒鬼~

- 宅男撞正懷舊電玩展,

完全冇拒絕的理由~

- 還記得這個嘛?

第一代家用遊戲機"雅達利"!

- 著名電子垃圾"virtual boy" 亦在展覽之列.

- (難民時間又來了)

大街小巷都會見到呢d車仔檔,

遊客通常都不屑幫襯.

但我呢d內臟之友又點會放過呢個機會?!

睇落好核突,

但講新鮮程度, 其實好過旺角果d牛雜好多好多~

壞品味系列 - 3D玉蒲團

2011-04-23T00:23:00.003+08:00

首先, 為乜要入場睇3D玉蒲團?

為3D??

早前外國傳媒已經討論過3D真係爛片溫床~
勢估唔到而家香港都有人參一腳一齊混水摸魚.
講真, 講3D技巧, "玉蒲團"連"鹹濕食人倉"都不如!
來來去去都係剩係識玩淺景深, 悶唔撚悶呀?!
頂盡都係加埋果 D 好似用FLASH整的單點透視飛刀飛子彈...削到呢...
如果想入場睇但唔記得帶3D鏡, 不要緊, 唔駛買,
戴同唔戴, 係冇乜分別的~

為睇女??

呢個網上已經好多人講過, 不贅.
只係想講, 四個女角只係得藍燕比較可觀.
兩位AV女(so99y, 我真係唔知佢地邊個打邊個~)只係負責露,
但樣又唔靚, 動作又浮誇.
雷凱恩就更加唔好提, d戲屎到連中學畫劇班都不如.
okok, 睇鹹片唔應該斟酌演技, 而集中床技係咪?!
好可惜, 床技都唔見得好好多.

btw, 葉山豪你都係番去日本啦, 你點睇都係一名茄哩啡...

為製作??
究竟個導演係咪基架呢?!
我真係好耐冇睇過一套情慾片可以咁不誘人!
毫無美感可言, 動作設計亦都頗為求其.
有乜野節目可以與之相比呢?
有...
discovery channel!

剪接又係另一樣把屁, 好似用movie maker剪既咁,
d場口話跳就跳, 完全唔理觀眾感受.
唔好同我講"過唔到電檢要剪"之類廢話,
一對波要點露先過唔到電檢? 有牙的嗎?!

為笑?

香港有班人好得意, 一聽到粗口就會笑.
如果你屬於當中一份子, 你好應該盡快入場大快朵頤.
呢個年代仲玩"有撚用/冇撚用"gag??? 冇病下話?!

咁成套戲最好笑係邊度呢...?
就係夾硬加插愛情元素落去.
真係笑你戇鳩都唔怕你嬲,
求其響街捉個睇過三級片既麻甩仔問下都知,
響屋企睇三級片遇著談情場面會點做?
"fast forward囉!"

呢個時候應該有死士衝出來話我唔識貨,
"玉蒲團可是一套有深度的愛情巨著呀!"
係囉可...愛情片又會特登去日本搵av女啦可...

蕭生, 呢d大話呃自己都有困難啦~ 仲走黎呃人?!

話說回頭, 無論我點屌都好, 依然會有人心思思想入場,
但若堅持想入場, 請到旺角豪華戲院, 只需$65 (早場仲只係$40)
俾到盡架喇~
信我! 套戲點都唔值$90!!

撳錢撳出癮

2011-04-17T15:04:00.003+08:00

(我而家先講撳錢會唔會遲左D?)

發達好難，六合彩又冇得中。所以每逢遇上不努而獲機會都會成為樂趣。
不能否認撳錢係成功, 大家睇下電視食下薯片撳下remote,
坐係屋企un un 腳然後有錢收,
夠晒互動, 又唔洗擔擔抬抬。

我唔係 now 用戶，但都叫有玩過幾集，基本玩法係要響 101 台答中所有題目就有錢分。
一晚八條，整整一粒鐘維持高度作戰狀態! 講真其實都係辛苦錢。

不過而家唔止apps有"pro版"同"lite版", 原來撳錢都有"lite版",
仲要係100台都有份參與. 只要答岩頭四條問題，就會贏得八達通$10日日賞。
與其話係贏, 倒不如話係送, 因為有玩過都知,
頭四題通常都淺到冇朋友, 唔駛點上網search的~

$10睇落微不足道, 但係山大斬埋有柴,
玩足咁多晚的話都可以有成二百幾蚊.
點都方便過每日去地鐵站排隊排餐死嘟兩蚊!

由於我未裝101台, 八卦上網睇下而家做緊乜野offer, 點知又俾我見到條link:
http://www.u-soccer.com/promotion/now/usoccer.php

$37又確係難免令人心動~

這半年

2011-04-17T02:51:00.002+08:00

呢半年響我身上發生既事, 真係足夠我寫成書/拍一套戲,
起落之大, 亦係以前所未遇過,
更開始令我吃不消.
所以呢度近來都係維持非常有限度服務 (who fucking cares?~)

自問自己都算係一個有計劃的人,
但而家自己都唔係好敢預測黎緊會發生乜野事.

細個讀書有個阿sir好鍾意講一句:
"有問題? 唔緊要~ 因為問題是用來解決的"
呢句似是而非既話其實影響得我好深,
困難人人都有, 有人選擇擰歪面當睇唔到,
有人選擇面對.
而我通常都會選擇後者.

打波果陣, 好多時我都要負責看守比我健碩成倍既對手,
有人會戥我辛苦, 怕我頂唔住, 但我其實樂在其中,
暗啞底係好享受呢種懸殊既衝擊,
第一次俾人撞, 會撞到飛開; 第二次俾人撞, 會跌底;
到第三次俾人撞, 其實已經大概掌握到技巧令自己唔再跌.
我就是這麼長大的.

剛剛看完"我, 看見惡魔" ,
(我明白, 大家都以為我係會搶先入場睇3d玉蒲團,
但講真, 呢套送飛俾我都要考慮一下...)
久久未能釋懷,
雖則劇情多多少少有點犯駁, 但導演層層的折磨確係令觀眾透不過氣.

究竟, 報復係咪真係咁緊要?

兄弟

2011-03-23T10:11:00.001+08:00

- 黎緊又要做兄弟.
其實我ok的.
而又貫徹我地做事作風,
一係就唔玩, 要玩就玩盡d.
今次仲有埋西裝sponsor,
吊帶及 bowtie已買齊,
如果可以著埋短褲就更好.

- 已經唔係第一次, 睇朋友既婚禮片段睇到眼濕濕.
但我次次都係響屋企睇.
因為每次我都係負責做收埋呢d驚喜片段果個...
可以先睹為快.

- 為左迎合當晚造型, 尋晚去左剪新髮型,
但而家我覺得自己好似棒棒堂......

講兩句, 幅射

2011-03-21T09:43:00.002+08:00

多謝黃宜弘, 唔係佢講我都唔知layman係乜野意思,
對核能冇認識唔係問題, 畢竟唔係周街都科學家,
但layman還layman,
請善用google~
the simpsons都有教:
"i'll ask google before i ask the dumb questions"

如果有人仲以為福島核電站會爆炸,
成個亞洲會因為佢而陷家剷,
食鹽食屎又可以防幅射,等等...

請上youtube輸入"切爾諾貝爾"
上面有條片係discovery channel 2005年拍攝,
講述切爾諾貝爾事件的前因後果,
睇完之後, 你就會發覺福島事件其實真係好細單.
仲可以對核能有多一點認識.
好過你睇埋果d濕鳩報紙標題.

畢竟, 當年切爾諾貝爾係差d令成個歐洲滅亡.
生態影響一定有,
但未至於世界未日,
想死? 冇咁易!

本週節目推介

2011-03-15T10:15:00.000+08:00

某日行過街俾呢張單張吸引住...
做乜飲飲下咖啡俾人tackle?!
如果見邊個飲咖啡就走上去tackle應該幾好玩耶~~!
再望真d睇下乜野廣告咁kuso,
5人欖球?! 仲要係淺水灣沙灘?!
香港幾時有d咁好玩既野?!
立即搵幾個肥仔 (香港地, 肥仔好易搵的~!)
一齊上佢個網站報名, 點知又剛剛過左期...

但除左欖球比賽, 原來仲有其他野玩:
欖球遊戲
(拿~ 有得俾我飛身touchdown的話, 我即玩!!)

充氣遊戲區
(拿...touchdown落呢度的話的就唔玩喇...)

抽獎、拍賣、沙灘派對、駐場DJ打碟
(我開始幻想著冬天的比堅尼女郎, 只得腦袋灼熱...)

沙灘排球
(真係有比堅尼女郎!!!)

最最重要的, 是免費入場!!

(七人賽d飛太貴了吧~)

但有冇人可以話到俾我聽...

- 五人賽係點接界外球架呢?

係咪同七人賽一樣將個人抬高抬到飄色咁樣?

咁一跳就到底線囉?

- 會唔會有人裸跑架呢?

響沙灘裸跑點都比草地裸跑來得更名正言順哦~!

雜絮

2011-03-09T13:48:00.005+08:00

- 雖則地點係最乞我憎的博覽館,

雖則座位又衰到冇人有,

但點都好, 都係抵睇.

舞台機關仲多過平時睇舞台劇,

如果我係stage manager真係頭都痕撚埋.

而且仲要唱足兩粒鐘!

冇錯, 演唱會係應該唱歌,

而唔係抽獎玩遊戲與及棟篤笑的.

- 呢排大熱果幾套戲都睇晒,

但真係鍾意的, 只有"讓子彈飛"

更好睇的是內地網民對套戲驗屍一樣的解讀,

簡直嘆為觀止 (當然有d過份解讀係牽強左少少~)

"black swan"令我諗番起"capote",

一樣係主角出色, 但其他地方弱到hihi...

犯駁處處, 跳舞場面連"billy elliot"都不如.

"127 hours" 就同 danny boyle 平時一樣,

(平時係指 millions, 28 days later 果期, 唔係slumdog果期)

鏡頭撚得好, 冇多餘鏡頭, 去講一個普通到喊的故仔.

由於入場前老早知道個結局,

所以去到中段已經坐響度等佢鋸手...

如果唔知結局入場應該會好睇少少.

又, 一個人, 一舊石, 拍足粒半鐘而唔悶,

其實都好難得.

- 是日海報

爛片唔一定有爛海報的~

scream 又來了

- 黎緊最想睇的日本電影應該係呢套:

印尼印象下

2011-03-04T00:02:00.004+08:00

呢個集中講食, 但唔係食評,
我唔識得分佢用乜野料先係正宗, 點先叫夠火喉,
我係"雞有雞味魚有魚味"支持者,
乜野都擺入口的~

- 這是第一晚的宵夜,
剩係見到佢兜沙爹汁已經想食.
(好核突咩?! 挑~ winnie the pooh果兜咪又差唔多樣!)
串燒好細串, 蔡瀾話齋, 咁先好,
舖頭又唔駛燒咁耐, 可以做多幾轉生意,
客人又易入口,
一個人就已經KO一打,
剩番D汁仲可以用來蘸飯卷.
飽到飛天.

- 其中一晚去左當地華人團體的團年晚會,
食晚野同平時去飲的冇乜分別,
但多野睇好多, 唱歌跳舞甚至人妖都有得睇,
爭在未跳火圈.
(據說一圍價錢只需三千零蚊, 而有一半係俾晒呢D表演團)
而由於成晚都係當地華人圍內活動,
所以會見到好多適婚少女都會full gear上陣,
懶係春風拂檻露華濃咁, 四圍走來走去企圖物色番一個華人少男.
好一個相睇聖地~

- 去到印尼都有住家飯食!
而我以前一直以為印尼菜係凍食的,
去到先知, 只係平時香港果d餐廳擺到凍晒...
果桶黃薑飯真係想寄倉拎番香港!

- 印尼式自助餐,
唔係任食, 只係你一入去坐底,
佢就會擺晒所有食物飲品甜品響檯面,
想食邊碟就掂邊碟, 唔食就唔好掂.
但食食下我開始分唔到邊碟掂過邊碟未囉...

埋單之後諗住影下d食物,
番香港叫阿媽試下整,
點知右邊個哥仔異常合作,
chok晒樣俾我慢慢影之餘,
仲叫埋佢同事一齊來做佈景板.
非常之nice~
(同時睇睇佢地手上果d碟, 澳牛果班大帝追都追唔上)
邊個話印尼人好憎華人?!

- 呢個叫ote ote, 唔知中文叫乜,

大約係蠔餅 crossover 鍋貼咁上下.
好.食.到.癲!!

- 可惜番香港之後有一日特登去印尼餐廳覆桌ote ote,
點知由餡料到整法都唔同, 個餡只係薯蓉,
完全唔係果回事...

- 講開食, 又點少得食煙~
當地香煙約$11-12一包, 平香港幾倍,
但味道好獨特.

印尼人嗜甜, 果d土產汽水甜到要開水飲咁滯,
估唔到連煙都係, 每次抽完lam下個咀都有陣甜味,
再望下包煙, 原來焦油含量足足有25mg...
而平時香港買到的"綠luck", 含量只係
8mg...

印尼印象外傳

2011-02-27T23:34:00.003+08:00

話說, 當日出發之前, 知道印尼係用圓腳插蘇的.
咁我去機場之前, 就走左去買萬能插,
買到之後, 就好順理成章的行去巴士站,
見到有架巴士埋站就上, 好正常~
點知, 呢個原來係惡夢既開始...
因為我上果架車, 係E字頭的!!

上車冇耐就發覺唔係好對路,
兜下兜下電話隨即響起來,
問我究竟去左邊,
我望出街, 連我自己都唔知響邊!!

時為14:45, 司機話我知呢度叫東涌,
離機場大約十分鐘路程.
當然, 呢個係一個大話,
而櫃位係三點鐘截check-in...

我企響車頭, 已經開始盤算飛機走左我應該點算好,
一方面就不停打電話叫地勤姐姐等埋我.

我有諗過中途衝落車截的士, 但馬路上鬼影都唔多隻,
唯有信巴士司機.
可惜, 司機信得過, 個車站信唔過.
因為E車個站係停響機場最底層,
換言之我落車仲要跑上去離境大堂...!
當時, 已經超過三點.
我開始絕望.

但絕望還絕望, 都一樣係要跑,
然後我用盡平生追波既氣力跑去櫃位(兼負磅廿多磅),
一衝入去見到遠處某counter三個地勤好焦急咁望住我,
有理冇理我都覺得佢地係等緊我, 衝左埋去先算.

當佢地其中一位問我:"你係咪J生?"
我如釋重負, 幾乎跪響地下哭出來.
因為我知道自己冇去錯counter仲上到機.
點知

佢地用15秒時間幫我搞到張boarding pass之後, 略帶羞澀的送上一句:
"唔好意思, 我諗你要再跑...因為boarding要去xxx (我已經唔記得個名...), 要轉車哦"

屌__! 而家玩amazing race嗎?!

微博小故事 - iphone

2011-02-24T17:36:00.002+08:00

耐唔耐總有人問:

"點解你唔買iphone呀?"

無論你答乜野答案都好, 對方都會搬出一堆似是而非,

so called"好用"既理由出來.

(ok, 其實當中好多功能, 多年前的window mobile已有...)

今日又黎一個, 仲加多句:

"android 既 apps 邊有 iphone 咁勁呀?!"

然後我施施然拎出我部android機,

開著一個app俾佢睇, 佢非常沒趣的走開了~

個app其實係一個一站式 AV app, 仲有得1 click download耶~~

iphone? 慢慢去itune轉format啦!

印尼印象上

2011-02-17T22:42:00.005+08:00

以前一聽見印尼, 總離不開幾個印象
- 排華
- 傭工
- 窮
諗到一樣好D的嘛?
有...
印尼陳冠希囉...-.-

結果今年新年就第一次去呢個充滿負面印象既地方過年:

- 來回都係乘搭嘉魯坦 (正名其實係Garuda Airline嘉魯達), 聽人講好牙煙.

但牙煙的原來係指內陸線, 國際線其實係不俗的.

至少設施新淨. 電視全部touch screen, 睇戲仲可以on demand,

飛機餐又幾好食 (正宗巴東牛肉呢~), 又有特別版lego賣,

最緊要, 係直航丫嘛!

- 其中有幾晚就住響呢度,

但呢度唔係resort, 而係當地一個華人家庭既... 客房~

響印尼, 身為華人通常窮極有限,

仲會請幾個印傭 (冇錯, 係幾個!) 打理屋企.

因為好多屋都係呢d size:

這只是客廳的其中一忽...

就咁睇確係富貴~ 但礙於當地治安麻麻,

佢地間屋出面通常都會起多道牆圍住間屋,

美其名係散熱, 實則係驚俾人爆.

一座座好似堡壘一樣. 就算響房推開窗都只係見到牆,

有錢有時都未必係一件好事...

當地市面又如何呢?

- 第一日訓醒落街就俾我見到呢個肥仔, 好開心,

傳統印尼服飾上陣 (心口星星是一大亮點!),

而佢地人同車, 其實, 都係等過馬路~

- 印尼主要宗教係回教, 周圍都有拜神房俾信眾朝拜,

而呢類回教色彩建築物亦隨處可見,

但細心D睇, 呢間其實係家鄉雞...(!!)

- 當地shopping mall賣既野就同內地差唔多,

但乾淨九倍!

佢地仲興有專車巡迴各商舖~

(冇錯, 除左大笨象之外, 佢地仲有稻中馳名的熊貓車!!

可惜剛剛駛走左影唔到)

更加吹漲的是, 佢地仲有座騎俾你選擇!!!

想像一下, 騎住呢隻野去萬寧買野是多麼的霸~~

- 又幾乎, 每個商場都總會附設遊樂場, 摩天輪已經係指定頂目,

有d係有埋過山車的!

- 其中一日, 去左呢個婆羅摩火山(mount bromo)附近的主題公園.

左手邊好似俾火燒過的其實係酒店, 右邊那個是動物園

(batu secret zoo). 隔離仲有個博物館.

主題係乜? "在森林和原野"卦...

草泥馬耶!!!

j4jerk 解密系列2.2

2011-02-09T23:53:00.007+08:00

previously on j4jerk解密系列2

話說, 兩年前的某日有人打電話來,
提及一單插畫 job,
聽落幾好玩, 我又冇理由推.
但我手畫又慢又收唔到錢,
咁我就打電話俾我個partner, 問佢有冇興趣玩埋一份,
我出意念佢出手.
就係咁, 我就用一餐飯時間講解俾我partner聽,
同時我就響food court畫左上篇果幅手稿俾佢睇.
過兩日, 佢就起好左個草圖...
.
.
.
.
.
.
.
.
.

開始覺得有d面善喇可?
冇錯, 當日打電話俾我果個, 叫Elaine!

講解一下個封面點解係咁先.
首先, "空姐的行李篋"一欄來自網絡,
而網絡的特色是不見樣,
所以我恨心的把面容cut掉, 符合網絡的一貫神秘.
而由於佢大小姐的文筆非常的二級半,
所以曝光的胴體希望juicy少少.
至於個篋, 就係Elaine小姐本身要求的六七十年代風格.
而橫度, 就係因為想書店擺書果陣可以"啞咋"一點, 加埋個黃色底,
遠遠都可以望得到.

希望可以做到唔買都睇下丫~
畢竟, 作者唔係蔡瀾, 點都要做d手腳引人注意既.

點知草稿完成以後, 就得到編輯以下的回覆.
1) 個身體太sexy, 可唔可以俾番件制服佢著?
2) 希望個封面同空姐有更大關連, 可唔可以加隻飛機響上面?
3) 左邊好似太過"空了了", 可唔可以加多d野?

第1點好易搞,
但2同3就有點難為,
因為冇啦啦加隻飛機響隻窗出面係好怪的
而左邊我一直都預留用來上字, 所以應該係"空了了"的~

所以原本只負責提供插畫的我們,
就自己順手畫埋個標題樣本俾佢睇睇.
以啟德機場果d指示牌為藍本.

再上埋字, 求其將個 draft saved 做 jpg 俾佢地睇睇.
如圖

拿~ 既有飛機, 亦不再"空了了"喇~

而由於原畫係手畫的關係, 原本講好我地會再scan 個 tiff file 過佢地,
咁我就搵定output公司scan圖,
再等佢地approve後交圖.

點知等左幾個禮拜都冇回覆, 以為本書胎死腹中之際,
有日行行下書店竟然俾我見到當日send俾編輯果個draft出左街...

早講嘛...其實我仲有個靚d既version的~~

**特別鳴謝我的partner Yui**

j4jerk 解密系列2 - 預告

2011-01-27T23:42:00.003+08:00

(WARNING...小弟私密珍貴手稿曝光...)
.
.
.
.
.
.
.
.
.
.
.
.
.
.
.
.
.
.
.
.

係咪好似小學生?
係, 我既草稿不嬲都係比較意識流的~~
下回再解.

很久不見~

2011-01-25T21:16:00.002+08:00

呢排抱恙, 好耐冇UPDATE.
然後我CLICK下呢排個HIT RATE會唔會跌到負數,
點知仲多過平時有UPDATE果陣......=.=
(其實都只係講緊幾十至百零人~)

一個故事

2011-01-05T20:23:00.004+08:00

小學六年級果一年,
我鍾意左一個女同學,
佢阿媽好早就死左, 老豆要返工,
後母又成日唔知去左邊,
屋企就成日得佢一個人,

咁有次問佢平時一個人響屋企有乜好做,
佢就話會自己同自己捉棋,

"象棋呀? 我識捉呀~"
"唔係呀, 係國際象棋呀..."

就係咁, 我即刻好努力咁去公共圖書館搵"國際象棋入門"自學
(果時仲未興上網),
然後每逢假期就會去佢屋企陪佢捉棋,
渡過好多個愉快而純情的下午~

其實我就係咁樣學識捉國際象棋的...

是日海報

2011-01-04T00:33:00.002+08:00

natalie portman主演的black swan海報
除了有型,
還有勇敢.

何解勇敢?
你試下去勸黃百鳴將"最強喜事"海報變到咁,
你睇佢會俾乜野反應你?!

超短篇小故事

2011-01-02T22:28:00.003+08:00

甲: "拿~ 我結婚果日就預左你地幾個做兄弟. 其餘幾個我唔太擔心,
唯獨有少少擔心你, 我怕你遠."

乙: "咩呀?? 邊關事呀?!......你D姊妹有冇咁勁呀?! 怕我會軟?!"

雜絮

2010-12-31T01:40:00.002+08:00

剩係講今日

- 一起身就睇波, CLIPPERS VS JAZZ,
clippers球員一如以往飛來飛去, 娛樂性極高,
但又繼續唔識羸波...

- 我一落街發現買唔到milk, 就知佢又送d古怪野...
原來係adidas筆記簿...
令我諗起細個puma文具曾經都紅極一時...

- 去買朋友的入伙禮物,
睇中左, 但問過幾間都冇存貨,
但聽日就要送, 咁點好?!
唯有連佢最後果件陳列品都照殺,
即場借條毛巾由頭抹到落尾先入盒.
仲借勢屈到佢俾discount我~ 嘩哈!

- love and other drugs
老土! 句號
(或者女性會覺得感人)
anne hathaway有大量裸露片段,
但早排已經上網睇過晒,
(外國竟然有人剩係盜錄呢幾場露點戲擺上網...)
連唯一亮點都冇埋...差d訓著.
不過部份對白都尚算精警.

微博小故事

2010-12-28T01:26:00.002+08:00

一名男子帶同女友參加前度情人的婚禮,
合照時兩對共四人竟為企位而煩惱...
男子覺得企響新郎隔離比較恰當;
新娘卻又覺得男子應該企響自己隔離好D, 原因係:
"你俾你女友同D靚仔(新郎)影下相啦~"

男子恍然大悟, 曰:
"咁又係呀, 佢好耐都冇見過靚仔架喇...識左我之後."

j4jerk 解密系列1 - 一個J for Jerk的年代

2010-12-19T22:11:00.004+08:00

與其等人爆, 不如自己爆.
當然, 爆左都唔會令我坐監的, 尋仇者可直接skip呢一篇~

首先, 要略略提下"一個 J for Jerk的年代"係點黎,
話說我細個果陣, 學英文係由A for Apple, B for Boy學起,
但而家入學前已經要先裝備好自己,
又要學定琴棋書畫, 又要做portfolio,
(有冇人諗過如果個小朋友咁勁仲點解要番學呢? 樣樣都響屋企學就得啦~)
入到去又發覺 A 已經唔係 for Apple,
變成 A for Astronaut, B for Billionaire,
呢個年代係去到咁恐怖, 返學已經冇樂趣可言.
簡而言之, "一個 J for Jerk的年代" 有個潛台詞, 叫悲劇~

好喇, 去到前排"新蚊"個專欄, 亦都沿用呢個名,
讓悲劇繼續延續, 分別只係由playground講到社會.

原本編輯叫我交張車頭相放上專欄,
我就諗住放一張扮韓寒懶憂鬱的玉照襯番個主題,
但為免浪費"新蚊"紙張包住嘔吐物,
最後都係用另一張cut頭cut尾的殘肢相.

後來編輯先生再叫我加一段文字介紹自己,
其實我係諗唔到點寫, 或者咁講, 係冇乜好寫,
我又唔係乜乜CEO, 又冇拎過十大傑青,
自我介紹得乜?
"生於十九XX年, 於二零幾幾年開始乜都冇做過..."咁樣?!

開始想歪路, 不如改歌詞啦.
就係咁, 我就用左一程車時間作左呢一段...

想平凡 / 怕大鑊 / 閒來無事最愛白撞
洗完頭 / 再直落 / 落銀龍獨對那凍檸樂
我冇街去冇得講 / A片今晚又再睇過
溝過我的得兩個 / 阿媽笑我涸過池塘

對, JACSO BLOG 果邊係打錯字的,
不過係一張jpg過, 我就懶得去改.

至於係改自邊首歌呢, 因為一直都冇人問,
所以應該冇乜人想知, 所以冇講~

綜藝館內的刺蝟

2010-12-15T00:00:00.003+08:00

之前做野都去過青年廣場,

但去佢裡面果個綜藝館都係第一次,

個門口仲要非常隱閉,

現場好多人同我一樣蕩失路,

搵一大輪先發覺別有洞天.

開頭以為開得一場,

既無宣傳又匿埋響細場攪會冇乜人睇,

點知門口大排長龍...

為的是

魏如萱~

先講場地, 比想像的好.

音響不俗, 就算live band果個鼓佬不停鬼上身 (香港果d真係望塵莫及~),

都冇拆聲.

樓底夠高, 舞台亦都夠深,

坐位又夠舒適, 甚至有人行過都唔係好駛縮腳, 冇壽臣咁逼夾.

衰在座位有限, 規模同葵青差唔多.

不過細場有細場的好, 大家都 causal 好多,

(留意一下佢隻左腳去左邊, 有部份時間連右腳都收鬼埋)

得閒又摷下個環保袋拎份 rundown 出來睇

間場時攪下爛gag自己喪笑一輪之後, 又立即唱隻極悲慘的歌.

非常分裂~

而佢為左證明自己係才女, 仲用佢極有限的廣東話唱晒成首"才女" (...)

好耐冇試過覺得一張concert飛是如此買得抵.

感性設計展

2010-12-06T01:14:00.007+08:00

已經唔記得係第幾年去創新科技展,

但今日加埋日本仔一齊玩, 可觀性立即大好多.

剩係講手頭上拎拎埋埋既資料, 我睇到而家都未睇得完~

- 呢個係古惑的櫃,

櫃桶可以隨意向兩邊開出,

非常適合住慣豆腐潤的香港人.

- 睇落一件組件好簡單,

但砌埋就係好睇~!

第一眼睇落會"嘩~", 然後諗真D,

呢張梳化應該用PRO-E畫5分鐘就攪掂囉~

- 之前提過的dyson風扇,

前排成日淘寶, 其中一樣就係淘呢件野....當然係山寨版.

而家內地已經出到第三代 (正版都只係剛剛出第二代),

非常前衛, 但千祁唔好買, 因為第三代質地差左好多, 仲多埋個核突handle...

- 呢盞燈冇乜特別, 純粹鐘意~

- 呢個係鏡頭...

- 會場其中一忽擺左幾十部電視,

每一部都播住一段background music一樣, 但visual完全唔同的錄像,

好似好普通, 但拍埋一齊又幾過癮~

- 呢個深得本人喜愛,

係一個簷蓬.

一塊膠板/紙板"界"幾條坑而摺成.

擋到陽光之餘, 射落地既光仲可以有pattern.

但同時我又為個sales難過,

因為呢件野, 唔怕麻煩的話,

係可以自己去五金舖買料自己"界"的...

- 每年的重頭戲, 就係睇香港發明協會,

每一年都會有"驚"喜!~
今年呢個係第二名:

簡單黎講, 係七個人玩的中國象棋,

複雜黎講......係我睇完好耐都唔知點玩的東東,

遊戲其實唔應該係咁囉!

你仲要求有七個人同時識玩先玩得成...

btw, 今年第一名係:

土製沖水廁板!!

日本仔果個要用電, 本土製呢個就連電都唔駛,

亦都唔駛開新喉, 直接插落花灑個出水位就用得....

咁...

我點解唔直接用花灑呢?

臨老入花市最終實戰篇下

2010-11-30T23:21:00.002+08:00

previously on 臨老入花市...

第5-6日

天氣好差, 又濕又凍, 拍檔們好努力冒雨出去叫賣,
但檔口前面其實近乎冇人行,
我再望望身後一大袋貨,
個心真係涼左一截...

其後見冇乜生意, 原本負責收銀的我行埋出去同大家一齊打水戰,
每人拎起兩隻"虎爪"就當成拳套, 互相追打,
但咁樣自娛竟意外引起行人注視,
"嘩...佢地識得架?! 打得咁認真既?!"
反而咁樣, 我地雨中都做到幾單生意.

正當我諗住呢鑊會同隔離左右攬住一齊死果陣,
大雨竟然響晚上七點幾果陣停左.
而就係呢一下停雨, 將我地個結局完全改寫.
附近居民食完飯見冇雨就湧晒入黎, 亦由於天氣唔太穩定,
好多人捨遠取近, 選擇到就近花市而放棄維園.
一下子個場由冇乜人湧到連行都冇位行.
而我地所賣既星星咕臣直情唔夠賣要即場加價.
虎爪亦都極速幾隻幾對咁sell晒出去 (高峰時期大約一分鍾賣十幾隻)
其實未到凌晨, 我已經大約計到呢次唔駛蝕.

跟住我響呢個黃金時候竟然做左一個冇乜人會做的決定,
大叫: "食宵夜!!"
其實我地應該安份守己, 收檔先食,
但果一刻又確實係興奮,
結果我地就非常唔專業的一路食一路sell埋剩底既貨尾.
(我都不失霸氣的~)
可惜鄰檔大部份都傷亡慘重, 見到我地撩晒牙直頭想衝過打x我地,
咁我地唯有扮下好人, 幫埋隔離檔sell,
例如響A檔買野, 就可以以優惠價買B檔(即係我地)既野...之類.
玩得不亦樂乎.

到最後, 曲終人散, 傳統的交換禮物儀式開始.
每一檔都會拎自己賣剩既野去同其他檔口交換.

部份戰利品~
得番美羊羊, 照殺!

P.S.

呢張相係我上個禮拜響LOGxN果度影,

只係想講, 賣乜野都好, 最緊要係賣先過人~

如果我地而家先賣星星同埋虎爪,

就食得屎了!~

微博小故事之迎接外星人

2010-11-16T00:58:00.003+08:00

(見到微博有微小說比賽, 我又手痕了)
(當然, 如果我想贏, 就會係寫"果D"而唔係寫"呢D"啦~ 飛機文我都好拿手的)

各國元首正在商討如何對付外星人: 法國那個跟意大利那個在討論外星人有沒有胸; 美國那個正盤算著強制外星人發新鈔, 齊來量化寬鬆; 中國那個忙著接太空衣的訂單不可開交; 北韓那個蹺起雙腿, 挖著鼻, 跟部下說: "到灶頭裡拿個核彈出來, 跟天空上的朋友說聲好..."

(其實我幾鍾意呢篇囉~)

3D電影 4D'享受'

2010-11-15T09:45:00.002+08:00

早兩日入場睇呢個Jackass 3D, 入場之前見到有一個

紮孖辮的洋漢同埋猩猩一隻 (人扮的, 當然)響度等入場,
已經feel到唔對路,點知呢兩條友就正正坐響我身後...

一開場孖辮佬就不停響我身後喪笑,

笑唔係問題, 但我唔知點解佢好似用丹田來笑, 果股氣不停響我耳邊擦過,
仲要有味...

而果隻猩猩人呢, 就響某一段(有睇過的就知邊一段) 突然從觀眾席衝出走廊叫陣,
但佢又笨手笨腳, 失足拉落我個位度 (UA果D位可前後移動),成個人俾佢chok一chok.
我即時擰轉頭望住佢, 點知佢又唔敢望過來, 如果唔係我一定兜腳伸佢落AA果一行~
(好可惜, 佢花咁多心思, 但現場反應好冷淡, 膠都廢事俾)

至於套戲好唔好睇呢?

如果平時有睇開的話係OK的,
依然會有幾幕笑爆咀; 依然會有幾幕睇到你想嘔.
如果未睇過的話呢......都係算吧啦,
因為佢真係夠膽死close up一舊3D的屎俾你睇的~

雜絮

2010-11-14T20:56:00.006+08:00

- 盲俠行

有見到我微博的話, 大概就知我尋晚現場直播佢地點樣騷擾我訓覺.

即係, 一班人參與活動興高采烈我都明白,

但點解每一批人總有幾個會無啦啦響度 "woo~~~WOO~~" 鳩叫架呢?!

你知唔知果陣係凌晨呀? 而你又知唔知半夜三就算只係傾偈都係好應聲的?!

你知唔知呢個世界除左盲人需要幫助之外, 唔夠訓的人都好需要幫助架?!

而更加不幸的是, 樓下剛好有幾個臨時廁所...

每隔三分種就有人"砰嘭~"話俾你知佢要去廁所...

- 壞品味系列

攝於鯉魚門...

你整魚整蟹我都明,

但呢個...想點呢?

- 拆蟹

話說收到朋友送來的禮物,

不過剩係拆盒已經玩左我半粒鐘.

而家吸塑好平架咋, 點解仲要五花大綁呢?!

剩係個身已經俾7-8條線綁住...

其實佢係一隻可憐的柯柏文~

是日廣告

2010-11-04T23:59:00.002+08:00

近期adidas重點應該係 derrick rose + dwight howard 的籃球廣告,

結果俾呢個亞洲佬搶晒鏡.

如果有睇開果d二線笑片應該會覺得佢好熟口面.

ken jeong, 韓國裔, 以癲喪浮誇見稱,

有睇"hangover"的話就知佢幾喪,

(youtube仲有其他NG片段, 一個take試幾十次, 次次都可以自爆唔同對白...~)

幾廿歲先開始做演員,

而佢做演員之前, 竟然係一名

醫生!

臨老入花市最終實戰篇上

2010-10-31T22:55:00.005+08:00

previously on 臨老入花市

萬事俱備, 只欠開檔.

一切成敗就在幾日揭盅.

- 第 0 日

由於樣樣都要慳, 先頭部隊要自行於開檔之前做setup.

(有公司每年都會幫人開檔的, 仲會駁埋電.)

幾條友book架貨van就連人帶貨殺入去, 點知個司機唔識路,

響大埔兜左好多個圈先落到貨.

去到場地第一件事就係搭起之前講過摺埋都成個人咁高既帳蓬.

我一直都奇怪一個三米乘三米既帳篷點解可以咁重,

去到一打開就知瀨野...

原來我地借番黎果個帳篷係三米乘六米, 比我地租既場地足足大一倍!

我地總唔能夠由得佢突出三米, 食環署一定唔會放過我地,

咁我地就唯有即場拎架生拆左多出果三米 (對, 個帳篷係借番來的, 但照拆!),

殘肢就收埋響後欄, 等初一先鑲番上去.

拆左成個鐘, 仲要肯定自己冇拆錯唔會影響剩低既結構之後,

就開始砌張檯.

係, 我地買唔到符合高度的高檯, 又係自行買角鐵搭建.

唔好講笑, 之後就係呢張高檯救左我地好多~ 重要角色來的!

- 第1-4日

一般黎講, 呢幾日係冇乜生意的.

所以主力人手反而係去其他年宵場--格價~

每日我都會去維園果邊睇下人地有乜野賣, 有幾多撞貨,

人地又賣幾錢. 然後就動用"紅海戰術", 減得比佢快, 比佢狠!

至於存貨方面, 同其他好多檔口一樣,

我地每日都會有少量存貨擺響帳蓬裡面.

點知某日半夜落過一場好大既雨,

連新聞都報導好多檔口既貨被淋到濕晒.

但我地就係因為張高檯幫我地擋晒d雨, 一件貨都冇濕到!!

為左答謝佢, 我地同佢加多一層暗格, 用來放錢同埋可以匿埋食飯~

關於寫作......我想說的其實是......II

2010-10-22T11:32:00.002+08:00

- 當然, 呢D所謂既夢想會隨著現實而改變,
同好多打工仔一樣, 畢業之後我就冇再拎過筆寫字.

- 點知多年之後, 誤打誤撞之下, 我竟然寫起專欄來.

- 每個禮拜交六百字, 對我來講可以好輕鬆,
我可以寫一堆垃圾交貨算數, 但我又唔想.
我總希望每個禮拜D人睇完會有反思,
對社會反思又好, 對自身反思也好.

- 縱使我到而家都唔知個專欄實情有冇人睇,
但就算冇人睇, 上面既基本理念係不變的.

- 有時, 攪一兩個爛gag在所難免, 畢竟"新蚊"係一本娛樂雜誌.
我希望讀者睇完就算冇反思, 都可以得到少少娛樂~
唔駛悶出個鳥來.

- "新蚊"讀者群係比較年輕的一群,
如果一開波就講一d好大既題目,
相信佢地睇完第三句就會skip.
所以, 個pattern通常都係
用一d比較貼近佢地既字眼當中,
靜靜embed比較大的題目落去.

- 寫得淺白亦都有故意的, 如蔡瀾話齋:
"寫得太深, 得自己睇得明, 有鬼用呀?!"

- 我少人睇, 唔代表我可以亂寫.
這是良知的問題.

- 原本編輯哥哥同我講只係寫四至六期,
點知寫下寫下就寫左半年.
而今日出街的, 將會係最後一篇.

- 對我來講, 呢一篇能夠出街, 簡直係完美的結局~
但很抱歉, 呢一篇係冇gag位的.
亦都相信有人會睇唔明,
唔明的可以繼續唔明, 因為冇乜損失~
但明的, 就自己會明.

- 感謝編輯Chris的包容和忍耐...與及膽識!
我到而家都覺得佢搵我寫野係一件好冒險的事.(!!)

- 對於每一個send email俾意見我的朋友,
讚又好彈又好, 都非常感謝.
實在係一個非常有趣的互動體驗.
但我總係唔明, 幾乎每一個email都會提到"好怕俾我串"...
呢個就有點無奈囉~

宅的一天

2010-10-21T11:40:00.004+08:00

- 放工之後無無聊聊的去睇"告白",
我素來討厭日本電影,
但見口碑同賣飛情況(我去到只係買到頭幾行...),
又去睇下有幾好睇.

分別從幾個人把口出發去整合一個故事唔算新穎,
但做得到有條不紊都唔易,
而且電影MV感非常之重 (主題曲仲要係radiohead的last flowers, 死未~),
有別於平時又長又臭的阿婆扎腳布式日本電影.

但睇完呢套戲, 係唔會開心的. 好沉重.

- 散場之後, 未食飯好肚餓,
但油麻地食到厭, 就蕩左去佐敦搵食,
行下行下, 見到有間野幾骨子又唔貴就撞左入去.
http://www.openrice.com/restaurant/sr2.htm?shopid=38491
以佢既價錢其實我冇乜要求,
但佢既食物竟然幾有心思, 唔係求其煮.

之前openrice見有人彈'澳牛'既意粉唔夠al dente,
食澳牛都咁撚高要求.
咁我又扮下食評人講一句:
呢間d意粉真係夠al dente~
就連d蝦都好夠al dente囉!

- 返到屋企就繼續打機扮jordan,

發現原來只要完成10個challenge就可以用jordan打my player系列.

"咁有乜好玩呀?!"

er...可以踢佢去打bobcats, 同埋,
著adidas囉~

btw, 隻game某個陰暗位可以入code,
懶人請記住以下號碼,

icanbe23

關於寫作...我想說的其實是...

2010-10-19T22:59:00.001+08:00

- 唔怕面紅的同大家講, 我小時的其中一個志願係作家(!!)
- 中學時期好得閒, 係參加過公開的徵文比賽, 仲要贏左...

- 更加唔知醜的同大家講, 當年會考果陣, 中文作文我係以文言文應戰的.

"返去磨墨啦阿伯! 而家冇左會考架喇!!"

就係而家冇左先更加要講, 好多人考過都唔知,
其實會考係可以用文言文的!
字數仲有優惠呢~ (唔記得係三百定四百字...)
咁當然, 我當年係死得好慘的...

- 曾經睇過一篇訪問, 記者問某女作家:
"妳日寫夜寫, 生活作息同一般人唔同, 有冇一刻覺得自己生活好唔正常?"

佢答:
"只要你曾經有一刻有想過以作家為職業, 呢個念頭已經好唔正常!"

(眼訓, 待續)

壞品味系列

2010-10-16T00:30:00.004+08:00

知道係乜的唔駛我解, 唔知係乜的我都唔知點去解,

因為我發現原來我從來唔知呢舊野係點稱呼...

姑且稱佢為 "越野飛珠" 先.

簡單黎講, 就係一個將珠珠由起點運去終點的遊戲,

途中會經過好多障礙,

你就可以透過下方的panel去排除萬難.

(如圖中的黃色掣係控制黃色部份, 藍色捍就控制藍色部份)

年紀細的應該未玩過~

但這可是我的童年回憶之一呀~!

圖中呢個係迷你復刻版, 原版係大一倍以及啡+綠色的.

(小克好似曾經響專欄畫過原版, 但唔記得幾時)

而呢個復刻版一式有三款, 仲可以拼埋一齊玩.

係架~ 係好低能架~

但iphone果d game咪又係玩緊呢d野!!

是日短片

2010-10-12T13:57:00.002+08:00

台灣世新大學廣電系學生的作品,
拍得很不俗~
將一個虛擬空間帶到現實的一個虛構故事 (我在說甚麼?)
平時成日上forum/newsgroup的要睇.

所以話, 上網識人真係要小心,
未到最後都唔知邊個會出賣你~

雜絮

2010-10-10T00:17:00.004+08:00

- 尋日睇報導, 最吸引我的除左那個敏感詞獎(近排睇得太多韓寒之過~)之外, 就係呢個, 一路睇一路忍唔住笑~

因為呢單新聞令我諗起當年網路上的趣事:
詳情可睇呢度:
http://www.wretch.cc/blog/Shadox/10005160
吐~ 2.5億算甚麼?! 人家早就賣9億了~

當年台灣耐唔耐就有一單惡攪拍賣,
貨品唔重要, 最重要的是問答環節,
大家都用一個好認真既態度去問一D好鳩既問題,
而賣家又不厭其煩引經據典的逐一回答.
大家流鬥流, 好玩過而家高登多多聲~

而咁多次惡攪之中, "二手牙簽"果條可謂最精彩,
可惜呢個冇出書...
有copy的煩請send個給我~

- 呢期電玩話題的NBA 2K11,
因為波神肖像權終於解禁而造成哄動.
玩左成晚, 波神動作都可算非常細膩,
小動作都跟到足.
仲可以用番某D 90年代強隊, 如圖中的Supersonics.
可惜大部份只得正選...後備變晒做普通電腦人.

- 又, 講開NBA,
熱身賽剛剛開打, 林書豪首次登場,
林書豪有乜咁巴閉呢?
*佢係NBA首位華裔控衛 (姚明可不是控衛來的...)
亞洲後衛面對外國人通常都會變炮灰的, 佢可算係近年對抗性最好的一個.
*佢, 係哈佛畢業的, GPA 4.2...
*哈佛讀書冇乜特別, 特別的是哈佛沒有體育獎學金呢回事,
所以一般來講, 有潛質的運動員早就被其他名校(如UNC, UCLA等等)挖走,
通常讀得哈佛都不容你考慮做職業運動員, 只能夠專心讀書~
*而對上一次哈佛出產職業籃球員, 係195X年...

- 是日好書推介:
501 things to do with a zombie

其本上, 呢本書係低能的!
插圖核突, 文字簡陋.
但係佢既中心思想又幾唔錯:
其實你我身邊都好多像喪屍一樣的人,
請多d關心身邊既人~

謎情追兇

2010-10-08T00:55:00.003+08:00

- 其實第一日上果陣我已經睇左,

但又實在講唔出佢有幾好睇,

成套戲睇果陣好似好平淡.

- 但散場之後好多畫面就響腦內揮之不去,

就好似戲裡而每一個角色一樣.

- 套戲表面上係講一單兇殺案,

其實係講執著.

戲裡面每一個都係固執撚!!

- 對白非常精彩, 往往都可以做到用對白推進劇情,
甚至有時亦很woody allen.

- 中文戲名改得很差!

- 最多人談論的五分鐘一個shot直落鏡頭:

不過我比較喜歡開首火車站果組蒙太奇式鏡頭~

- "男人可以改變佢既樣貌, 工作, 甚至宗教, 但永遠唔會改變到佢對一樣野既passion~!"

亞洲電影節

2010-10-04T00:53:00.002+08:00

立下眼, 見到呢幾套

- 復仇者之死
Juno + 蒼井空好似好吸引,
可惜導演係...黃x甫...

- 我們天上見
內地電影, 導演係影后級的蔣雯麗,
亦即係顧長衛老婆.

- 死魚
三隻字: 園.子.溫.
據聞門票已經全數售罄~

- 第36個故事
之前講過, 不贅.

- 鐵男3: 極速子彈人
拍得住園子溫的痴線佬!
頭兩集雖然係十幾年前產品, 但就算而家睇番都cult爆~

減肥

2010-10-02T13:59:00.003+08:00

如果有人咁不幸有見過我前排的玉照的話,
大概都知說我是何等的苗條.

瘦, 其實唔係天生,
而係經過多年節食與及運動而成.

我唔相信坊間果D減肥藥,
我唔相信有不勞而減的脂肪.

幾百蚊買盒藥就可以坐定定響馬桶減肥等瘦?
荒謬程度其實同幾蚊一罐聲稱飲完可以補充體力的飲品一樣,
講你都唔好信啦!

唔好同我講冇時間運動,
蒲少一陣, 又或者睇少D師奶電視劇已經夠你做幾SET.

飲少D奶,
奶, 其實係冇乜益的.

煎炸野好好食我知, 但炸舊屎都係香口架...
食少D零食啦.

肥, 其實又冇乜問題的我覺得.
但我真係好怕果D成日開口埋口話減肥,
轉頭又覺得做運動好痛苦的人.
又要減又想懶.

所以真係唔好話而家D學生番學只求貼士不問學養.
因為大人一樣係咁撚衰~

是日廣告

2010-10-02T03:24:00.002+08:00

唔知點解,
個廣告冇扭橋冇得技, 講唔上好特別,
但我又睇得好開心~

http://www.youtube.com/watch?v=X21mJh6j9i4

戇99在廣州

2010-09-30T01:48:00.004+08:00

廣州成日去,
但每次都趕頭趕命, 係今次有得周圍逛,
第十甫都係第一次黎...

呢度其實幾似上海~

而呢度又幾似澳門~

有冇人著過pepsi波鞋呢?
係咪同佢d汽水一樣漏氣既呢?

因為玩過左籠, 所以要搵地方過夜,
又孤寒唔想住酒店, 友人就提議搵賓館.
大約都係二百蚊一晚, 但質素就可以差好遠.
內地朋友教落登記之前一定要要求睇房,
結果我地就見識過炮房, 甚至刑房...
最後決定響呢間落腳, 算係幾唔錯的了.
至少d床舖真係乾淨訓得人.

但我地亦都響呢間賓館遇到好多騎呢事,
例如撞上三個麻甩佬同我地爭一間單人房,
冇錯, 係三個麻甩佬, 要一間單.人.房, 過夜!!

仲有就係賓館好先進用電腦匙, 但張卡係永遠開唔到門,
而管房求其一張就開到全賓館所有門,
然後我地半夜睇波果陣竟然聽到門外有人嘗試開我地度門...

當然仲有"尾房鬼故"啦,
不過唔講lu~

荔灣馳名艇仔粥,
咁去到荔灣諗住咁出名, 求其一間都唔會衰得去邊...

點知就係瀨野...
呢碗係我近年食過最削的艇仔粥!!
仲有好古怪的牛腩腸粉 (冇入鏡)
食物還是東莞的比較好, 求其坐底一間都唔差.

賓館對面有間賣魚皮的, 原本想幫襯,
但見佢upup dupdup就冇理佢,
點知原來好出名...
呢個仲要係我返香港之後先知道...

反香港亞運關注組

2010-09-21T22:13:00.003+08:00

唔記得有冇響呢度提起過(定係舊BLOG?),
我係舉腳反對香港申辦亞運的.

話說好幾年前香港已經申辦過一次,
當時街上面不時有簽名活動叫市民聯署支持,
有一日就撞正有個妹妹拎支筆行埋黎叫我支持一下香港,

我就答佢: "我反對架喎..."
妹妹估唔到我不被美色所迷惑, 問番我:
"點解唔支持咁有意義既事呀? 大家都係香港人嘛~"

"妳數下香港有幾多個運動場先啦!
妳知唔知香港最有規模果個體育館響邊度?
妳又知唔知果個體育館最常辦係乜野活動?"
阿妹, 我就係香港人先唔想親眼睇住香港失禮呀~"

P.S. 呢件事亦都引發到其後專欄的其中一篇~
想重溫的話可以到呢度 (對, 我又來賣廣告了~)

又, 其實我係幾鍾意果篇的~
係少數一路寫一路笑的雜文.

是日入手

2010-09-19T00:08:00.002+08:00

我一直對reebok呢個品牌非常感冒,

高不成低不就, 市場定位錯到離譜.

咁多年來我連(曾經)大熱的pump fury都未買過一對,

但唯獨呢對思前想後, 細個冇錢買, 大個算係還個心願.

論好著就一定冇而家果d creator乜乜又或者 hyper乜乜咁好架喇,

不過可以扮下佢咁囉...

始終都係橙色波波先叫正宗~

是日對話

2010-09-16T00:49:00.002+08:00

(訴苦mode) "近排好窮, 成日要同隻狗睇醫生..."

(關心mode) "妳隻狗狗乜野事呢?"

(欲哭無淚mode) "佢扭親條腰呀..."

(毫無良心mode) "...狗條腰即係邊度? 如果度腰圍呢應該係打橫度定係打直度先0岩?"

3D 兩味

2010-09-12T20:15:00.005+08:00

唔好以為3D只係大片專利,
而家好多B-movie都攻佔立體市場,
仲有咁盡玩咁盡.

- Piranha 3D
目標非常清晰, boobs and blood,
絕對滿足到B片觀眾需要,
笑位同嚇位到合格有餘.
不過3D效果強差人意,
大部份close up 鏡頭係睇唔到立體的其實.
(當然你會知佢close up 邊部份~)
就算我已經係坐響全場最正中果個位都睇唔到,
只係睇到影象重疊...

好期待毒蛇嚇機拍3D呀下~

- The Hole in 3D
冇乜宣傳的一套, 故事講一家人搬屋,
發現新屋地牢有個無底洞,
而自從地洞打開之後, 各人就開始輪流撞鬼...

講真, 故事係非常之咁把屁的.
亦冇乜驚嚇成份,
到結局仲直頭變左inception一樣.

不過, 佢既 3D效果可算非常出色,
幾乎每一件道具擺位都係為3D而設,
空間感強烈, 亦見心思.
唔計阿煩達的話, 呢套的3D效果應該係我睇過做得最好的.

一個 J for Jerk 的年代

壞品味系列 - Brian Scalabrine

年宵快訊

未過年先送禮- 後記

未過年先送禮大行動 (已完)

龍紋身的女孩

一個故事 - 乾杯

聖誕交換廢物指南 2011

Cake 的啟示

從微博到巨博

保衛戰隊 之 出動喇! 朋友!

the human centipede II

雜絮 - 近期電影

j4jerk 解密系列 3 - Project X

一個故事 - 來 電

波瀾北京 - 雜絮篇

波瀾北京 - 古蹟篇

亞洲電影節 2011 概覽

"iphone 5" 設計圖流出?

one day 情約一天

波瀾北京 - 798 藝術區 篇

是日對話

eurobasket 2011 歐洲錦標賽焦點球員

Sims 回憶

一個故事 - 快餐經濟

壞品味系列 - really jerk!

一個故事 - 旅行的意義

忍者亂太郎 真人版

宵夜速遞 - 微波豬扒

無聊從戲票說起

睡床上的外語電影節

瘋子的世界

[期間限定] 消失的地平線

執書行頭...

大家來讀報 - 溫洲動車事故

夏日國際電影節 短覽

大家來讀報 - 國際視野

雜 絮

點唱時間

無 力

大娛樂家

是日對話

google+ 的二三事

certified copy

都是google goggles惹的禍

求救系統

雜 絮

life is like a pack of 端午糭, 你永遠唔知雪櫃果一堆糭係邊隻(鹹肉?)打邊隻(豆沙??),

尤其是深宵果陣...... 而家又要去博一舖了......

左撇子的煩惱 ver1.2

若你喜歡怪人

雜 絮 - 寫在等待電腦修復之時

一個故事

壞品味系列: 來~擁抱國貨 - 匹克鞋的開箱文

miranda july 有新作!

幾個android 必裝 app

折子戲

難民遊 - 內地篇

一個故事

泰無聊

壞品味系列 - 3D玉蒲團

撳錢撳出癮

這半年

兄 弟

講兩句, 幅射

本週節目推介

雜 絮

印尼印象 下

印尼印象 外傳

微博小故事 - iphone

印尼印象 上

j4jerk 解密系列2.2

j4jerk 解密系列2 - 預告

很久不見~

一個故事

是日海報

超短篇小故事

雜 絮

微博小故事

j4jerk 解密系列1 - 一個J for Jerk的年代

保衛戰隊之出動喇! 朋友!

一個故事 - 來電

波瀾北京 - 798 藝術區篇

忍者亂太郎真人版

夏日國際電影節短覽

雜絮

無力

雜絮

雜絮 - 寫在等待電腦修復之時

兄弟

雜絮

印尼印象下

印尼印象外傳

印尼印象上

雜絮

臨老入花市最終實戰篇下

微博小故事之迎接外星人

雜絮

臨老入花市最終實戰篇上

雜絮

減肥