關乎觀感

早排有朋友出書,
誠邀身邊所有朋友供稿, 而小弟有幸成為其中一個.
(係囉, 連我都有份, 證明好睇極有限啦~~)
而由於本書採取不記名政策,
出書之日我地大家都唔知邊篇打邊個.

某夜飯局, 有人就拎番呢本書出來講,
眾人一致裁定我就係果篇"兒時把玩衛生巾經歷"的作者....

喂...咪先咪先! 點解係我呢?

"因為好好笑囉~"
"因為呢篇寫得最賤~"
"因為你似會做d咁既野~"

此為誤解!

我隨即拎起本書, 揭到自己寫果一篇,
一班人頃刻起哄...

"你唔似寫d咁深既野囉..."
"都唔夠好笑..."
"你識字架咩?!..."

此為深層次誤解!!